InfoHub Logo

Qazaqstan men Úndistan arasyndaǵy strategıalyq qarym-qatynastar burynnan bar, al QazUÝ men Integral ýnıversıtetiniń ózara tıimdi yntymaqtastyǵynyń bolashaǵy zor, dedi sheldik qonaqtardy qabyldaǵan Ǵalym Mutanov. QazUÝ-diń shyǵystaný fakúltetinde hındı jáne ýrdý tilderin zerdeleıtin únditaný bólimi jumys isteıdi. Ótken jyly Mahatma Gandı ortalyǵy ashylǵan. QazUÝ-da Úndistannan kelgen stýdentter oqıdy.

«Bıyl bizdiń ýnıversıtet 85 jyldyǵyn atap ótti. Osy is-sharaǵa qatysqan sizdiń ýnıversıtettiń delegasıasyna alǵys aıtqym keledi, – dep atap ótti QazUÝ rektory. – 2020 jyly Shyǵystyń oıshyl Ál-Farabıdiń 1150 jyldyǵyn keń kólemdi toılaý josparlanyp otyr. Aıtarlyqtaı nárse, Úndistannyń Delı qalasynda uly ǵalym úıi ashyldy».

Integral ýnıversıtetiniń Prezıdenti Saıed Vasım Ahtara óz kezeginde ýnıversıtetter arasyndaǵy dostyq qarym-qatynastardyń mańyzdylyǵyn aıta kelip, jyly qabyldaýlar úshin alǵysyn bildirdi.  

«Ǵalym ál-Farabıdi Úndistanda biledi jáne qurmetteıdi. KazUÝ bizdiń elimizde tanymal, dedi Saıed Vasım Ahtara. - Qazaqstanda ǵylym, tehnologıa jáne menejment salasynda mamandandyrylǵan kóptegen joǵary oqý oryndary bar. Biraq biz bilim berýdi damytý, ınovasıalar men tehnologıalar engizýdegi baı tájirıbelerińizdi qabyldaý úshin sizdiń ýnıversıtetke kelip otyrmyz. Eger sizder qyzyǵýshylyq tanytsańyzdar biz ózimizdiń óz tájirıbelerimizben bólisýge múddelimiz. Mahatma Gandı ortalyǵyn ashqanyńyz úshin biz óte rızamyz. bizdiń qarym-qatynastyń osylaısha tabysty bastalǵanyna men qýanyshtymyn jáne yntymaqtastyq barysynda biz ortaq maqsattarymyzǵa biz jetemiz dep úmittenemin» dedi ol.

Saıed Vasım Ahtara myrza Mahatma Gandı ortalyǵyna qoldaý jáne ýrdý tilin oqytýǵa kómek kórsetýge daıyn ekendigin bildirdi. Sondaı-aq, «Integral» ýnıversıtetinde Qazaq tili men mádenıeti ortalyǵyn ashýdy usyndy. Ǵalym Mutanov óz kezeginde bul bastamaǵa úlken qyzyǵýshylyq bildirip, keleshekte medısına jáne densaýlyq saqtaý fakúltetin damytý yntymaqtastyǵy múmkindigin aıtyp, birlesken ınvestısıalyq jobalardy júzege asyrý múmkindikterin talqylaýdy usyndy.

Ál-Farabı atyndaǵy QazUÝ zań fakúltetiniń aǵa oqytýshysy  A.A. Esekeeva

---