InfoHub Logo

Qarabalyq Qostan degen momyn adamnyń jerine Qoshqaruly Jánibek basa kóktep qonyp alady. Qostan Jánibekke taısaqtap týra bara almaı, aǵaıyndas İzbastyǵa baryp aıtady.

— Batyr Jánibek kóship kelip jerime qonyp, malyn jaıyp jiberdi. Bul zorlyqqa kóne almaı saǵan keldim, ne aqyl aıtasyń? — deıdi Qostan.

— Jaraıdy úıińe júre ber, ózim Jánibekke baraıyn, — depti İzbasty.

Keshikpeı İzbasty Jánibekke kelip amandyq, saýlyqtan soń:

— Assalaýmaǵalaıkým Jánibek!

Atanyń saı, atyń saı,

Kóshseń nýǵa jetesiń.

Ketpeniń saı, shotyń saı.

Qazsań sýǵa jetesiń.

Joryqta kóp jortqansyń,

Bilesiń joldyń tótesin.

Eregisken jaýyńdy,

Jermen jeksen etesiń.

Qalyń jatqan qazaqtyń,

Balasyna — ákesiń.

Kóbisine — kókesiń.

Jábirleme jarlyny,

Janyshpa batyr jalǵyzdy,

Dúnıeden sen de ótesiń,

Keńinen tolǵap keńesip,

Kedeıdiń buzba kepesin.

Erteń óziń ólgende,

Artyńda adyra qalatyn,

Bir jyrymdaı saıdy

Sen ne etesiń? — depti. Sonda Jánibek batyr:

— Menen ne suraısyń? — depti.

İzbasty bı:

— Sen qaıdan da jer alasyń. Mynaý az úı Qostan (Omar Shıpınniń jazýynsha Qostanaı) eshqashan jer ala almaıdy. Sen munyń jerinen kósh, — deıdi.

İzbasty

---