InfoHub Logo

Sóıleýdiń dıalogtik jáne monologtik túrlerin qaıtalaý
(7 - synyp)

Sabaqtyń jalpy maqsaty: Oqýshylar sóıleýdiń dıalogtik jáne monologtik túrlerinen alǵan bilimderin tıanaqtaıdy, keńeıtedi.

Mindetteri:
1. Mazmunǵa baılanysty:
Sóıleý barysynda oqýshylar dıalog, monolog jóninde bilimderin óz jumystarynda qoldana alady. Ótken sabaqtan alǵan bilim - daǵdylaryn júıeleıdi.
2. Syn turǵysynan oılaý:
Salystyrý, taldaý jasaı alady. Alǵan bilimderin qorytyndylaı alady.
3. Toptaǵy jumys:
Jupta, topta. Birlese jumys jasaı otyryp óz pikirin bildirýge, dáleldeýge úırenedi. Topta jumys isteý arqyly meńgergen aqparattaryn qajettiligine jarata bilýge úırenetin bolady.

Baǵalaý: Jeke toptyq jumys kezinde oqýshylardyń jeke erekshelikterin, bilim deńgeılerin, jumystardyń oryndalý sapasyn eskere otyryp baǵalaımyn.

Sabaqta qoldanylatyn ádister:
Úsh qadam suhbat, kýbızm. Semantıkalyq keste, kórnekilik ádisi.

Sabaqtyń kórnekiligi: Sýretter, semantıkalyq keste, kýbık

Sabaqtyń barysy:
1. Uıymdastyrý kezeńi.
Oqýshylarmen sálemdesip, oqýshylardyń sabaqqa qatysýyn túgeldeý.
2. Úı tapsyrmasyn suraý.

«Úsh qadam suhbat ádisi» arqyly úı tapsyrmasyn qorytyndylaý.

Muǵalim sózi: - Balalar sender sóıleýdiń dıalogtik, monologtik túrlerimen tolyq tanysyńdar. Búgingi sabaǵymyzda jupta, toptaǵy ár túrli tapsyrmalar arqyly dıalog pen monolog túrlerin qaıtalaımyz. Óıtkeni qaıtalaý – oqý anasy.

İ. Qyzyǵýshylyqty oıatý:
309 - jattyǵý
Qojanyń monologin mánerlep oqyp, mátinge at qoıyńdar. Dıalogpen salystyryńdar. Ata - ana týraly monolog jazyńdar.

İİ. Maǵynany taný.
Kýbızm stragtegıasy.
Taqyrypty jan - jaqty qamtýǵa múmkindik týǵyzatyn strategıa.
1. Sýretteńiz: Dıalog pen monolog degenimiz ne? Mysaldarmen dálelde.
2. Salystyryńyz: Dıalog pen monologtyń ereksheligi nede? Dálelde.
3. Qoldanyńyz: Dıalog, monolog qurańdar.
4. Oıyńyzben baılanystyryńyz: Ádebıet páninen ótilgen shyǵarmalardyń ishinde dıalog pen monolog bar ma? Eske túsirińder.
5. Saralańyz: Monolog qalaı jasalady? Ózderiń qurańdar.
6. Talqylasańyz: Berilgen úzindiden dıalog pen monologty ajyratyńyz.

Kórnekilik ádisi arqyly dıalog quraý. (6 topqa sýret beriledi)

Oı tolǵanys: Ótilgen baǵdarlamalyq materıaldy jınaqtap qorytý.
Ár topqa semantıkalyq keste toltyrý