InfoHub Logo

Jándikter týraly jumbaqtar
Bar eken bir maqulyq unnan maıda,
Óz basyn aıdaıdy eken qıyn jaıǵa,
Ustasaq úgitilip joǵalady,
Damyldap otyrmaıdy eshbir jaıǵa.
/Kóbelek/.

Gúl ushyp gúlge qonady,
Gúl baqsham gúlge tolady.
/Kóbelek/.

Shıdim, shıdim, shıdim qus,
Shı basyna qonǵan qus.
Qarqaraly qara qus,
Han basyna qonǵan qus.
/Shybyn/.

Iisshil - ıt emes,
Ushady - qus emes.
/Shybyn/.

Bar jumysy ermegi.
Talmaı qanat qaǵady.
Eńbekti qosh kórmeıdi,
Jat ydysty baǵady.
/Shybyn/.

Qys kezinde uıyqtap jatar,
Jaz mezgili dýman ashar.
/Shybyn/.

Qarabaı attan jyǵyldy,
Halyq soǵan jıyldy.
/Túkirikke jıylǵan shybyn/.

Aspanda aq sary qus shý salady,
Jabysyp taqyr jerden sý alady.
Adamnan sý alǵan tym ózgeshe
Dýyldatyp deneńe ý salady.
/Bezgek masasy/.

Ózim úshin seni uram,
Sen úshin ózimdi uram,
Sen úshin ózimdi ursam -
Aǵady meniń qanym,
Jarylady seniń qarnyń.
/Masa/.

Bir qus bar ushyp júrip án salady,
Árkimge qonaq bolyp bir barady.
Barlyǵy maqulyqtyń yǵyr bolyp,
Daýysyn estigender zar qaǵady.
/Masa/.

Aspanda qyran sary kisi alady,
Bolǵanda keshke jaqyn án salady.
Qudaıdyń qudiretine qarap tursań,
Tútikpen taqyr jerden sý alady.
/Masa/.

Bir ǵajap tórt aıaqty, qus qanatty,
Kóredi kúndik jerden adamzatty.
Qolynda qyldan názik kúrzisi bar,
Iapyraı, tıgen jeri tastan qatty.
/Masa/.

At basty,
Arqar múıizdi,
Bóri keýdeli,
Bóken sandy,
Qos qanatty,
Qumyrsqa izdi,
Bota tirsekti.
/Shegirtke/.

Taıqy mańdaıly,
Sıyr muryndy,
Balyq syrtty,
Jylan baýyrly,
Esek saýyrly.
/Shegirtke/.

It basty,
Qoshqar múıizdi,
Borsyq keýdeli,
Bóken sandy.
/Shegirtke/.

Aıdar aýyzdy,
Qoıan qulaqty.
Bóken sandy,
Qylysh quıryqty.
/Shegirtke/.

Jaz boıy ándetken,
Kúz bolǵan soń sán ketken.
/Shegirtke/.

Bir maqulyq bar qazyq aıaq,
Qarǵyp - qarǵyp túsedi tazydaı - aq.
/Shegirtke/.

Bar edi bir jumbaǵym júrgen saıda,
Qolynda qylyshy joq, eki naıza.
Qaryndy eki naıza bolǵanmenen
Qylysh pen aı baltadaı bolmaq qaıda.
/Buzaýbas/.

Biz jazdyq aýlym qonǵan tekshesine,
Etiktiń jez qaqtyrdym ókshesine.
Aıýanda tórt aıaqty bir nárse bar,
Bórenesin baılaǵan bóksesine.
/Inelik/.

Ana taýdyń basynda uıyǵan qatyq,
Ol qatyqty kórmeıdi dámin tartyp,
Dámin tatqan qalady sespeı qatyp.
/Qara qurt/.

Bir maqulyq aıdalada qorǵan salǵan,
Azapty ajaldymen soǵan barǵan.
Men emes bul jumysty aıtyp júrgen,
Burynǵy azamat er sodan qalǵan.
/Qara qurt/.

Ǵajaıyp bir nárse bar qatqan teri,
Óziniń qalyń toǵaı jatqan jeri.
Bir kúni ashtan ólmeı, toqtan óler,
Jigittiń muny tabar kemeńgeri.
/Túıe kene/.

Qaraıyp ushty qarǵadaı,
Barmaǵan jeri qalmady - aı.
Jerge tústi, in qazdy,
Aıaǵymen tyrmalaı.
/Qońyz/.

Ushqanda óleń aıtady,
Qonǵanda jer qazady.
Muny da oılap kórińiz,
Sheshýin kim tabady?
/Qońyz/.

Áýede ushyp júrgen aeroplan emes, qus emes,
Arqasyna baılaǵany irimshik emes, qurt emes.
Baýyrǵa baryp in qazady,
Qasqyr emes, túlki emes.
/Qońyz/,

Qaraıyp ushqanmenen qarǵa emes,
İn qazǵanmenen túlki emes.
Arqasyndaǵy boqshasy,
Jınaǵanmen múlki emes.
/Qara qońyz/.

Bir nárse aldy bıik, arty alasa,
Dop ıler keshke deıin bir tamasha.
Myltyǵyn ataıyn dep ońtaılanar,
Ózine aıtqan syıy unamasa.
/Sasyq qońyz/.

Kórdiń be bir nárse tur dóp - dóńgelek,
Az tursa sol jerinde bolady kók.
Jerinde bir kún turǵan úsh kún tursa,
Ózindeı ketedi eken úsh ese bop.
/Kene/.

Kishkene ǵana túıme tas,
Atan túıe tarta almas.
/Kene/.

Aspannan ushyp tústi jatqan teri,
Qalyń toǵaı ný jynys jatqan jeri.
/Kene/.

Uzyn - uzyn uzardaı,
Uzynnan aqqan sýlardaı.
Aǵash atqa mingizip,
Uzartyp qoıǵan munardaı.
/Órmekshi/.

Bir nárse ózi molda, ózi jorǵa,
Qurady jibek aýdy oń men solǵa.
Tartqanda mashınasyn oń men solǵa,
Tabady qarajatyn sonda zorǵa.
/Órmekshi/.

Dúnıede bir kempir bar tipti kári,
Jip tógip, órmek quryp, toqyr sháli.
Alady aılamenen ala búrkit,
Tabyńdar nemene eken munyń máni.
/Órmekshi/.

Shıdıgen uzyn sıraǵy,
Tastaı kereń qulaǵy.
Sóıtip júrip kóp jerge
Aspaly torlar qurady.
/Órmekshi/.

Eńbekshi úı ishinde mekendegen,
Sym arqan dúnıege jeter degen.
Qarqara qara qussha túrin jaıyp,
Dúnıeden ýaıymsyz ótem degen.
/Órmekshi/.

Arqasy domalaq,
Aıaǵy uzyn.
/Órmekshi/.

Eki basy judyryqtaı,
Ortasy qyldyryqtaı.
/Qumyrsqa/.

Qatar - qatar qara nar,
Aspanmenen bara bar,
Aldy bıik, arty jar.
/Qumyrsqa/.

Bir shahar dóp - dóńgelek úlken úıdeı,
İshinde kári - jasy bári birdeı.
Kárisin de jasyn da árqashan aıyrmasyn,
Tań qalǵan qandaı derek muny bilmeı.
/Qumyrsqa/.

Attanǵan bir shaharǵa qyryq myń qosyn,
Qolynda ózi jaıaý, nesi bolsyn.
Qolynda esh nársesi bolmasa da,
Ózine taýyp alar nesibesin.
/Qumyrsqa/.

Beleń - beleń, beleń at,
Beli názik kúreń at.
Taýǵa minse taımas at,
Talaý tıse ólmes at.
/Qumyrsqa/.

Beınetqor kópshilikte kórdim halyq,
Kúninde bir otyrmas damyl alyp,
Ózinen aýyr júkti kóteredi,
Úıinde jatyp jeıdi rahattanyp.
/Qumyrsqa/.

Bir balýan ózi kúshti, qaıraty mol,
Ózinen úlken zatty kóterer ol.
Meıli qyr, meıli jota, meıli tóbe,
Qaıqańdap asa berer bárinen de ol.
/Qumyrsqa/.

Aıdalada bir bazar.
/Qumyrsqanyń ıleýi/.

Bir eleýish janym bar,
Kótere alsań bárin al.
/Qumyrsqanyń ıleýi/.

Tyrý - tyrý tyrnalar,
Taýǵa qaraı jorǵalar.
/Ara/.

Alpys tisti aıdahar,
Eshqaıda qadam baspaıdy.
Qozǵamasań jatady,
Eshteńeden saspaıdy.
Aǵashtan tamaq jeıdi eken,
Jutpaı shaınap tastaıdy.
/Ara/.

Bir nárse ózi názik tym - aq sergek,
Qorqady bala - shaǵa, áıel, erkek,
Óziniń qany adal, eti aram,
Myltyqsyz, ıa qylyshsyz ustaıdy eptep.
/Ara/.

Bireýge naıza túıreıdi,
Ózi de sodan kúıreıdi.
/Ara/.

Bıik - bıik taý bolar,
Qarshyǵalar uıalar,
Eti aram bolsa da, sorpasy adal,
Ol ne bolar, balalar?
/Aranyń baly/.

Shatyrash - shatyrash taý bolar,
Kógershinder uıalar,
Sorpasy adal bolsa da, eti aram,
Ol ne bolar?
/Aranyń baly/.

Bir uıada júz bólek úı.
/Aranyń uıasy/.

Kók tóbede kóp boldy,
Topyraq jalap toımaıdy,
Nesibesi neden joq boldy.
Jeteý edi bederi,
On tórt edi aıaǵy,
Balalyqtan aıtyp júrgen
Jumbaq edi baıaǵy.
/Esek qurt/.

Domalaq taýdyń basynda
Toqty qoshqar oınaıdy.
/Bıt/.

Kishkene ǵana boıy bar,
Adam jeıtin oıy bar.
/Bıt, búrge/.

Bir maqulyq moıny jýan, tirsegi uzyn,
Tikpese ózi etik, saqtar bizin.
Taǵy da iske yńǵaıly qaıshysy bar,
İs tigip kórgen de emes esh qyzyǵyn.
/Shaıan/.

Bir maqulyq kele jatyr mań - mań basyp,
Qutylmas kózge tússe joldan qashyp.
Bul jerde ony tabar esh adam joq,
Tappasa úlken molda kitap ashyp.
/Bıt/.

Japyraq jep silekeı shyǵarady,
Silekeı jasyn shyǵarady.
/Jibek qurty/.

Bekingen bir taý teke tushalaý úıge,
Qudaıym ony saldy mundaı kúıge.
Kún shyqsa jatady salqyn úıde,
Kún jaýǵanda ketedi japan túzge.
/Ulý/.