InfoHub Logo

Tárbıe saǵatynyń taqyryby: «Gúl kóktemniń jarshysy»

Maqsaty: Oqýshylyrǵa kóktem jarshysy qustar týraly maǵlumat berý. Onyń adam úshin paıdasy, olar tabıǵattyń bir bóligi ekendigi jaıly jan - jaqty túsindirý.
Kórnekiligi: Qustardyń sýreti, sharlar, qaratorǵaı uıasy, gúlder, mýzykalyq aspaptar, dısk, magnıtofon. (Zaldyń ishi bezendiriledi)
Júrisi: 1. Uıymdastyrý. 2. Kirispe áńgime.

Qurmetti Ata - analar, ustazdar!
Júrgizýshi: Adam tabıǵattyń bir bólshegi ári ǵajaıyp týyndysy. Tabıǵatqa adamnyń janashyrlyqpen, aıalaı, esirkeı qaraýy onyń perzenttik mindeti. Darıa teńiz kólder men orman, toǵaılar, asqar taýlar men jan - janýarlar tabıǵattyń ajar kórki ǵana emes, ony búlinýden, azýdan saqtaıtyn qudiretti kúsh te!
Tabıǵatta basy artyq eshteńe joq. Ne bir qus, ne bir haıýanat, nebir ósimdik nemese jándik artyq emes. Sonyń bári tabıǵattaǵy tepe - teńdikti saqtap turý úshin qajet. Al ol tepe - teńdiktiń buzylýy kúnderdiń kúninde oıran apatqa soqtyrary sózsiz. Sondyqtan tabıǵatty qorǵaý maqsatynda «Gúl kóktemniń jarshysy» atty tárbıe saǵatymyzdy bastaýǵa ruqsat etińizder.

Kóktem jetti kól - kósir shýaq quryq,
Qys barady qıylyp jylap turyp.
Shatyrynda úılerdiń kóktem kep júr,
Muz kórpesin aqpannyń laqtyryp.
Kóktem qaıtyp oraldy aty da ańyz,
Suramaımyz alǵys ta, aqy da biz.
Kezdesýge qustarmen asyǵamyz,
Keshimizge sizderdi shaqyramyz.

Án «Kóktem keldi» oryndaıtyn Sabına Ońdasynova Kóktem keledi (balalarǵa bas ıip)
Sálem dostar, aman ba!
Mynaý beıbit zamanda.
Shat - shadyman kóktemiń,
Shattyq bolsyn ámanda!
Saltanatyn ananyń,
Týǵan kúnin dananyń,
Maı meıramyn ǵalamnyń,
Toılaý úshin jaraldym!
Án qurańdar únimnen
Sán qurańdar gúlimnen
Qýantamyn bárińdi,
Qut - mereke kúnimmen!
(Bári qol soǵady) (Sahnaǵa qus úıshigin kótergen eki bala kelip, kóktemge bas ıip, amandasady)

Ekeýi: Sálem eldiń kóktemi,
Álem endi kóktedi.
Qurmetpenen bas ıdik,
Qustaryńa kóktegi.

Kóktem: Raqmet, balalar,
Senderde oı - sana bar.
Baý - baqshanyń dushpanyn
Bastyrmaıdy qustarym,
Kerbez qustar ánimen,
Keldi mine sánimen.

Sabına: Jazylyp jarqyn dala, saǵym qalqyp,
Kók maısa jupar atty tamyry.
Jaıqalyp qyzǵaldaǵy jer qulpyryp,
Kókoraı muryn jardy ıisi ańqyp.

Nabat: Kópirip tas - talqan bop, ózen týlap,
Taýlardan aǵyp jatyr tómen qulap.
Búıirden bulaqtar da jamyrasyp,
Án qosty syldyryna jel shýyldap.

Symbat: Etekte baý - baqshanyń ańqyp gúli,
Tolqytty ánge basyp shat bulbuly.
Almanyń aq kúmisteı gúlderi,
Kúlisip qarasady kúnge jyly.

Azamat: Qýanyp shyńda shyrqap taý taǵysy,
Tastúlek sańqyldaıdy erke qusy.
Gúl jamylyp, kórpesin gúlmen shekken,
Bir mezgili tamasha jazdyń osy.

Jandos: Kókten tartyp kún nuryn,
Jerden tartyp jylylyq.
Ánin tyńdap bulbuldyń,
Qyzǵaldaqtar tur kúlip,
Muz bop qatqan kók kóldiń,
Sypyryldy kóılegi.
Shólin basyp shópterdiń,
Kóktem jańbyr sóıledi.
Tebirenip túnimen
Kóbik shashty kók aına.
Torǵaılardyń únimen,
Toı bastaldy toǵaıda.

Saıda: Kóktem keldi, sý aqty,
Qyrda alǵashqy gúl shyqty.
Ájem otyr shýaqta,
Aınaldyryp urshyqty.
Kóktem keldi oraldy,
Qarlyǵashtar qaıtadan.
Dala gúlge orandy,
Boz torǵaılar aıtady án.

Júrgizýshi: Tyńdańdarshy, mynaý ne dybystar shýlap jatqan?
(Úntaspadan qustardyń shýlaǵan dybystary estiledi.)
Bári: Bul – qustar shýlap jatqan. Qustardyń shýlaǵan dybystary estiledi.

1 - júrgizýshi: Iá, durys, bul qustar shýlap jatqan. Myna jerde qanshama qustar otyr, qaraıyqshy qandaı qustar ushyp kelipti?
(Eki qatardan bir - bir oqýshydan kelip, qustardy aǵashqa ilip, qazaqsha atyn ataıdy.)
Júrgizýshi: – Jaqsy, al qustar qaı jerde mekendeıdi?
Bári: Qustar ormanda, dalada mekendeıdi. Júrgizýshi: Qustar uıasyn qaı jerde jasaıdy?
Bári: Qustar uıasyn aǵashtyń basyna, shópterdiń arasyna, tastardyń qýysyna jasaıdy.
Júrgizýshi: Qustar bizge qandaı paıda keltiredi?
Bári: Qustar qurt - qumyrsqany jep, ormandaǵy aǵashtarǵa, egistik jerlerge kóp paıda keltiredi.
Júrgizýshi: Bizdiń qustarǵa qandaı kómek jasaýymyz qajet?
Bári: Qustarǵa uıa jasap, jem - sý berip, qamqorlyq jasaýymyz kerek.
Júrgizýshi: Qustardy taspen uryp, uıasyn buzyp óltirýimizge bolady ma? Bári: Joq, bolmaıdy.
Júrgizýshi: – Durys aıtasyńdar, torǵaılarǵa kómek kórsetýimiz kerek. Káne, qustar týraly taqpaqty aıtaıyq.