InfoHub Logo

Bir kúni Buzaýbaıdyń úıine bir top jolaýshy túsedi. Buzaýbaı kedeıligine qaramastan baryn qonaqqa tosatyn jomart adam eken. Qonaq kelgen soń áıeline:

— Baryń bolsa qımylda, báıbishe, — deıdi Báıbishesi úıde qonaqqa bererlik eshteńeniń joq ekenin eskertedi.

Qysylǵan Buzaýbaı júgirip Nyǵmet degen saýdagerdikine barady. Nyǵmet Buzekeńniń taǵy da ózinen bir nárse suraıyn dep turǵanyn sezip, jaqtyrmasa da:

— Ne jumyspen mezgilsiz júrsiń? — deıdi.

Sonda Buzaýbaı turyp:

— Jáı keldim, túk jumysym joq. Bizdiń úıde shaı da joq, shaı suraıtyn jaı da joq. Bizdiń úıde et te joq, et suraıtyn bet te joq. Bizdiń úıde nan da joq, nan suraıtyn men sıaqty jarlyǵa erteń bolmasa, búgin atar tań da joq, — dep shyǵyp ketipti.

Buzaýbaıdyń tapqyrlyǵyna razy bolǵan Nyǵmet saýdager onyń úıine kerekti zattaryn bergizip jibergen eken.

***

Buzaýbaı sheshen jolaýshylap júrip, bir baıdyń úıine túsedi. Baı báıbishesine:

— Myna kisige kóje ber! — deıdi.

Báıbisheniń kójesin apyl-qupyl jutqan Buzaýbaı baıǵa bata beredi:

Baıeke, kóje berdiń ýdaı,

Qatyǵy joq sýdaı.

Bala-shaǵań úıińnen,

Júgirip shyqsyń shýlaı...

— Oıbaı, bul óleń elge jaıylyp ketpesin! — dep, baı baqyryp qoıa beredi.

---