InfoHub Logo

Ǵashyq eter qos jandy sezim deıdi, júregim alyp-ushyp seni izdeıdi.

*** *** *** ***

Mahabbatyń jebesi júregime qadaldy, ómirimniń bar máni sol sezimnen nár aldy.

*** *** *** ***

Júregimde jazýly tur esimiń, endi óziń aıt, súıgen sáýlem, sheshimin.

*** *** *** ***

Ǵashyqpyn men, shyn ǵashyqpyn ózińe, senshi sáýlem, júrekjardy sózime.

*** *** *** ***

Tek ózińsiń syrlarym da aqylshym,
Ózge arýdan júregime jaqynsyń.
Bir sen úshin attanamyn bel býyp,
Meıli qandaı qıyn sapar shaqyrsyn.
 
Saǵan tógem júregimniń jylýyn,
Sensiz maǵan ómir, shattyq-tul uǵym.
Men qaı jaqqa attanbaıyn bári bir
Kútip turar seniń tabaldyryǵyń.

*** *** *** ***

Meni, bir saǵatta 60 mınýt, al bir mınýtta — 60 sekýnd bar dep úıretti. Biraq sensiz ótkizgen bir sekýnd — tuńǵıyq ekenin eshkim úıretpepti.

*** *** *** ***

Meniń kózderim júregime qyzǵanshaqtyqpen qaraıdy. Bilesiń be, nege?! Óıtkeni, sen meniń kózderimnen alys bolsań da árdaıym meniń júregimdesiń!

*** *** *** ***

Buıyǵy tartqan qalpym bar,
Bolǵan soń saǵan shyn ǵashyq.
Sen barda – janym jarqyldar,
Joq bolsań – qalar muń basyp.

Surama onyń sebebiń,
Syry bar jumbaq, astarly.
Jarqyrap turar ádemi,
Juldyzy sensiń aspannyń.

Oılarǵa batqan kezimde,
Úzdigem qara kózińe.
Bóleıtin ińkár sezimge,
Baqyttyń kilti ózinde!

*** *** *** ***

Mahabbat aıdynynda júzip júrgen jan tátti sezim men qıal qushaǵynda bolady. Jabyrqaýdy umytyp, ýaıym-qaıǵy degen ómirde múldem joq tárizdi sezinedi.

Sol aıdynda ómiriniń sońyna deıin júze berýdi qalap, jaǵalaýǵa shyqqysy kelmeıtini haq.

Al egerde sol aıdynnan abaısyzda shyǵyp qalsań, ómirdiń mánin, sánin joǵaltasyń.

Endeshe dostar, osy bir ǵajap keremet ómirdiń sánin keltiretin dúnıe — Mahabbat úshin!

*** *** *** ***

Bir ǵulama «myna ómirde Mahabbattan tátti esh nárse joq, al kezdese qalǵan qýanyshtyń barlyǵy da ekinshi oryndaǵy nárseler» degen eken. Al «rýh — dostyqqa, aqyl — syılastyqqa, tán — kóńilge, osy úsheýiniń qosylýy Mahabbatqa yqpal etedi» degen de sóz bar. Shynaıy  mahabbattyń qurbany bolǵan adam baqytty.

Ómirińizdiń mazmuny, máni sanalatyn shynaıy MAHABBAT ÚSHİN!

*** *** *** ***

Seniń nurly beıneńdi kórgenimde, ásem sózder kele berdi-aý tilime, Sendeı jannyń súıgeni bolsam eger, Odan asqan baqyt joq endi MENDE

*** *** *** ***

Saǵyndym seniń janaryńdy,
Tuńǵıyqtaı muńǵa batqan.
Saǵyndym seniń jan-ánińdi,
Tyńdaýmenen araı atqan.
 
Saǵyndym seniń sózderińdi,
Janym, kúnim, aıym degen.
Saǵyndym seniń jylýyńdy,
Kózderimnen nur izdegen.
 
Saǵyndym seniń kelbetińdi,
Únsiz ǵana jalbarynǵan.
Sendeı adam jer betinen
İzdep tabý qaıda maǵan?
 
Saǵyndyrmaı kelshi janym,
Kezeıikshi baqyt baǵyn.
Kóz aldymdy órtep barad
Júregińnen atqan jalyn.

*** *** *** ***

Júregimdegi kóktem
Óksip júrek órteıdi óz keýdesin,
Qaıtsin endi taǵdyrynan bezgen soń.
Aıtshy janym, nege kettik qınalyp?
Bálkim bizder jolyqtyq pa kezdeısoq.
 
Joq, baqytym, olaı emes, biz basta
Ǵashyqtar ek tań atqansha syrlasqan.
Essiz súıdik esh nársege moıymaı,
Bizdi aıap,jylaıtuǵyn muńdy aspan.
 
Al sen meni aıaladyń, aımaladyń,
Sen qasymda júrgen soń qaıǵyrmadym,
Pák sezimdi panalap, qamsynatyn.
Sol kúnderdi bilesiń be saǵynamyn.
 
Keshir janym, jazylmaıtyn syrqattymyn,
Sony oılap tappaımyn bir sát tynym.
Úmitsiz-aq ómir súrem tek sen bolsań,
Tek sen bolsań qasymda baqyttymyn.
 
Jasyrmaımyn, kıimimniń jamaýy – sen,
Qumyrasy kóńilimniń – qumarym sen.
Ónerińe tańym bar, qyzyǵamyn,
Qaıta týsam sen bolyp jaralýshy em.
 
Jaralsam ǵoı, maǵan ǵashyq bolarym haq,
Qamalar em sol júrekke, oryn surap.
Jańa ǵana ómir bastap, men súıgen,
Netken ǵajap, baqyttysyń! Armanyń shaq!
 
Armanyń shaq! Maǵan ǵana jaıǵan qushaq!
Biraq baıqa ketpesin qaıǵyńa uqsap.
Taıaqtyń bir ushyna baq ilinse,
Ekinshisi sol baqtaǵy dertiń bolmaq.
 
Ne degenmen baqyt, sirá, shektelmeıdi,
Ony muńsyz eshkim de ótkermeıdi.
Qaıǵy aralas shattyqqa mas júrekterdiń,
Jaqut izdep jyr jazýyn «kóktem» deıdi.

*** *** *** ***

Súıem seni
Súıem seniń shyǵanaqtaı kózińdi,
Súıem seniń nurǵa bitken júzińdi,
Súıem seniń minezińdi tózimdi,
Tózimińnen úzip sabyr berseń ǵoı.
 
Súıem seniń ezýge mas ernińdi,
Súıem seniń júzden ótkir tisińdi,
Súıem seniń yntyqtyrar ıisińdi,
Sol ıistijeldeı esip júrsem ǵoı.
 
Súıem seniń shabytyńdy búrmeli,
Súıem seniń tamaǵyńdaǵy meńdi,
Súıem seniń erekshe júregińdi,
Sol júrekke tamyryńmen jetsem ǵoı.
 
Súıem seniń jotadaı keń keýdeńdi,
Súıem seniń dińgekteı tik jelkeńdi,
Súıem seniń shyńdaı bıik eńseńdi,
Sol eńseńnen qulap jerge ólsem ǵoı.

*** *** *** ***

Baqytym
Sen keı kezde aspandaısyń jerge tóngen,
Kirshiksiz syz keýdeme kómkerilgen.
Sen keı kezde qatty tassyń syr bermeıtin,
Jylymaısyń, jylasam da kelip kókten.
 
Sen keı kezde bulaqtaısyń bastaýy bar,
Syńǵyrlaǵan názik úndi ánge qumar.
Sen keı kezde aqqýdaısyń aıdyndaǵy,
Júzip baıaý, júrgendeısiń izdep syńar.
 
Óziń túgil tanymaımyn keıde ózimdi,
Seni kórip júrek t ynyp, tilim syndy.
Súıem seni, meıli tas bol, tasjúrek bol,
Sendeı baqyt kórmeppin buryn-sońdy.

*** *** *** ***

Súıemin seni nege ekenin bilmeımin nege janym seni izdeıdi kúni-tún bolsam deımin, máńgi seniń qasynda biraq qazir armanymsyń tek qana....

*** *** *** ***

Sen meniń jalǵyz janymsyń,
Sen joqta múshkil halim shyn.
Muń basyp túndeı túnersem,
Aǵaryp atar tańymsyń.
 
Basyma qonǵan baǵymsyń,
Kóńilimniń altyn taǵysyń.
Qasymda dáıim júrseń de,
Armandaı alys saǵymsyń.
 
Aınaldym qońyr kózińnen,
Aıyrǵan meni tózimnen.
Jarylsyn júrek shattanyp,
Súıemin degen sózińnen.
 
Sondaısyń, sáýlem, sondaısyń,
Jaǵasy bulǵyń tondaısyń.
Jaralyp jandy jylatpaı,
Basyma baq bop qonǵaısyń.
 
Taǵastyz kútip-tosamyn,
Jyryma seni qosamyn.
Sózińdi berseı, bolaıyn,
Táńiri qosqan qosaǵyń!
 
Tezirek, janym, jetseńshi,
Saǵyndym.... óldim...tek senshi.
Tolqyǵan júrek tynshysyn,
Senimniń gúlin ekseńshi.

*** *** *** ***

Shynaıy mahabbat kúshiniń qudirettiligi sondaı – mylqaýǵa til bitirip, soqyrǵa janar beredi, aýrýdy jazyp, ólini tiriltedi.
Mahabbat – uly jalǵanda eń,
Teńeser oǵan káne, kúsh!
Mahabbat – asyl arman men
Órtený, janý, saǵynysh.
Mahabbat – qýǵa jat meken,
Qudiret onyń aty da.
Mahabbat - ǵajap aqbóken,
Aıyrylyp qalsań qapyda.

*** *** *** ***