InfoHub Logo

Keshtiń maqsaty: oqýshylardyń uıymshyldyǵyn, qyzyǵýshylyǵyn, arttyrý, oı-órisin keńeıtý. Tabıǵat sulýlyǵyn sezine bilýge, ony aıalaı bilýge tárbıeleý.
Kórnekilikteri: Kúzgi tabıǵatqa arnalǵan kartınalar, sharlar, qyzyl-jasyl japyraqtar, jemis – jıdekter qoıylǵan dastarhan.
Keshtiń ótilý barysy:
1-júrgizýshi: Qurmetti ustazdar, ata - analar, oqýshylar, mektebimizde jaratylystaný - matematıka aptalyǵy ótip jatqanyn bilesizder, búgin sol aptalyqtyń jabylý saltanatyna baılanysty 6 - 8 synyptar aralyǵynda «Kúzgi baqqa saıahat»atty kesh ótkizgeli otyrmyz. Keshke qosh keldińizder!
2-júrgizýshi:
Jıylǵan qaýym, armysyzdar, bárińiz,
Kelip jetti altyn dándi sary kúz.
Birge bolyp qýanyshta bárińiz,
Bizben birge shattyq ánin salyńyz.
1-júrgizýshi:
Kúz — mereke, kúz — yrystyń belgisi,
Qaıtyp barady mekenine jyl qusy.
Ánge ulasyp, jyrǵa ulasyp dalamyz,
Shat – shadyman halqymyzdyń turmysy.
2 júr: Qasıetti kúz mezgiliniń bir sózben aıtyp jetkizý múmkin emes. Kúz degenimiz- baılyq, molshylyq.
Kúzde kún sýytyp, barlyq jan – janýarlar, jándikter qysqy uıqyǵa ketedi. Egin jınalady. Qustar jyly jaqqa ushady. Japyraqtar sarǵaıyp, jerge túsedi emes pe!?
1 júr: Iá, men bul mezgildi kúz dep aıtar edim. Óıtkeni jer beti sarǵaıǵan japyraqtardy jamylyp, altyn túske boıaldy – deı kele endigi kezekte búgingi «Kúzgi baqqa saıahat» keshiniń 6-8 synyptar arasynan quralǵan saıysker toptardy qoshemettep qarsy alyp, ortaǵa shaqyraıyq.
2 júr
Ádilqazy, alqasyna bir sálem.
Ádildikke bas ıedi kúlli álem
Júırik ozar saıystarda neshe bir
Sarapqa sal ádildikpen sheshe bil … deı kele búgingi saıysymyzǵa qazylyq jasaıtyn ádilqazylar alqasymen tanys bolyńyzdar!
2 júr: Qurmetti ádilqazylar alqasy oqý mánerine, sóılesý sheberligine, kúzgi kıimine, júris-turysy tártibine de qarap otyryńyzdar, baǵalaýǵa bul da kiredi.
1 júr: Osy saıysymyzdyń baǵdarlamasymen tanys bolyńyzdar.
1.Tanystyrý (top ózderiniń toptyń atymen emblemasymen tanystyrý) 3mın.5upaı
2. «Kúz keremeti» úı tapsyrmasy (jemis – jıdekterden nemese aǵashtan, japyraqtan jasalǵan buıym nemese bir zattyń beınesi). Bul kezeńde han men hanshaıym úı tapsyrmasyn alyp shyǵyp tanystyrady. 3mın. 5upaı
2. «Ónerliniń órisi keń» (top ishinen óner kórsetý) óner baıqaýy 3mın. 5upaı
3. «Bilimdi myńdy jyǵar!» (Ár topqa suraqtar jazylǵan japyraqtar taratylady) 3 suraqtan 2mın. 5upaı
4. «Kim epti?» (top ishinen bir adam shyǵyp oryndaıdy) 1 mın ishinde 1 almany jep bitirý kerek. 5upaı
2. júr:
Qurmetti kópshilik kórermenim
Jaqsylyqqa árdaıym artqan senim
Aqjol tilep úkili úmitterge
Tanystyrý shartyna kezek berdim
Endeshe birinshi shartymyz. Úmitker toptar ózderin tanystyrýy.
1 júr: «Kúz keremeti» úı tapsyrmasy (jemis – jıdekterden nemese aǵashtan, japyraqtan jasalǵan buıym nemese bir zattyń beınesi). Bul kezeńde han men hanshaıym úı tapsyrmasyn alyp shyǵyp tanystyrady. 3mın. 5upaı
2. júr:
«Ónerliniń órisi keń» (top ishinen óner kórsetý) óner baıqaýy 3mın. 5upaı
Al, kimniń óneri bar qanshalyqty,
Bı bılep, al bireýi án salypty.
Búgingi saıysta báıge alýǵa,
Úmitkerler , aıanbaı-aq jan salypty.
Qurmetti kórermender endigi kezekte úmitkerlerimizdiń daıyndap kelgen ónerleriniń kýási bolýǵa shaqyramyz.
1. júr:
Jigitter men arýlarymyzdyń ónerlerine kóp rahmet aıta otyryp, kelesi kezeńimizge óteıik.
2. júr:
«Bilimdi myńdy jyǵar!» (Ár topqa suraqtar jazylǵan japyraqtar taratylady) 3 suraqtan 2mın. 5upaı
Saıyskerler, bilimge qalaısyńdar?
Sender óter áli de talaı syn bar.
Tapsyrma al, qorjynnan qymsynbaı kep,
Jaýap berseń suraqqa, jaraısyńdar.
1.júr:
«Kim epti?» (top ishinen bir adam shyǵyp oryndaıdy) 1 mın ishinde 1 almany jep bitirý kerek. 5upaı
2.júr: Ádil qazylar osy saıystyń baǵasyn eseptep, qorytyndylap bolǵansha oryndaýynda ánin qabyl alyńyzdar.
1 júr: Qurmetti kórermender «Kúzgi baqqa saıahat!» merekesin qorytyndylaý úshin sóz kezegin Ádil qazylar alqasyna beremiz.(Jeńilpaz topty marapattaý. Jáne eń ádemi kúz hanshaıymy men eń batyl da erjúrek hanzadany anyqtap marapattaý. Maqtaý qaǵazdarymen syılyqtarmen marapattaý.)
2- júr:
Jeńister men jeńilisten turatyn,
Ómir kúres, jetkize me muratyn.
Jeńbedim, jeńildim dep renjimegin,
Qatysý da bir jeńis, bolsań eger uǵatyn.
Keleshekte áli talaı saıystar bar,
Ónerleriń shyńdalsyn qalyspańdar.
Ónerliler kóbeısin kúnnen – kúnge,
Ómir kúres áli talaı jarystyrar … deı otyryp synyptar arasynda ótken «Kúzgi baqqa saıahat!» keshi aıaqtaýǵa ruqsat etińizder.
1- júr: Tamashalaǵandaryńyzǵa rahmet, saý - salamat bolyńyzdar.

Aqtóbe qalasyndaǵy
№13 orta mektebi"MM
bıologıa pániniń muǵalimi
Shýrına Jansaıa Nurbergenqyzy