InfoHub Logo

Qazaq ádebıeti páni boıynsha jyldyq kúntizbelik jospar, 8 synyp
Kúndelikti sabaq jospary, qazaq ádebıeti 8 synyp.
Taqyryptar:
46. Jambyl Jabaevtyń aıtystary
47. Maǵjan lırıkasyndaǵy aqynnyń óz beınesi
48. Muhtar Áýezov
49. Mirjaqyp Dýlatov
50. Maǵjan Jumabaev «Batyr Baıan» poemasy

Sabaqtyń taqyryby: JAMBYL JABAEVTYŃ AITYSTARY
(1846 - 1945)
Sabaqtyń maqsaty: a) aqyn týraly túsinigin keńeıtý, oqýshylarǵa oılandyratyn saýal bere otyryp, pikirin tyńdaý, qorytyndy jasaý;
á) bilimdilik tanymyn, shyǵarmashylyq qabiletin, tildik qoryn, izdenisterin arttyrý;
b) eńbeksúıgishtikke, mamandyq tańdaı bilýge, uqyptylyqqa tárbıeleý.
Sabaqtyń túri: dástúrli sabaq
Sabaqtyń ádisi: suraq - jaýap, izdendirý
Sabaqtyń kórnekiligi: kitaptar t. b.
Pánaralyq baılanys: tarıh

Sabaqtyń barysy:
a) Uıymdastyrý kezeńi:
Oqýshylarmen amandasý, túgeldeý, oqý quraldaryn tekserý. Synyptyń tazalyǵyna kóńil bólý. Oqýshylardyń zeıinin sabaqqa aýdarý.

á) Úı tapsyrmasyn pysyqtaý:
Úıge berilgen J. Jabaevtyń ómirbaıanyn suraımyn. Oqýshylarǵa birneshe suraqtar qoıamyn..
1. J. Jabaev pen Jetisý aqyndary týraly ne aıtasyńdar?
2. Búgingi kún kózqarasymen qaraǵandaǵy Jambylǵa beriletin baǵa qandaı?

b) Jańa sabaqty túsindirý:
Aqyn ataǵyn shyǵarǵan, elge tanytqan – aıtystary. Jambyl aıtystarynyń ereksheligi qashanda bir baǵytty ustap, sol jolda bar ónerin jarqyrata kórsetetindigi. Aıtystaǵy Jambyl taqyryby - áleýmettik teńsizdik, el ishindegi qıanat. Halyq basyndaǵy muń - muqtajdy, arman - tilekti aıtyp, qashanda el atynan jyrlaǵan aqyn jeńiske jetip otyrǵan.
Jambyl aıtystarynyń ishindegi eń kórnektisi, eń keń jaıylǵany – 1881 jyly Qulmambetpen aıtysy. Qulmambet Alban, Dýlattyń baı, bılerin maqtap, óz rýyn kóterip, baryn áspetteıdi. Jambyldyń jeńisi – adamdyq baılyq mal, dáýlet emes, batyrlyq, tatýlyq, yntymaq, ádildik sıaqty qasıetter ekenin jetkize aıtqanynda. Jambyl rýlyq maqsat, múddeden halyq, jalpy adamshylyq tilekti joǵary qoıady.
Adamdyqty aıt, erlikti aıt, batyrlyqty aıt,
El birligin saqtaǵan tatýlyqty aıt.
Qarynbaıdaı sarańdar tolyp jatyr,
Ony maqtap áýre bolmaı úıińe qaıt.
Dosmaǵambetpen aıtysy 1902 jyly ótken. Bunda Jambyl:
Eki júzdi bolmasań,
Baıdy nege maqtaısyń?
Qaıyry kópke tımegen,
Ákimdikpen bılegen,
Jarly - jalshy súımegen
Handy nege maqtaısyń?
Halyqqa tıgen paıdań joq,
Qaıtip tuzyńdy aqtaısyń? – deıdi, el tilegi, oı, armanymen qabysyp ortaq arna tabady.
Jambyldyń Aıkúmispen, Jambyldyń Bólektiń qyzymen (1880jyly) aıtystarynda jastyq, móldir sezim, syılastyq, jarasym bar.
Jambyl Jabaev – halyq poezıasynyń iri ókili, jazba ádebıette óz qoltańbasyn qaldyrǵan, kópshiliktiń murat múddesin, armanyn shyrqaǵan aqyn.

Kitappen jumys: kitaptan Jambyldyń óleńderin mánerlep oqıdy.
Bilimdi bekitý: Oqýshylardyń túsinbegen suraqtaryna jaýap beremin.
Bilimdi baǵalaý: Oqýshylardyń jaýaptaryna qaraı bilimderi baǵalanady.
Úıge tapsyrma: J. Jabaevtyń aıtystaryn oqyp kelý.



Tolyq nusqasyn qaraý