İle qurtqashashy
İle qurtqashashy — bıiktigi 40 santımetrge deıin jetetin, kóp jyldyq, shóp tektes ósimdik. Tamyry jýan, aq tústi, kóptegen qosymsha tamyrlary bar. Sabaǵy joǵarǵy jaǵynda butaqtanǵan. Tamyrdan ósip shyqqan japyraqtary semser tárizdi. Sabaqtan ósip shyqqan japyraqtary sopaqshalaý bolyp keledi. Gúlderi — iri, óte ádemi, kókshil tústi. Sáýir-mamyr aılarynda gúldeıdi. İle boıyndaǵy shabyndyqtarda, qumdy jerlerde qalyń bolyp ósedi. Keıde sándik ósimdik retinde de egiledi.
Qazaqstanda qurtqashashtyń 21 túri bar. Osylardyń ishinde qylysh qurtqashashy, orys kurtqashashy, sibir qurtqashashy, iri japyraqty qurtqashash jáne taǵy da basqa túrleri kezdesedi. Dárilik maqsat úshin qurtqashashtyń tamyryn qazyp alady. Onyń quramynda efır maılary, ırıdın glıkozıdi, qant, krahmal, maılar bar. Tamyrynan jasalǵan dárilerdin qaqyryq túsiretin, ish túıilip aýyrǵanda tynyshtandyratyn qasıetteri bar.
You Might Also Like
-
Osydan 30 jyl buryn egemendigimizdi jarıalap, táýelsizdikke qol jetkizdik. Bul ǵasyrlar boıy qazaq halqynyń ańsaǵan armany edi. Uly qazaq eli osy kúnge jetkenshe úsh júz jylǵa jýyq bodandyqtyń buǵaýy...
-
Shyrmaýyq býdra (býdra plúshevıdnaıa) — kóp jyldyq, shóp tektes ósimdik. Kólbeý ósken, jataǵan sabaqtarynan tik kóterile shyqqan butalary bar. Bıiktigi 90 santımetrge deıin jetedi. Tómengi jaǵynda...
