InfoHub Logo

Birde Jantaılaq batyr men Jantaı batyr irgeles torǵaýyttan qarymta qaıyryp, kóp jylqysyn qýyp áketedi. Qaıtar jolynda Qaljyr ózeni boıyndaǵy toǵan qazýshylarǵa aıaldaıdy. Qolǵabys kórsetip aıdap kele jatqan jylqysynan beredi. Keıin sol toǵan «Jantaılaqtyń teris aqqany» atalyp ketedi.

Osy kóp jylqynyń habary Qara Ertis boıyndaǵy Aldıar batyrǵa jetedi. Munyń saldarynan torǵaýyttarmen irgeles jatqan kereılerge de zábiri tıýi múmkin edi. Sony oılap Aldıar batyr bir top adamymen sońynan qýady. Mol oljaǵa kenelmek bolady. Bókenbaı taýynyń kúnbatys eteginde qýyp jetedi. Astynda joıqyn qarajorǵasy, qolynda uzyn naızasy bar Aldıar batyr óz adamdarynan uzańqyrap shyqqan boıynda: «Ba-tyr bolsań, jeke shyq!» — dep daýystaıdy. Jantaılaqtyń qartaıǵanyn eskerip, Jantaı batyr jekpe-jekke shyǵady. Ol óziniń qýlyǵy men aılakerligine salyp, mingen atynyń ekpinimen Aldıarǵa jaqyndaı bere atynyń basyn tejep tura qalyp: «Batyr! Jekeń jeke, al artyńdaǵyń ne?» — deıdi. Aldıar artyna burylyp qaraı bergende, Jantaı batyr lyp etip sholaq naızasyn saǵaǵynan qadap jiberip, atynan aýdaryp túsiredi. Basqa qýǵynshylar eki batyrǵa qatty qarsylyq kórsete almaıdy.

Jantaılaq batyr qıyn shaqta tóńirektep, azýly jaýlary- men aıqasa júrip, eldi bosqyndyqtan qutqarýdyń bir joly osy dep rýlastaryn eginshilikke tartady. Jantaılaq batyr tusynda malyn baǵyp, eginin salyp otyrǵan eldiń shyrqyn uranhaılar men torǵaýyttar buza beredi. olardyń basynǵandyǵy sonshalyq — «Jantaılaq turatyn jerin aıtsyn, soǵysamyz!» dep habarshysyn jiberdi. Jantaılaq burynnan aralas- quralas bolyp júrgen, qysylǵanda bir-birine kómektesetin elge shapqynshysyn jiberedi. Biraq ol jaq kómekke kelmeı qalady. Degenmen Jantaılaq batyr serikterimen árqashanda jaýlaryna toıtarys berip otyrady.

Batyrdyń týǵan jerinde «Jantaılaq toǵany», «Jantaılaq ótkeli» degen jer ataýlary qalǵan.

Oqýǵa keńes beremiz:

Jalańtós batyr

Elshibek batyr týraly

Er Jaýǵash

---