InfoHub Logo

Interaktıvti oqytý tehnologıasynyń ádis-tásilderin tarıh sabaǵynda qoldaný arqyly oqýshylardyń bilim sapasyn arttyrý joldary
İ.Kirispe
İ.İ. Qazirgi tańda bilim berýdegi tarıh sabaǵyna qoıylatyn talaptar.
Búgingi jańa ǵasyrdyń jańashyl shákirtterin tárbıeleýshi muǵalimder - sonaý ustaz degen esimniń ulylyǵyn dáleldep ketken, uly ustazdardyń eńbegimen sýsyndaǵan, ámbebap jandar. Búgingi tańdaǵy ustazdar qaýymynyń jan-jaqty damyǵan, jeke tulǵa qalyptastyrýda atqaryp jatqan eńbekteri ushan – teńiz.Jańashyl ustaz bolmysy, birinshiden, muǵalim – úzdiksiz izdenýshi.Qazaqstan Respýblıkasynyń ustazdarynyń negizgi maqsaty – qoǵam damýynyń qazirgi kezeńine saı jastardyń sanaly oılaýyn qalyptastyrý, shyǵarmashyl, óz mamandyǵyn durys tańdaǵan, oı-órisi joǵary jeke tulǵa daıyndaý.Ustazdyń taǵy bir erekshe qasıetiniń biri – jeteleýshi, alǵa umtyldyrýshy. «Muǵalim óz isine degen súıispenshilikti oqýshyǵa degen súıispenshilikpen ushtastyra alǵanda ǵana shyn mánindegi muǵalim bolmaq...Eger muǵalim óz isin unata bilse, ol jaqsy muǵalim bolady.» - degen edi L.N.Tolstoı.
Qoǵamnyń damyp-órkendeýi, onyń áleýmettik-mádenı etnostyq erekshelikterin tolyq meńgerip, ózgerister, jańalyqtar, uǵymdar týraly bolyp jatqan barlyq máselelerge mán bere otyryp, salaýatty ómir saltyn qurýda, bilim berý salasyndaǵy ınovasıany meńgerýde, qoǵamymyzdy izgilendirýde muǵalimderge, olardyń kásiptik sapalaryna, bilimdiligi, ǵylymı-zertteý jumystaryn júrgizýge qabilettiligi, mádenıeti, parasattylyǵy, t.b. qasıetterine baılanysty ekendigin, muǵalimdik mamandyqtyń jan-jaqty bilimdi, shynaıy sezimtal bolýdy, shákirtterine sheksiz súıispenshilikti berýdi talap etetinin, eńbeginiń nátıjesi ár kún saıyn balalarǵa qýanysh ákelgende ǵana jemisti bolatynyn uǵyndyrý.Búgingi tańda ǵasyrlar qoınaýynda jatqan ulttyq tárbıeniń ozyq ári ónegeli dástúrlerin, asyl qasıetterin oqýshylardyń boıynda qalyptastyrý, etnopedagogıka materıaldaryn utymdy paıdalaný – asa mańyzdy mindetterdiń biri. HHİ ǵasyr – qatań báseke ǵasyry. Elimizdiń bilim berý júıesi álemdik bilim berý keńistigine baǵyt alýda. Búgingi kúni qazaq halqynyń ulttyq mádenıetiniń qaıta órkendeý jaǵdaıynda jetkinshek urpaqty ulttyq dástúrlerde tárbıeleýdiń zańdy obektıvti qajettigi týdy. Qaı zamanda bolsyn jas urpaqtyń ónege tutar ózindik ulttyq tálim-tárbıesi bolatyndyǵy belgili. Egemendi Qazaqstan Respýblıkasynyń bolashaq urpaqtarynyń sana-sezimin, ulttyq psıhologıasyn, onyń erte zamandaǵy ata-babalar salt-dástúrimen sabaqtastyra tárbıeleý qazirgi kúnniń eń ózekti máselesi ekendigin ómirdiń ózi kórsetip otyr.