İske kóshýge ádettendiretin 7 jol

1. Qolaıly jaǵdaıdy kútpeı-aq qoıyńyz

Eger siz jaǵdaı qolaıly bolýyn kútip júre beretin bolsańyz, is-áreketke eshqashan kóshpeıtin shyǵarsyz. Sizge áıteýir bir kedergi keltiretin nárse árqashan aıaqtan shala beredi. Ne ýaqyt jaıly emes, ne naryq nashar, ne básekelestik tym joǵary. Naqty ómirde isińizdi bastap ketýge qaı jaǵynan da qolaıly kez bolmaıdy. Siz ózińiz iske kóship, týyndaıtyn problemalardy bir jaqty etip otyrýyńyz kerek. İsti bastaıtyn eń jaqsy ýaqyt byltyr bolǵan. Ekinshi múmkindik — dál qazir.

2. İs adamy bolyńyz

Áreket týraly oılanyp-tolǵanýǵa emes, áreketti atqarýǵa daǵdylanyńyz. Sportpen shuǵyldanǵyńyz kelip júr me? Bastyǵyńyzben sóıleskińiz kelip júr me? Búgin isteńiz. Ideıa oıyńyzda neǵurlym kóbirek ýaqyt júrse, ol soǵurlym álsireı beredi. Bir-eki kúnnen soń máseleniń usaq-túıekteri sanańyzdan aqyryndap óshe bastaıdy. Bir apta ótken kezde siz oıyńyzdaǵyny umytyp qalasyz. İs adamy bolsańyz, siz kóbirek is tyndyryp, jańa ıdeıalardyń paıda bolýyna jaǵdaı jasaısyz.

3. Ideıalar ózderinen ózderi tabysqa keneltpeıtinin qaperde ustańyz

Ideıalardyń bolǵany mańyzdy, biraq olar óndiriske engizilgen kezde ǵana qundy bolady. Júzege asqan bir ıdeıa óz ýaqytyn kútip jatqan júz ıdeıaǵa tatıdy. Eger sizdiń ózińiz shynymen-aq senetin ıdeıańyz bolsa, birdeńe qylyńyz. İske kirispeseńiz bir orynda taptalyp tura beresiz.

4. Úreıdi ysyryp tastaý úshin áreketti qoldanyńyz

Siz jurt aldyna shyǵyp sóıleýdegi eń qıyn bóligi — óz kezegińizdi kútip turý ekenin baıqadyńyz ba? Tipti kásibı oratorlar mer akterler de óner kórseter aldynda qobaljıdy. Olar sóıleı bastaǵannan-aq toqyp-qobaljýy sý shaıǵandaı joq bolyp ketedi. Áreket — qorqynyshty eńserýdiń eń jaqsy tásili. Eń qıyny alǵash ret áretketti bastaý. Bastalyp ketken soń, siz senimdi bola túsesiz de, ary qaraı ońaılaı beredi. Áreket etý arqyly qorqynyshty ysyryp tastańyz da, senimdilik arqyly tabys túzińiz.

5. Óz shyǵarmashylyq mehanızimińizdi avtomatty túrde iske qosyp otyryńyz

Shyǵarmashylyq úderiske qatysty eń qorqynyshty jańylystardyń biri — shabyt bar kezde ǵana jumys isteı alasyń. Eger shabyt shapqylap otyryp kele qalǵanyn kútseńiz, siz óte sırek ári uzaq-uzaq úzilisterge ketip jumys isteısiz. Kútip otyrǵannyń ornyna ózińizdiń shyǵarmashylyq mehanızmińizdi avtomatty túrde iske qosyp jiberińiz. Eger birdeńe jazýyńyz kerek bolyp tursa, otyryńyz da, jazyńyz. Qolyńyzǵa qalam alyńyz. Shamańyz kelgeninshe baıandańyz. Tanys qımyl-qozǵalystardy jaı ǵana qaıtalaı berý arqyly siz myıyńyzdyń jumysyn durys arnaǵa bura alasyz.

6. Qazirgi ýaqytty paıdalanyńyz

Naqty qazirgi sátte isteı alatyn nárseńizge zeıin qoıyńyz. Bir apta buryn isteýińiz kerek bolǵan nemese erteń isteýińiz kerek nárseler jaıynda alańdamańyz. Siz ózgerte alatyn jalǵyz ýaqyt — osy shaq. Keshegi men erteńgini kóp oılaı berseńiz, eshteńe de isteı almaı qalasyz.

7. Salǵan jerden iske kirisip ketińiz

Ásheıinde adamdar áńgimeleskendi jaqsy kóredi, tipti azdap áńgimelesý iskerı kezdesýlerdiń praktıkasynda da bar. Jalǵyz ózi jumys isteıtin adamnyń da basynan osy ótedi. Jumysqa shyndap kirispes buryn siz pochta jáshigińizdi, RSS-rıderińizdi qansha ret tekserip turasyz? Bundaı zeıindi ózine aýdara beretin nárselerden aýlaǵyraq júrýdi jáne salǵan jerden iske kirisip ketýdi úırenbeseńiz, olar sizge qymbatqa túsedi. Salǵan jerden iske kirisetin adam bolyp alǵan soń, siz óz boıyńyzdan tyndyrymdylyqtyń jańa qýat-kózderin tabasyz, al basqa adamdar sizdiń kóshbasshylyǵyńyzdy baıqaı bastaıdy.

Kez kelgen iske joǵarydan aıtylatyn buıryqsyz-aq, ózdigińnen kirisip ketý úshin óte tártipti adam bolýyńyz kerek. Osy sebepti bastamashyldyq — bul barlyq kompanıalarda menejerleriniń boıynda bolýy tıis qasıet. Bastamany qolyńyzdan shyǵaryp almańyz. Jaqsy bir ıdeıa tapsańyz, joǵary jaqtyń nusqaýyn kútpeı-aq ony júzege asyra bastańyz. Adamdar, qam-qareketińizdi qandaı yjdahattylyqpen istep júrgenińizdi kórgende, sizdi atap ardaqtaıdy. Joǵary jaqta otyrǵandarǵa ne isteý kerek ekenin eshkim aıtpaıdy. Eger olardyń qatarynan tabylǵyńyz kelse, eshkimnen suramaı, derbes áreket etińiz.