InfoHub Logo

Taqyryp: Jańa jyl ǵajaıyptary

Júrgizýshi 1: Qymbatty qonaqtar, ata - analar, balalar! Sizderdi Jańa jyl merekelerińizben quttyqtaımyz! Jańa jyl sizderdiń ómirlerińizge shattyq, denderińizge saýlyq, otbasylaryńyzǵa yntymaq tileımiz.

Júrgizýshi 2:
Qutty bolsyn qonaqtar!
Jańa jylyń taǵy da.
Qol soǵyp qarsy alaıyq,
Shaqyraıyq ortaǵa
Erteńgiligin bastasyn
«Ereketaı» ortańǵy toby da.
Balalar áýenmen zalǵa kiredi

Júrgizýshi1:
Kel, Jańa jyl, Jańa jyl
Qarsy alamyz biz seni.
Aq kóńilmen, peıilmen,
Barshamyzdyń tórinde – dep balalardy taqpaqtarymen ortaǵa shaqyramyz.
Balalardyń taqpaqtary
Júrgizýshi: Jańa Jylda bizge qonaqqa kelip, kóp syılyq beretin ol kim?
Balalar: Aıaz ata
Mystan kempir men Kıkımora keledi
Mystan kempir: Men mystan kempirmin, bı bılep, án salamyn balalarǵa syılyqty da beremin. Jyl saıyn Aıaz ata, Aıaz ata dep shaqyrady da jatady.
Kıkımora: Sony aıtam aý bizdiń Mystannyń Aıaz atadan qaı jeri kem?
Júrgizýshi: Biraq balalar sizderdi kútken joq edi. Sonda da bizdiń Aıaz atamyz ben Aqshaqarymyz qaıda?
Kıkımora: Qaıda, qaıda dem alyp jatyr olar
Aqshaqardyń daýysy estiledi
Aqshaqar: Aıaz ata qaıdasyń! Aý!
Mystan kempir: A! Aıaz atany taba almaı júrsiń be? Qazir saǵan aıaz ata keledi. (shyǵyp ketedi)
Kıkımora: Al sender aýyzdaryńdy jabyńdar, onda senderdi ózimmen birge ormanǵa alyp ketemin.
Aqshaqar kiredi
Aqshaqar: Súısindirer mańaıdy,
Aqshaqarmyn araıly
Jalt - jult etken júzimnen,
Kúmis sáýle taraıdy.
Balalar sálemetsińder me? Aıaz ata áli kelmedi me? Ol qaıda júr eken? Múmkin qazir kelip qalar, al bizder balalar merekeni jalǵastyra bereıik!

«Jańa Jyl» áni aıtylady
Mystan kempir aıaz atanyń kıimin kıip keledi, shyrshanyń astyna ákelip qapshyqty tyǵyp qoıady.
Mystan kempir: Sálem balalar! Qaldaryń qalaı! Mynany tyǵyp qoıaıyn, mynalar alyp ketip júrer.
Aqshaqar: Aıaz ata sen qaıda boldyń? Men seni kóp izdedim ǵoı!
Mystan kempir: Sen meni nege izdep júrsiń, kelem degesin kelem, mine men mundamyn.
Aqshaqar: Aıaz ata bizdiń aqshaqarlarymyzdy qaıda tastap kettiń?
Mystan kempir: Kimdi, a, aqshaqarlardy ma? Olar munda. Aqshaqarym munda kel.
Kıkımora aqshaqardyń kıimin kıip keledi
Aqshaqar: Aıaz ata myna aqshaqaryńyz qyzyq eken.
Mystan kempir: Solaı ma? Men ony baıqamappyn. Al, aqshaqarym án aıt.
Kıkımora: Men kóńildi aqshaqarmyn. Aq mamyqtaı appaqpyn.
Mystan kempir: Jaraıdy doǵar ánińdi.
Aqshaqar: Aıaz ata aqshaqarlar olaı bılemeıdi ǵoı.
Aqshaqarmyn appaqpyn,
Qalaı tynysh jatpaqpyn
Mensiz qystyń sáni joq,
Ánmin, bımin, taqpaqpyn
Qane, meniń kishkentaı sińlilerim bıge shyǵyńdar.
«Aqshaqarlar» bıi
Aqshaqar: Aıaz ata bizge balalardy quttyqtaý kerek.
Mystan kempir: Quttyqtaý deısiń be? Ol qalaı?
Aqshaqar: Aıaz ata saǵan ne boldy? Bizge shyrshanyń shamdaryn jaǵyp, shyrshany aınala bı bılep, balalarǵa syılyq berýimiz kerek.
Mystan kempir: Áı, mynaý ne deıdi? Sonyń bárin men jasaımyn ba? Oı, meniń qartaıǵan jasymda mynaý ne degen qıyn jumys edi a? Jaraıdy aqshaqar qane, ánińdi basta.
Kıkımora: Ormanda shyrsha ósip tur, onda jalǵyz ıne tur.
Aqshaqar: Toqtatyńdar, toqtatyńdar! Bul án durys emes qazir balalar senderge ándi qalaı aıtatyndaryn kórsetedi.
«Syrǵanaq» áni
Balalardyń taqpaqtary
Mystan kempir: Jaraıdy ándi aıttyq, taqpaq aıttyq, al, endi maǵan sirińke ákel.
Aqshaqar: Ol ne úshin ata?
Mystan kempir: Qalaı ne úshin, men endi shyrshany jaqpaımyn ba?
Aqshaqar: Aıaz ata sen búgin birtúrli qyzyqsyń. Shyrshany sirińkemen emes, seniń sıqyrly taıaǵyńmen jaǵady ǵoı.
Júrgizýshi: Aıaz ata shyrshany jaǵý úshin «Shyrsha shamdary jarqyra!» degen sıqyrly sózderdi aıtyp, taıaǵyńdy sermeýiń kerek.
Mystan kempir: A, solaı ma? Endeshe áı shyrsha jan tez, bol (shyrshany aınalyp, sekirip júredi)
Kıkımora: Sen Mystan ne istep tursyń, jaǵyp jibereıik ony sirińkemen mine sonda naǵyz qyzyq bolady.
Aqshaqar: Jaraıdy ata seniń aıtqan sózderińe shyrsha shamdary janbaıtyn sıaqty. Aıaz ata bári Jańa Jyldy kútýge daıyndalyp jatyr. Kórip tursyń ba? Aıtpaqshy, sen osy mana nege kóp keshiktiń?
Mystan: A, men úıde fýtbol qarap, otyryp qaldym. Maǵan olardyń syrǵanaǵany unaıdy.(edende ary - beri syrǵanap júredi)
Aqshaqar: Saǵan ne bolǵan ata, ol fýtbol emes, hokeı ǵoı.
Mystan: Áı meıli ne bolsa da, maǵan báribir, endi men ne isteýim kerek sony aıtshy?
Aqshaqar: Balalarmen birge oıyn oınaýymyz kerek
Mystan: Oıyn deısiń be? Qandaı oıyn oınasaq eken? A, taptym! Bizder jasyrynbaq oınaımyz. Áı, aqshaqar sen ana turǵan qapshyqqa kir, al biz seni izdeıtin bolamyz.
Aqshaqar: Joq ata, biz únemi basqa oıyn oınaıtyn edik qoı.
Mystan: Al búgin jasyrynbaq oınaımyz. Aıttym bitti.
Aqshaqardyń basyna qapshyq kıgizip qoıady
Mystan: Alaqaı, biz jeńdik!
Júrgizýshi: Sender ne istedińder a? Balalarda Aıaz ata da, Aqshaqar da joq endi olar ne isteıdi?
Mystan: Ne istegeni qalaı? Men munda ne úshin turmyn? Qazir biz balalarmen oıyn oınaıtyn bolamyz.
«Kim shapshań?» oıyny
Aıaz Atanyń daýysy shyǵady
Aıaz ata: Qyzym, Aqshaqarym qaıdasyń?
Kıkımora: Naǵyz aıaz ata kele jatyr. Qashyńdar, tyǵylyńdar!
Aıaz ata: Qutty bolsyn, balalar,
Kelgen Jańa Jyldaryń.
Ótken jyly kelip em
Bárińdi de kórip em.
Jyl ótkizip kelem dep
Ýádemdi berip em!
Sálemetsińder me balalar, qonaqtar! Ýáde bergesin senderdi Jańa Jyldaryńmen quttyqtaǵaly kelip otyrmyn. Senderde nege typ - tynysh. Án qaıda, bı qaıda?
Mystan kempir shyǵyp, bara jatyrǵanda Aıaz ata kórip qalady
Aıaz ata: Balalar, meniń aqshaqarymdy kórdińder me? Shanaǵa salyp qoıǵan syılyqqa toly qapshyǵym da joq, onyń qaıda ketkenin de bilmeı qaldym. Áı, mynaý kim taǵy?
Mystan: Men Aıaz atamyn
Aıaz ata: Kim deıdi? Al, men kimmin sonda?
Mystan: Men qaıdan bileıin?
Aıaz ata: A, seni ma? Qazir tura tur.
Mystan: Má, anda qarańdar Aqshaqar kele jatyr.
Balalar basqa jaqqa qarap turǵanda mystan ketip qalady.
Aıaz ata: Áı, manaǵy qaıda ketti?
Júrgizýshi1: Ata, siz uzaq jol júrip keldińiz sharshaǵan bolarsyz, sál otyryp dem alyńyz al balalar sizge taqpaq aıtyp beredi
Balalardyń taqpaǵy (aıaz ata týraly)
Júrgizýshi2: Aıaz ata bizdiń balalardyń sizge arnaǵan bıin tamashalańyz
«Qurtaqandar» bıi
Aıaz ata: Rahmet balalarym sender taqpaqty da, ándi de jaqsy aıtady ekensińder, bıdi de jaqsy bıleıdi ekensińder. Meniń osy aqshaqarym qaıda ketti eken?
Júrgizýshi1: Aıaz ata ony mystan kempir alyp ketti
Aıaz ata: Ne deıdi? Sol mystandy ma? Qolyma tússin osydan kórsetemin men oǵan.
Júrgizýshi: Balalar, bizder Aıaz atanyń kóńilin kóterý úshin «Aıaz ata» ánin aıtyp bereıikshi.
Mystan Aqshaqardy alyp shyǵyp ketpekshi bolady
Mystan: Mynany qalaı alyp ketsem eken, a? Ananyń qasynan qalaı ótemin?
Aıaz ata: A, sen munda júr ekensiń ǵoı? Aqshaqarym qaıda? Ákel ony munda
Mystan: Joq men ony bermeımin. Ony men taptym.
Aıaz ata: A, solaı ma qazir men seni qatyryp tastaıyn!
Mystan: Joq, joq tek ashýlana kórme, qazir men senderge aqshaqardy da, syılyqtaryńdy da qaıtaramyn, tek sender meniń tilekterimdi oryndasańdar boldy.
Aıaz ata: A, syılyqty da sen ketken ekensiń ǵoı!
Júrgizýshi: Ol qandaı tilek, biz seniń aıtqandaryńnyń bárin oryndaımyz, tek Aqshaqardy qaıtarsań boldy.
Mystan: Osy balalar manadan beri qazaqsha sóılep jatyr, áı, osylar bir aýyz aǵylshynsha biledi me eken?
Júrgizýshi2: Balalar bizder balabaqshada aǵylshyn tilinde úırenemiz ǵoı, ıa? Endeshe qane aǵylshynsha taqpaq aıtyp bereıikshi.
Gúlshat Dáýren Dılnaz
Mystan: Má, bulardy qara, byldyrlap áreń sóılep júrgenderimen qoımaı, aǵylshynsha taqpaq jattap alyp ty ǵoı. Áı, jaraıdy endi men myna balalarmen jarysqym kelip tur. Sender bilesińder me myna meniń sypyrtqym bar ǵoı, zyryldap ushqanda oǵan eshteńe jete almaıdy ǵoı.
«Kim tez?» oıyny
Júrgizýshi: Balalardyń shapshańdyqtaryn baıqadyń, taǵy aıtatyn tilegiń bar ma?
Mystan: Men jas kúnimde óte keremet bıleıtin edim, ári óte keremet sulý edim. Osy otyrǵan balalar menen artyq bıler me eken?
Júrgizýshi: Balalar, qane, biz Mystanǵa qalaı bıleıtinimizdi kórseteıikshi.
«Jastar» bıi
Aıaz ata: Áı, Mystan balalar seniń tilekterińdi oryndady, endi bizge Aqshaqardy alyp kel!
Mystan Aqshaqardy alyp keledi
Mystan: Aqshaqarlaryńdy alyp keldim, alyńdar! Al syılyqtaryńdy ózderiń taýyp alyńdar. Qoı men taǵy birdeńe búldirmeı turǵanda myna jerden ketip qalaıyn.
Aıaz ata: Myna Mystan meniń syılyqtarymdy qaıda tastady eken?
Júrgizýshi: Aıaz ata aldymen myna shyrsha shamdaryn jaǵýǵa kómektesińizshi.
Aıaz ata: Al, balalar bárimiz birge «Shyrsha shamdary jarqyra!» dep aıtaıyq.
Júrgizýshi2: Balalar shyrsha shamdary janyp, Jańa jyldyń kelýi taıap qaldy, biraq ketetin Jańa jyl qandaı jyl boldy eken?
Jylqy:
Sálemetsińder me balaqaılar!
Sálemetsińder me qonaqtar!
Men kelemin qýanyp,
Mol shattyqqa bólenip
Bir jyl boıy sizdermen,
Dos bolamyn shattanyp.
Júrgizýshi:
Keldi mine Jańa jyl.
Dýmandatty shartarap
Toı, mereke, saltanat,
Tartýlaryn arqalap – dep kelgen Jańa jylymyzǵa arnap balalar taqpaqtarmyzdy aıtaıyqshy.
Júrgizýshi: Balalar mana mystan kempir kelgende, onyń qolynda Aıaz atanyń qapshyǵy bolyp pa edi? Ol ony qaıda tyǵyp qoıdy eken? Qane, balalar sol syılyqtardy taýyp alaıyqshy.
Aıaz ata: Balalarym mynaý meniń senderge ákelgen syılyǵym. Qane, qyzym kómektesshi balalarǵa taratýǵa. Al, Jańa jyl elime, halqyma qut bolyp en. Myna balalardy ózińe tapsyramyn. Balalar, qonaqtar meniń ketetin ýaqytym boldy. Basqa da balalardy quttyqtap syılyq taratýym kerek. Saý bolyńdar!
Aqshaqar: Saý bolyńdar!
Júrgizýshi: Osymen bizder erteńgiligimizdi aıaqtaımyz.