InfoHub Logo

«Jan shýaǵy» qaıyrymdylyq konserti
Júrgizýshi:
Qaıyrly kún, qadirli qaýym! Armysyzdar, jany jaısań, júregi jomart el aǵalary! Bolashaqta elimizdiń órkendeýine bilimdi jastar ǵana bıik asýlardan asa alatynyn eskersek, balalarǵa jasaǵan qamqorlyq elimizge eselep qaıtatyny anyq. El tiregi, erteńimizdiń kepili bolǵan jas urpaq! Qazirgi ýaqytta qamqorlyq pen qoldaýǵa muqtaj bolǵan, kóńilderin sher, qabaqtaryn muń basqan, ár adamnan qaıyrymdylyq, alaqandarynan jylýlyq sezimin kútetin Sýgýrbaeva Kamıla men Shapıkova Aıaýlymǵa qoldaý kórsetýge arnalǵan «Jan shýaǵy» atty qaıyrymdylyq konsertine qosh keldińizder!
Shydamdyny myna ómir unatady,
Birde qýantyp, birde jylatady,
Súrindirip keıde seni qulatady.
Jylatyp turyp jubatady.
Dushpandarǵa keıde seni synatady,
Qatal taǵdyr biraq ta shydatady,
Myna ómir biraq ta qymbat áli.

Júrgizýshi: Sóz aýdan --------------------------------------------- beriledi

Júrgizýshi: Hanymdar men myrzalar! Janarlarynda qashanda muń turatyn, aıaýshylyqpen qaraǵan adamǵa osy kisiden bir jaqsylyq bolyp qalar ma eken degen oımen, sana seziminde jalynnyń ushqyny laýlap úmitpen qaraǵan, qamqorlyq pen qoldaýǵa muqtaj bolǵan Kamıla men Aıaýlymnyń ómiri jaıly beınesújetti usynamyz.

Júrgizýshi: Bar baılyǵymyz hám baqytymyz – bala. Ómirdiń gúli de solar. Urpaq ósir, mápele, aıala. Óıtkeni baqytymyzdyń baıandylyǵy da balalarmen ólshenbek.
Nomer: (Baqytty balalyq shaq týraly án)
Júrgizýshi: «Bala - ómirdiń gúli, bizdiń bolashaǵymyz» degen ustanymdy alǵa qoıǵan bizdiń qoǵamyzdyń janashyr adamdary kóptegen ıgilikti ister atqarýda. Aıaly alaqanynda álpeshtep, júrek jylýymen ár balaǵa senim men adaldyqtyń nuryn uıalata bilgen búgingi keshimizdiń qurmetti qonaǵy ---------------- sóz beremiz
Nomer

Júrgizýshi: Meıirimdi izde taza - ańǵal júrekten,
Selt etkizip, sezimdi boıda dir etken.
Meıirimdilikti sińirgen adam boıyna,
Ómirge myna, jylylyqpen gúl ekken.
Nomer
Júrgizýshi:
Meıirimdilik - ǵajaıyp ómir esigi,
Meıirimmen terbetiler besigiń.
Ashyq bolsyn muqtajdarǵa kóńiliń men esigiń,
Meıirimsiz bolsań, alladan bolmas keshirim.
Qol ushyn ber muqtaj janǵa jylaǵan,
Qaıtarma qolyn ananyń kómek suraǵan.
Ómirdiń ashshy dámin erte tatqan qos búldirshin Kamıla men Aıaýlymǵa qol ushyn sozam degen jany jaısań, jomart jandar ortada turǵan qorapqa qarjylaı kómek salýǵa bolady.
Nomer (salyp jatqanda)
Júrgizýshi: Ár bala baqytty bolýǵa laıyqty. Olardyń baqytty bolýyna qyzmet jasaıtyn eresekter osyndaı ıgi iske qoldaý kórsetip jatsa, quba - qup emes pe.
Nomer
Júrgizýshi: Peıildilik kól - kósir,
Jomarttyq erge syn.
Keńdigin kórsetken.
Qaıyrymdylyq qorynda,
İzgilik jolynda.
Myń alǵys, aǵalar,
Rýhy eldiń jebesin.
Nomer
Júrgizýshi: Abaıdyń on tórtinshi qara sózine júginetin bolsaq, «Naǵyz júrek isi raqymdylyq, meıirbandylyq jáne ár túrli iste adam balasynyń bárin ózine tartyp, baýyrym dep, ózine oılaǵandaı olarǵa da bolsa ıgi edi» degendeı búgingi qaıyrymdylyq keshine keń peıildilik tanytyp kelip otyrǵan ár adamǵa alǵysymyz sheksiz.
Nomer
Júrgizýshi: Aqyl adam kórigi, aqyldyń sabyr serigi. Al beıtanys adamǵa jyly shyraı bildirý, kóńilin kóterý, kemshiligin keshirip, demeý bolý – jomarttyq.
Nomer
Ómir dámi, eki dám: Ashshy – Tátti,
Tańdaıyńa tıedi: Jumsaq – Qatty.
Jolynda jolyǵatyn eki taǵdyr,
Kútedi Adam úshin syn saǵatty.
Ómir degen turmaıdy: Qap - qaradan.
Ómir degen turady: Aq – Qaradan,
Aq – Qara, eki arasyn ashyp ótip,
Arymen óz baqytyn tapqan Adam!
Nomer
Júrgizýshi: Ómir degen tátti eken árqashan da,
Qýanysh pen muńmenen qarsy alsań da.
Men ómirdi súıemin pák júrekpen,
Kúresýge úırenem sharshasam da.
Bala júrek rıza jaratqanǵa,
Jarqyraımyn ár kúni tań atqanda.
Qıyndyqqa moıymaı qarsy turyp,
Men ómirdi súıemin árqashan da.
Erteńge talpynys, bolashaqqa baǵdar, ıgi iske umtylys – adamzatqa tán qubylys. Endeshe, kóp bolyp, asyl armanyna qol sozǵan Kamıla men Aıaýlymǵa súıenish bolyp, qolymyzdan kelgen kómegimizdi aıamaıyq. Bala seniminiń nyq bolýyna qadam jasaıyq!
Nomer
Shermende bolǵan júrekke, jylýlyq sáýlesin shashqan, balalarǵa qol ushyn beremiz degen ystyq yqylastaryńyzdan baq, oılaryńyzdan sanaly sezim, muqtaj jandarǵa qamqorlyǵyn aıamaǵan sizderdeı azamattarǵa allanyń nury jaýsyn demekpiz.