InfoHub Logo

Qushaǵynda tátti úmittiń
Ótsin altyn kúnderiń,
Jańa jylda jaqsylyqtyń,
Shamshyraǵyn úrlegin!

*** *** *** ***

Óziń de bir ardaqty jan ekensiń,
Armandaryń alyp shyńǵa kótersin!
Daq túspesin júregińe aq qardaı,
Jańa jylyń jańa baqyt ákelsin!

*** *** *** ***

Keldi, mine, Jańa jyl ortamyzǵa,
Qut-bereke ákelsin barshańyzǵa.
Ańsaǵan armanyńyz oryndalyp,
Ómirińiz baqyt pen tolsyn nurǵa.

*** *** *** ***

Qaǵyp tur Jańa jyl kep esigińdi,
Bolmaıdy toı-dýmannyń keshi muńdy.
Jaratqan túgel qylyp bersin seniń
Baqyt pen yrysyńdy, nesibińdi!

Ashylyp ǵasyrdyń bir aq paraǵy,
Ózińe Qydyr daryp, baq qarady.
Jańa jyl berekeli jyl bop kirsin,
Tabysqa bastap seni asqaraly!

*** *** *** ***

Jylymyz barys —
Kóbeısin tabys.
Keler jyl qoıan —
Ulǵaısyn januıań.

*** *** *** ***

Jańa jyl — jańa qadam, jańa baǵyt,
Bolashaq syılaıtyndaı jańa baqyt.
Jaqsylyqtyń belgisi, jańa ýaqyt,
Kelip, mine, jatyrmyz, qaýqyldasyp...
 
Birge soǵyp bar álemniń saǵattary,
On ekini kúter, qalmaı, taǵattary,-
Ǵasyrdyń on ekinshi jyly keldi,
Qustaı ushyp, qyraý shalǵan qanattary!
 
Qutty bolsyn Jańa jyl, barsha qaýym,
Qutqa oransyn keń baıtaq darhan elim. 
Qazaqtyń peıiline tartý etsin,
Tabıǵat ashyq aspan, tań shapaǵyn!

*** *** *** ***

Ardaq tutqan jaısań jannyń biri ediń,
Bireýge syr, al bireýge jyr ediń,
Shynaryna órle bıik baqyttyń,
Osy meniń saǵan aıtar tilegim!

*** *** *** ***

Aman bolsyn otbasyń,
Jamandyqtan saqtasyn.
Jańa jyldyń túninde,
Baqyt ashsyn qaqpasyn!

*** *** *** ***

Jańa jyl — jańa nıet, jańa kúnsiń,
Ǵalamǵa ǵashyq bolǵan janarymsyń.
Qalsynshy eski jylda bar qıyndyq,
Shattyqtyń sharaınasy bola bilgin!

*** *** *** ***

Mezgilderi jańarǵan,
Eskirgenin eleıtin,
Aldaǵy jyl — aq arman,
Assalaýmaǵaleıkým!

*** *** *** ***

Bastalarda jańa álem,
Quıylady jańa nur.
Júrekke arman bólegen,
Qosh kelipsiz, jańa jyl!

*** *** *** ***

Jańa jylym — ásemsiń,
Gúl óndirer túzge de.
Ár sáti Baq ákelsiń,
Dostar, dostar bizge de!
Jańa Jyl kórkeıip-kóbeıý, ósip-óný, maqsat-murattarǵa jetý jyly bolsyn!

*** *** *** ***

Qaıyrly kún, barsha týǵan-týystarym,
Qutty bolsyn bul kelgen jańa jylyń!
Tyshqan jyly kenelip shyn baqytqa,
Óse bersin bul jylda tabystaryń.

Bola bersin bul jylda qyzyqtaryń.
Toılaı ber qyryq, elý, alpystaryń.
Qutty bolsyn alatyn qonystaryń,
Qýanyshpen toıla, ómir  paraqtaryn.

*** *** *** ***

Keldi taǵy jańa jyl
Qýantýǵa bizderdi,
Qutty bolsyn qýanysh
Quttyqtaımyz sizderdi.

*** *** *** ***

Jańa jylyń jańa nur ala kelsin
Qýanyshqa qushaǵyń tola bersin.
Eski jylyń esirkep kókeıińde
Qımas shaqtyń biri bop qala bersin!

*** *** *** ***

Jyrmen ótsin kúniń,
Taýsylmasyn syryń.
Batqan kúnmen ketsin,
Muńyń bolsa buryn.
Atqan tańmen atsyn,

Aq armanyń gúliń.
Júziń jaryq bolyp,
Shalqyp shyqsyn nuryń!
Jańa jyldyq tilek,
Osy bolsyn búgin!

*** *** *** ***

Keıde kóńiliń qalǵan,
Keıde tátti baldan –
Dúnıe bul jalǵan,
Qarap kóziń talǵan.

Baqyt nuryn shashsyn,
Atatyn tań aldan.
Taýsylmasyn násip,
Tolyp aqsyn arnań.

Aqtalsyn pák úmit,
Jańa qaýyz jarǵan.
Baıandy bop kelsin,
Oryndalsyn arman!

*** *** *** ***