InfoHub Logo

İlıas Jansúgirov (1894-1938) — Qapal ýezi Aqsý bolysy 4-aýylda (qazirgi Almaty oblysy Aqsý aýdanynda) ómirge kelgen. İlıas anasynan erte aıyrylyp, ákesi Jansúgirdiń úlgi-ónegesin kóp kórgen. Eskishe hat tanyǵan. Ańyz-áńgime, shejire syrlaryn estip ósken.

Jetisýdyń baı tabıǵaty, aqyndyq, batyrlyq dástúrleri İlıastyń ómirge, izgilikke, sulýlyqqa qushtar bolyp ósýine kóp yqpal etti. Almaty, Tashkent qalalaryndaǵy aǵartý isine qatysty kýrstarda oqydy. Fólklorlyq ekspedısıaǵa shyǵyp, baspasózge aralasty. «Saǵanaq» atty alǵashqy kitaby 1928 jyly jaryq kórdi. İlıastyń aqyndyǵy «Tilshi», «Kedeı erki», «Arman», «Ánshige», «Bulbulǵa» degen shaǵyn óleńderinen bastalyp, «Dala», «Kúı», «Kúıshi», «Qulager» atty kólemdi poemalarymen jalǵasyn tapty.

Aqyn «Dala» poemasynda (1930) Altaı men Atyraý, Alataý men Edil, Sibir men Samarqan, Shý men Syr sekildi keń-baıtaq ólkeni meken etken qazaq halqynyń ómir-turmysyn, dástúr-ónegelerin shabytpen sýretteıdi. Al, «Kúı» (1929) jáne «Kúıshi» (1934) poemalarynda ómir men óner taqyryby, tarıh pen taǵdyr isi, qazaq halqynyń bastan keshken oqıǵalary tartymdy jyrlanady. «Qulager» poemasy (1936) Arqa óńirin, áıgili aqyn Aqan seri ómiri men as berý rásimin beıneleıdi.

Oqýǵa keńes beremiz:

İlıas Jansúgirov shyǵarmalary

---