InfoHub Logo

Ketirmegen berekesin dastarhannyń,
Týǵan kúni qutty bolsyn Ot-anasynyń.
Taǵy da osynshama ómir súrip,
Qyzyǵyn qyzyqtaı ber jalǵyzyńnyń.

*** *** *** ***

Týǵan kúni qutty bolsyn joldasymnyń
On bes jyl otasqan ot basymnyń
Kim biled endi qansha bolarymdy
Ózińe neke qıǵan otaǵasynyń.
Tilerim zor densaýlyq, uzaq ómir taý halqynyń,
Jaqsylyǵyn tileımin bul jalǵannyń,
Aradaǵy jalǵyz butaq, jalǵyz ulyń,
Kór sonyń japyraǵynyń jaıqalǵanyn! 

*** *** *** ***

Qurmetti otaǵasy! Erdiń jasy –  50-ge kelgen mereıli sátiń qutty bolsyn!
Ómir kóshin biz birge bastap edik, qalypsyń sen de 50 jasqa kelip, - ul-qyz tárbıelep, jaryńdy aıalap, ata-anańdy qasterlep, ákelik, jubaılyq, perzenttik paryzyńdy adal atqaryp kelesiń. Árdaıym shańyraǵymyzdyń tiregi, qamqorshysy, otbasymyzdyń berik dińgegi boldyń. Talaı asýlardy tabandylyqpen jeńip, neler qıyndyqtardy qajyrmen jeńdik. «Elý – tal tús» demeı me? Endeshe aldaǵy ómirde de týǵanǵa syıly, keıinge úlgi bola ber. Kún jaǵymyzdan kóleńke, jel jaǵymyzǵa pana bolyp júre ber!  Densaýlyǵyń kúıli-qýatty, ǵumyryń uzaǵynan, kórer qýanyshyń molynan bolsyn deımin.

*** *** *** ***

Bábishem-aý, sulý ediń, oıly ediń,
Názik tánge jarasatyn kóılegiń.
Keris shyǵyp ketpesin dep kezdeısoq,
Kúıeýińe baıqap-baıqap sóılediń.

Ótti jyldar, ótkenderi bilinbeı,
Ólgen arman qala berdi tirilmeı.
Tiliń shyqty aqyryndap seniń de,
Segiz aılyq jas balanyń tilindeı.

Kónemiz ǵoı degenine taǵdyrdyń,
Baqytyńdy qyzǵanatyn bar qurbyń.
Tumanbaıdy jaqsy kórgen júrekti,
Qaı kósheniń buryshynda qaldyrdyń?!

Múmkin gúlder ege almadym jolyńa,
Baq juldyzyn bere almadym qolyńa.
Aıyń týsa alǵanyńnyń arqasy,
Kúniń shyqsa kópsinbeımin ony da.

Qatar turyp keýde tostyq tasqynǵa,
Kerek etsem, tilin taptyń tastyń da.
Elý jyldaı birge kele jatyrmyz,
Seniń bıik aqylyńnyń astynda.

*** *** *** ***

Jaryńnyń qabaǵyna muń túsirme,
Baqyt bar ýaıym joq, shat pishinde.
Júregińde meıirim, ıman bolsa,
Qadirleıdi jar túgil, jat kisiń de.

*** *** *** ***

Álpeshteıdi, aıalaıdy adal jar,
Jar jylýy – júrekke nár, sony ańǵar.
Ózińdi óziń qurmettegiń kelse eger,
Aıaýlyńdy júrekpen súı, adamdar.

*** *** *** ***

Júrer bireý jarynyń, janyn uqpaı,
Júrer bireý álpeshtep, abyrjytpaı.
Óziń súıip aldyń ba,
Ómir boıy,
Áıelińdi qadirle qalyńdyqtaı.

*** *** *** ***

Asyl jar, aıaýly jar, qudaı qosqan,
Ózińsiz kóńilimdi munar basqan.
Eger de sen bolmasań, kókte kún men,
Kógimde kúlimsirep turar ma aspan?!

Jaratqan ulda berdi, qyz da berdi,
Túsime ene almaıdy qyzdar endi.
Ózińsiń baq juldyzym jarqyraǵan,
Tabamyn júregińnen izgi álemdi.

Ýyq qostyń sen meniń ýyǵyma,
Jylynamyn janyńnyń jylýyna.
Jar bolǵaly ózińdi umytqansyń,
Óbektep meniń ystyq – sýyǵyma.

Shattyǵyn tirshiliktiń teń bólisip,
Aqqýdaı aıalaısyń kólbep ushyp.
Qylyǵyń, erkeligiń, nurly júziń,
Sonaý bir, alǵash kórgen, kezden ystyq.

Aıaýlym, jaýlap alǵan er júregiń,
Álpeshtep anama uqsap eljirediń.
Bar baqytym bir meniń basymdaǵy
Qarashy, janaryńda móldireýin.

*** *** *** ***

Áıelderge ósıet

Áıelderge
Áıel dostar,
Erkekterdi jóndep kútip baǵyńdar,
Olarǵa ylǵı jaǵynyńdar, jaǵyńdar,
Tolyp jatyr ókinishtiń sebebi,
Erkek degen óte názik keledi.
Sulý kórse, sulý kórse, tez bosaıdy býyny,
Áser etkish oǵan kúnniń sýyǵy,
Erkek degen o bastan-aq sharshaýyq,
Qozǵamańdar jatsa-daǵy jaý shaýyp.
Shetterinen umytshaq ta jańǵalaq,
Sút ornyna syra ákeler arbalap,
Aıta berseń erkekterge obal-aq,
Sondyqtan da kútińdershi baǵalap.
Ǵalym búgin bárin izdep taýypty,
Erkekterge artyq qımyl kaýipti.
Erkekterge shylym shegý zıandy,
Zıandy oǵan kóp ıiskeý de qıardy.
Zıandy oǵan kóp qıalǵa batý da,
Zıandy oǵan júrý túgil, jatý da,
Jumys istep, jalaqy da alyńdar,
Babyn taýyp balasyn da tabyńdar.
Ańda-sanda dúkenge bir shyqqanda,
Birer jarty artyq ala salyńdar.
Munyń bári erkekterge alymdy,
Solar ishsin, solar kısin kıimdi.
O, áıelder, erkekterdiń qadirine jetińder,
Úlpildetip, álpeshteýmen ótińder.

*** *** *** ***

«Keregeniń basynda oımaq turar,
Kedeıshilik jigitke qoı baqtyrar.
Alǵan jary jigittiń jaqsy bolsa,
Atyn baılap aldynda oınap turar» -

Dep jyrlaıdy bul qazaq óleńi,
Qara óleńi – aqsaqal kóregeni.
Jarǵa teńep jatady úıdiń otyn,
Jarǵa teńer tósek pen keregeni.

Jarqyratyp júretin arman-araı,
Jyrlar jazǵan jar jaıly tolǵap Abaı!
Jary jaqsy jigitke baq qaraǵan,
Sharýasy dóńgelep alǵa qaraı.

Jary jaqsy jigittiń – aspany ashyq,
Ár kún oqyr qyzyqty dastan ashyp!
Jaqsy jary – jigittiń berekesi,
Kúnnen kúnge kóbeıer dostary asyp.

Ana atyn júrgender jasap uran,
Bul sózime keltirmes asa kúmán!
Baǵy ashylǵan jigitke qudaı bergen,
Baǵy ashylý – jigittiń qosaǵynan!

Jaryń – janyń,
Joldasyń – alqalasyń,
Toılap jatyr sol búgin orta jasyn.
Jaqsy jary – jigittiń altyn táji,
Basyńdaǵy bazaryń tarqalmasyn!

*** *** *** ***

Týǵan kúni qutty bolsyn otbasynyń
45 – degen bul ómirde jarty ǵasyr
Ulyńnyń qyzyǵyn qyzyqtaı ber
Ár ýaqytta domalap órge tasyń.