InfoHub Logo

Taqyryby: İ. Jansúgirov «Kóktemde»
M. Hakimjanova «Kóktem jyry»
Maqsaty: 1. Kórkem shyǵarmany taný, adam men tabıǵat baılanysyn túsindirý, óleńdegi tabıǵat beınesin aıqyndaý.
2. Oqýshynyń shyǵarmashylyq múmkindigin, mánerlep oqý sheberligin, ózindik izdenisterin, suraqqa erkin jaýap berý daǵdylaryn damytý.
3. Oqýshy boıyna estetıkalyq qundylyqty, ekologıalyq tanymyn darytyp, tabıǵatty qurmetteýge, aıalaýǵa tárbıeleý.
Sabaqtyń túri: jańa sabaq
Ádis - tásilderi: syn turǵysynan oılaý, sezim arqyly damyta oqytý, máselelik suraqtar
Kórnekilik: avtorlar portretteri, syzbalar, aýylymyzdyń tabıǵaty beınelengen slaıdtar, beınetaspa
Pánaralyq baılanys: qazaq tili, beıneleý óneri

Sabaq barysy:
İ. Uıymdastyrý kezeńi
Psıhologıalyq daıyndyq. Bir - birine sáttilik tileý
İİ. Úı tapsyrmasyn suraý
Balalar, biz qandaı bólimdi bitirdik?
«Ádeptilik, ar - uıat – adamdyqtyń belgisi»
Aqyn - jazýshylarymyzdyń qandaı shyǵarmalarymen tanystyq?(shyǵarmalardy ataý)
Osy bólimde neni úırendik?
Jaqsy. Senderge «Maǵan unaǵan shyǵarma» atty esse jazýǵa berilgen bolatyn. Kim oqıdy? (4 - 5 oqýshyǵa esselerin oqytý)
Endi, balalar, myna sýretke qarap otyryp, kelesi suraqtarǵa jaýap berińder. (tabıǵat beınelengen sýretter slaıd arqyly kórsetiledi)
«Oı qozǵaý suraqtary» (1 slaıd)
İİİ. Jańa sabaq
Búgin men senderdi tabıǵat aıasyna shaqyramyn. «Jer - anany» aq kórpesimen jaýyp, endi, mine aıqara ashyp, qaı mezgildi ákeldi?
Kóktemdi
(slaıdtan «Meniń aýylymnyń kóktemi» kórsetilip jatady. Muǵalim osy kezde Á. Jámishevtiń «Kóktem keldi» óleńin oqıdy.) (2, 3, 4 slaıdtar)

Kóktem keldi, balalar,
Kóktem keldi!
Lebimenen jylytyp ókpek jeldi.
Kún sáýlesi toń jońyn jerbulaý ǵyp,
Býsandyrdy burlyqqan betkeılerdi.
Kóktem keldi, balalar,
Kóktem keldi!
Kók munarǵa bóktirip kók pen jerdi.
Kóktem degen – jazdyń keń darbazasy,
Gúlge orap jiberer ótkelderdi.
- Búgingi sabaqta biz: İ. Jansúgirovtyń «Kóktemde» jáne
M. Hakimjanovanyń «Kóktem jyry» atty óleńderimen tanysamyz.
(slaıdtaǵy keste arqyly avtorlardyń ómirderekterimen tanysady) (5, 7 slaıdtar)
1. İ. Jansúgirovtyń «Kóktemde» óleńin muǵalim mánerlep oqıdy.
2. Sózdik jumysy: shymaıt, qumaıt, mal balalap, ókirip (6 slaıd)
3. Oqýshylar óleńdi kezek oqıdy
4. Ár oqýshynyń aldyna jeke qımaqaǵaz beriledi. Sol boıynsha toptastyrý jumysy jasalady. (8 slaıd)
5. M. Hakimjanovanyń «Kóktem jyry» óleńin muǵalim oqıdy.
6. 1 - 2 oqýshy mánerlep oqıdy.
7. Jeke qımaqaǵazǵa beıneleý sózderdi terip jazady. (9 slaıd)

Mine, balalar, óleńdermen tanystyq. Endi suraqtarǵa jaýap bereıik.
1. Aqyndar kóktemniń kelgenin tabıǵatta bolǵan qandaı ózgeristerden baıqatady?
2. Jan - janýar, qustar ómirinde qandaı ózgerister bar eken?
3. Balalardyń eńbek qýanyshy jóninde qaı jolda aıtylǵan?
4. Sýret salar bolsań ne salar ediń?
5. Taǵy qaı aqynnyń kóktem týraly óleńderin bilesiń?

İÚ. Qorytyndylaý, baǵalaý
Kórikti kóktem mezgili jaıly taǵy qosymsha bilim aldyńdar. Qys boıy qar kóp jaýsa, kóktemde sý tasqyny qaýpi bolady. Sý tasqynyn boldyrmaý úshin qandaı shara qoldanylady?
Adamdar óz úıleriniń mańaıyndaǵy qardy tazalap, sý aǵatyn aryqtar jasap otyrýy qajet.

Úıge tapsyrma: óz qalaýyń boıynsha 1 óleńdi jattaý.
İ top: «Kóktem» taqyrybyna sýret salý
İİ top: Venn dıagramasyn toltyrý
İİİ top: «Meniń aýylymnyń kóktemi» atty shyǵarma jazý