InfoHub Logo

«Hatıko: Eń adal dos» (aǵylsh. Hachiko: A Dog's Story) — toǵyz jyl boıy qaıtys bolǵan qojaıynyn kúndelikti bir ýaqytta kelip, stansıa mańynda kútip júrgen japondyq akıta-ıný tuqymynyń ıti Hatıkonyń naqty ómirine negizdep túsirilgen Lasse Hallstróm kórkem fılmi. Bul fılm 1987 jyly túsirilgen japon fılminiń remeıki bolyp sanalady. Fılmniń senarıin jazǵan Stıven Ýeın Lındsı. Basty rolderde: Rıchard Gır, Djoan Allen jáne Sara Remer. Fılmniń tusaýkeseri 2009 jyldyń segizinshi tamyzynda Japonıada ótti.

Sýrette álemge áıgili ıt Hatıko. Adamdardyń adal dosyna aınalǵan bul ıt 1923 jyldyń qarasha aıynda dúnıege kelgen. Týylǵannan keıin ony Tokıo ýnıversıtetiniń profesoryna syıǵa bergen. Al endi myna áńgimege nazar aýdaryńyzdar. Egesi ár tań saıyn jumysqa ketetin bolǵan. Hatıko óz egesin Sıbýıa beketine deıin shyǵaryp salyp júrgen. Saǵat 15:00-de atalǵan bekette egesin kútip alady eken. Arada bir jyl ótse de ıt óz egesin kútpegen kúni bolmaǵan. Alaıda 1925 jyldyń mamyr aıynda Hıdesabýro Ýeno júrek talmasynan kóz jumady. Sol kúni Hatıko egesin kóp kútedi, alaıda egesi oralmaıdy. Týysqandary ıtti tastamaı, ýaqytynda tamaqtandyryp otyrǵan. Hatıko sonda da egesin kútýdi toqtatpaı, kúndelikti ýaqytynda beketke baratyn bolǵan. Itti sol jerdegi temirjol jumysshylary, satýshylar bilgen. Bul adal dos týraly 7 jyldan soń 1932 jyly gazet betterinde maqala jaryq kórdi. It ómiriniń sońyna deıin Hıdesabýro Ýenony kútken. Osylaı 1934 jyly ólgen. Sol jyly turǵyndar Hatıkoǵa arnap eskertkish ornatty. Alaıda soǵys kezinde eskertkish qırap qalyp, soǵystan keıin qaıta turǵyzylǵan. 

Minekeı osyndaı keremet oqıǵa áli kúnge deıin adamdardyń júregin eljiretedi. Hatıko tipti  búkil adam balasynda bola bermeıtin qasıetke ıe boldy. Onyń shydamdylyǵy,tabandylyǵy men júreginiń adaldyǵy biz úshin úlgi bola bildi. Bul fılmde men naǵyz dostyqty sezine bildim. Meniń oıymsha, qazirgi tańda bul fılm jastarǵa úlgi bolary anyq.

Tolǵanaı Ábjapar

---