InfoHub Logo

Qazaq ádebıeti (9 synyp)
Sabaqtyń taqyryby: Jambyl Jabaevtyń «Lenıngradtyq órenim»
Sabaqtyń maqsaty:
Bilimdilik: Oqýshylardyń Jambyl Jabaevtyń ómiri men shyǵarmashylyǵy týraly bilimderin tolyqtyrý. «Lenıngradtyq órenim» óleńiniń mazmunyn ashý, oqýshyǵa óz oı - pikirin aıtqyzý.
Damytýshylyq: Alǵan jańa málimetteri boıynsha bilimi men daǵdylaryn damytý; oqýshylardyń til mádenıetin, sóz baılyǵyn, sózdik qoryn, shyǵarmashylyq qabiletteriniń damýyna yqpal etý.
Tárbıelik: Shákirtterge Jambyl Jabaevtyń óleńiniń mazmunyn, taqyryby men negizgi oıyn meńgerte otyryp, olardyń boıynda halqymyzǵa degen súıispenshilik, tarıhymyzǵa degen yqylas sezimin qalyptastyrýǵa yqpal etý, eljandylyqqa, otansúıgishtikke tárbıeleý.
Sabaqtyń túri: Aralas sabaq
Ádis - tásilderi: Mánerlep oqý, suraq - jaýap, satylaı keshendi taldaý elementteri,
STO ádisteri
Qoldanylatyn kórnekilikter: Interaktıvti taqta.
Pánaralyq baılanys: Tarıh

Sabaq barysy:
İ. Uıymdastyrý kezeńi
İİ. Úı tapsyrmasyn tekserý. HH ǵasyr basyndaǵy ádebıet.
1) HH ǵasyrdyń basyndaǵy oqý - aǵartý, baspasóz týraly ne bilemiz?
2) HH ǵasyrdyń bas kezindegi ádebıetimizde halyq bolashaǵyn jaqsartýdy izdestirý baǵyttarynyń ókilderin, ár baǵyttyń sıpattaryn áńgimeleńder.
3) «Aıqap» jýrnaly týraly ne bilesińder?
4) 1916 jylǵy ult - azattyq kóterilis qaı shyǵarmada kórinis tapty?
İİİ. Jańa sabaq
1) Jambyl Jabaev ómirinen málimet berý
«Bilemin. Bilgim keledi. Úırendim» ádisi boıynsha oqýshylarǵa Jambyl týraly biletinderin jazdyrý, oqytý.
2) Óleńderi, aıtystary, dastandary týraly aıtý.
1941 - 1945 jyldar bizdiń Otanymyz úshin eń aýyr kez boldy. Gıtler bastaǵan nemis basqynshylary soǵys jarıalamaı jerimizge endi. Neva jaǵasyndaǵy Lenıngrad qalasy 900 kún qorshaýda qaldy. Halqymyz úshin óte aýyr kúnder týdy. Osy tarıhı oqıǵaǵa Jambyl óziniń «Lenıngradtyq órenim» atty óleńin arnady.
3) Oqýlyqpen jumys:
1) 3 top óleń shýmaqtaryn oqytý, mazmunyn suraý.
2) Lenıngrad blokadasy týraly tarıhı málimettermen jumys

Úsh jyldan astam ýaqytqa sozylǵan Lenıngrad úshin shaıqas eldiń búkil soltústik - batys bóligin qamtydy. Barlyq ulttardyń jaýyngerlerimen birge qazaq jaýyngerleri de Lenıngradty taban tirep qorǵady. Jaýdyń qorshaýynda qalǵan qalaǵa Qazaqstannan azyq - túlik, qarý - jaraq pen áskerı qural - jabdyqtar tıelgen kóptegen eshelondar jiberildi. Ladoga kóli aımaǵyndaǵy alǵashqy shaıqastardyń ózinde - aq qazaqstandyq 310 - shy, 314 - atqyshtar dıvızıalary erekshe kózge tústi. Qazaqstandyq jaýyngerler Lenıngrad oblysynyń 22 eldi mekenin azat etýge, qorshaýdaǵy qalanyń «Úlken jermen» baılanysyn qamtamasyz etýge, «Ómir jolyn» salýǵa qatysty. Lenıngrad úshin kúres shejiresinde Álıa Moldaǵulovanyń dańqty esimi máńgige qaldy. Erjúrek komsomol, mergen qyzdy İİİ dárejeli Dańq ordenimen marapattady, al qaza tapqannan keıin 1944 jyly shildede oǵan Keńes Odaǵynyń Batyry ataǵy berildi.

Lenıngrad úshin shaıqas 1941 jylǵy 8 qyrkúıekte bastalyp, 1943 jyldyń qańtaryna deıin sozyldy. Qalaǵa jeńis tolyǵymen 1944 jyldyń 27 qańtarynda ǵana keldi. Iaǵnı, qala osy ýaqytqa deıin jaý qorshaýynda boldy. Lenıngrad halqy tup týra 900 kún qasiret shekti. Osynaý teńdessiz 900 kúnniń jyry da, syry da eshqashan taýsylmaq emes. Ólispeı berispeýdi sert etken lenıngradtyqtar jaýǵa tize búkpeı shaıqasyp, óshpes erlik ónegesin kórsetti. Uly jyraý Jambyl Jabaev atamyzdyń «Lenıngradtyq órenim» dep tebirene, tolǵana jylaıtyn tusy da sol kez edi. 900 kún boıy jaý qorshaýynda qalǵan. Lenıngrad shaıqasy kezinde 640 myńnan astam adam ashtyqtan qyryldy, júzdegen myń adam jaý snarádtary men avıabombalardan qaza tapty, evakýasıa kezinde oqqa ushqandary qanshama?! Tarıhı derekterde Lenıngrad qorshaýy kezinde 850 myńǵa jýyq beıbit turǵyn kóz jumdy delinedi. Al buǵan qorshaý kezinde jaýmen jaǵalasyp júrip sheıit bolǵan jaýyngerlerdi qossańyz, jalpy qurbandardyń sany mıllıonnyń ústine jetip - jyǵylatyny aıtpasa da túsinikti.