InfoHub Logo

«Jańa zaman kelinderi»

Júrgizýshi.
Naýryz toıy - merekesi ultymnyń
Berekesi yrysy men qutymnyń
Táýelsizdik dýmanymen bir kelgen
Uly kúni, Ulys kúni jurtymnyń

Naýryz – salt, Naýryz - dástúr, Naýryz diniń
Jyl basy, Ulys kúni, jańa jylyń
Kóktem kók kól - kósir bop jerdiń júzi
Kók basar týǵan jerdiń bar adyryn

Armysyń, jıylǵan jurt, asyl halqym,
Saqtaǵan ǵasyr boıy dástúr - saltyn
Yntymaǵyn, eldigin bıik ustap,
Shyǵarǵan talaı jerde qazaq atyn

Qurmetti ustazdar, sizderdi Ulystyń uly kúni - Naýryz merekesimen shyn júrekten quttyqtaımyz!
Bir qolymen besikti, bir qolymen álemdi terbetken qasıet boıynan tabylǵan kelinder qazaqtyń ádet - ǵurpy men salt - dástúri, ulttyq taǵam túrlerin ázirleý, kórkemsóz oqý, ismerlik pen qolóner sheberlikterin qanshalyqty meńgergenderin kórý úshin «Jańa zamannyń kelinderi» atty merekelik saıysymyzdy tamashalańyzdar!

Júrgizýshi: Saıysqa qatysýshy úmitkerlerimizben tanys bolyńyzdar!
1 İzbasarova Móldir
2 Arzyqulova Jámılá

Júrgizýshi:
Kelinder bes túrli saıystar boıynsha baqtaryn synaıdy.
1) Men kelinimin qazaqtyń (Tanystyrý, qaı rýǵa kelin bolyp barǵany, ózi qaı rýdan shyqqanyn aıta ketý)
2) Kim nege beıim? (Kelinder óz ónerlerin pash etý)
3) Joldasyńnyń súıikti asy (as mázirin daıarlaý)
5) Sen salt dástúrdi bilesińbe? (suraq – jaýap)
6) Tabaq alý rásimi
Osy saıysqa ádil baǵalaryn beretin ádil qazylar múshelerimen tanys bolyńyzdar.
1 Egizbaeva Aqsary Nasyradınqyzy
2 Baıekenova Aıysh Orynbaıqyzy
3Medetova Orynbıke Jumahmetqyzy

Júrgizýshi:
Qazaǵymnyń dástúriniń kózindeı
Kónermeıtin kemeńgerdiń sózindeı
Aǵaıynǵa aımaq bolǵan jeńgeler
Abysynǵa qaımaq bolǵan kelinder

Óleń qýyp kelinder óter deımiz
Bir basyna óneri jeter deımiz
Saıysqa kelgen 8 kelin kezektesip
Tanystyryp ózderin ótse deımiz

(Kelinder jeke - jeke tanystyrady)

Óner, óleń – jastyq shaqtyń belgisi,
Keler ony árkimniń - aq kórgisi
Kezde keldi óleńge erik beretin
Kelinderdiń jyr marjanyn tógetin

Saıysymyzdyń ekinshi sharty « Kim nege beıim?» kelinder óz ónerlerin ortaǵa pash etedi.

1 Saǵymbaeva Marıa
2 Kóshımova Aıgerim

Júrgizýshi: Buzbaǵan dástúr menen ádet - saltyn
Kelinder bar sulýlyqty egiz qylyp
İskerlik bar sulýlyqty egiz qylyp
Erekshe jaratypty áıel zatyn -
dep endigi kezekte úshinshi saıysymyz « Kim jyldam?» munda kelinder berilgen ýaqyt ishinde nan(qamyr) jaıý.( ortaǵa úmitkerlerdi atap shaqyrý.)
Júrgizýshi:
Ata salty ardaqty
Árbir sózi salmaqty
Ol sózderdi uqpasań
Tistersiń bir kún barmaqty.

Qazaq halqy úshin dastarhannan úlken, dámnen úlken nárse joq. « As adamnyń arqaýy», « Jaman aýrýǵa – jaqsy as» dep tegin aıtpaǵan. Meniń oıymsha, qazaqtyń kelinderi eń aldymen erine qarsy kelmeıtin, nesibesin ysyrap etpeıtin, balanyń tárbıesine asa mán beretin bolýy kerek. Áıel úshin eń bastysy otbasynyń berekesi. Saıysymyzdyń tórtinshi sharty « Joldasymnyń súıikti asy», Munda kelinshekter óz joldasyn qanshalyqty qurmettep, syılaıtynyn kóremiz. As máziri. Qandaı taǵam ekenin aıtyp tanystyryp ketemiz.
(Ortaǵa úmitkerler shyǵady, jeke - jeke)

Júrgizýshi: Saıysymyzdyń besinshi sharty «Suraq - jaýap», úmitkerlerge suraqtar taratylady, oılanýǵa 1 mınnýt beriledi.

Júrgizýshi:
Halqymyzdyń ejelgi úrdisi bar
Adastyrmas oń joldan úlgisi bar
Ańyz bolǵan joǵalmaı bul ǵasyrǵa
Salt - dástúri halqymnyń jalǵasýda
Saıysymyzdyń sońǵy sharty «Tabaq alý rásimi», kelinder ıilip sálem salyp tabaq alý rásimin kórsetedi.(ortaǵa kelinshekterdi shaqyrý)
Ene kózimen qaraǵandaı, ene sózimen synaǵandaı, tórde tórelik etken ádilqazy múshelerine sóz berelik.
Úmitkerlerge nomınasıa boıynsha ataq berý, dıplommen marapattaý.
1. Inabatty kelin
2.Parasatty kelin
3.Ónerpaz kelin
4. Sheber kelin
5. Kórikti kelin
6. Jańa zaman kelini

Osyndaı ataqtarmen marapattalady.
Búgingi « Jańa zamannyń kelinderi»atty saıysymyz óz máresine jetti. Barlyq analardy, qyz kelinshekterdi ótken 8 - naýryz halyqaralyq meıramymen quttyqtaımyz. Ulystyń Uly kúni Naýryz meıramymen shyn júrekten quttyqtaı otyryp, otbastaryńyzǵa amandyq, denderińizge saýlyq tileımiz. Saıysty kórip kóńil bólgenderińizge kóp rahmet.