InfoHub Logo

Jubanova Ǵazıza Ahmetqyzy (2.12.1927, Aqtóbe oblysy, Juryn aýdany, Jańaturmys aýyly, — 13.12.1993, Almaty qalasy) — kompozıtor, QazKSR-iniń (1973) jáne KSRO (1981) halyq artısi. 1949 jyly Gnesınder  atyndaǵy mýzyaklyq ýchılısheni (Moskva qalasy), 1954 jyly Moskva memlekettik konservatorıasyn (Iý.A.Shaporınniń kompozısıa klasy boıynsha), al 1957 jyly aspırantýrasyn bitirdi. 1958 jyldan Almaty memlekettik konservatorıasynda ustazdyq etedi; 1975-87 jyldary osy konservatorıanyń rektory (1978 jyldan profesor). 1962-68 jyldary Qazaqstan Kompozıtorlar odaǵy basqarmasynyń tóraǵasy. 1974 jyldan KSRO Kompozıtorlar odaǵy basqarmasynyń hatshysy bolǵan. Jubanovanyń shyǵarmashylyǵyna ákesi A. Q. Jubanov zor yqpal etti. Onyń aıaqtalmaı qalǵan "Qurmanǵazy" radıo-operasyn (1970) Jubanova bitirdi. Ol "Eńlik — Kebek" (1975), "Jıyrma segiz" (1981) operalarynyń; "Aqqus týraly ańyz" baletiniń (1966; QazKSR-i Memlekettik syılyǵy, 1970); "Jiger" (1971) sımfonıalyq poemasynyń; "Muhtar Áýezov týraly ańyz" (1965) t.b. kantatalarynyń, "Tatánanyń haty" (1982) oratorıasynyń, án, romans, hor, fantazıa t.b. kóptegen mýzykalyq shyǵarmalardyń avtory. Qazaqstan KP OK múshesi (1966), SOKP 23-seziniń delegaty boldy. Qazaqstan Lenın komsomoly syılyǵynyń laýreaty (1964). Eńbek Qyzyl Tý, Halyqtar dostyǵy ordenderimen marapattalǵan.

---