Gresıada ejelgi jerasty qala tabyldy
Geteborga shved ýnıversıtetiniń arheologtary Afınadan soltústikke 300 shaqyrym jerde ejelgi jerasty qalany tapty.
Ǵalymdar grektiń Kardısa qalasyna jaqyn mańnan tabylǵan bul qala antıkalyq tarıh jaıly kórinisimizdi birshama ózgertýi múmkin deıdi. Bul týraly Independent jazady.
Zertteýshilermen tabylǵan keıbir artefaktar jerdiń betinde ornalasqan. Kóbine bular qabyrǵalar men irgetastardyń bólshekteri.
Arnaıy radardyń kómegimen arheologtar jer astynda ornalasqan tarıhı artefaktardy zertteı aldy.
«Osy aımaqta júrgizilgen qazbalar jaıly bizde málimet joq», — dedi zertteýshiler tobynyń bir múshesi Robın Renlýnd. Sonymen qatar, ol komandasymen tabylǵan jerasty eldi mekeniniń qaldyqtary antıkalyq dáýirde Kardısaǵa jaqyn jerde buryn eseptelip kelgendeı aýyldar emes, úlken qalalar bolǵanyn kórsetedi dep esepteıdi.
«Biz qazba jumystaryn júrgizýge áli kirisken joqpyz, alaıda jer astynda ne bar ekenin shamamen kórsetetin málimetterimiz bar. Mysaly, biz tarmaqtalǵan kóshelerdi kóre aldyq», — dedi Robın Renlýnd.
Grek-shvedtyq Vlochos jobasynyń Kardısa mańyndaǵy arheologıalyq dala jumystary 2017 jyly jalǵasyn tabady.
You Might Also Like
-
26 jeltoqsanda «Joǵary oqý ornynyń úzdik oqytýshysy» ataǵyn berý jónindegi Respýblıkalyq konkýrstyq komısıanyń otyrysy ótti, dep QR BǴM-niń baspasóz qyzmetinen habarlady.
