InfoHub Logo

Osy kúni qoǵamdaǵy eń úlken kúızelis, quldyraý januıada júzege asýda. Batysta otbasy degen túsinik kúıredi, bitti. Endi sol indetpen arpalys bizdiń de basymyzǵa kelýde. Januıany osyndaı jaǵdaıǵa jetkizgen dinsizdik pen arsyzdyq negizinde qurylǵan «Femınızm» jáne «Gýmanızm» aǵymdary bolyp tabylady. Bul mıkrob, bul ý — altyn ydysqa salyp shekermen jalatyp usynylyp jatqandyqtan kóbimiz budan habarsyzbyz. «Sózde teńdik», «ádilettik», «aqylaryn jegizbeý» degen urandardyń astynda áıelderimizge usynylǵan qıaldar, negizinde astarly aram pıǵylmen qurylǵan tuzaq! Týralyqty, januıadaǵy tynyshtyqty izdegenderdiń biri — Amerıkalyq Laýra Doıl. «Baqyttyń bulaǵy — januıa» atty kitabynda tájirıbelerimen bólisip, qatelik jolymen qabyrǵasy qaıysqan otbasyn qalaı qutqarǵanyn qysqasha bylaı túsindiredi:

«...Januıalyq ómirimizdiń tórtinshi jylynda qarym-qatynasymyzdyń sýyp, otbasylyq jolymyzda aqaý baryn baıqadym. Januıany qutqarý atty semınarlardan da esh nátıje ala almaǵandyqtan, eń sońynda «ájemniń tásilin» qoldanýǵa sheshim qabyldadym. Osy qabyldaǵan sheshimimnen bastap, ara-qatynasymyzdaǵy barlyq nárse basqasha kete bastady. Otbasylyq qatynas psıhologtarynyń ylǵı qaıtalaıtyn «Máselelerdi aıtysyp, sóz talastyrý arqyly sheshý kerek» degen túsiniginiń úlken ótirik ekendigine, bastan jeńiletin soǵys ekenine kóz jetkizdim. Basymnan ótkizip tapqan osy jańa ádispen aldymen óz januıamdy quldyraýdan saqtaı aldym. Keıin basqa da baqytsyz áıelderge yntyzarlyq pen ǵashyqtyqqa toly januıalyq ómirge qol jetkizýdiń aqyl-keńesterin berýdi ózime mindet dep bildim. Memlekettiń tórt buryshyna semınarlar ótkizip, femınıstterdiń burmalaýlarynyń bir túri bolǵan «aýyldyq» degen túsiniktiń qateligin de aıqyndadym. Baspasóz quraldarynyń keri áserden qorqyp qabyldamaǵan, óz múmkindikterimmen bastyryp, qoldan qolǵa taratqan «Kúıeýine berilgen (baǵynǵan) jar: Erińizben jaqyndyqty, qushtarlyqty jáne tatýlyqty qamtamasyz etýge aparatyn tájirıbelik jol» atty kitabym, myńdaǵan amerıkalyq áıelder úshin «Otbasyn saqtap qalýdyń» nusqaýlyǵyna aınaldy...»

Qazir bul kitap Eýropa jolynda. Uıasyn saqtap qalǵandardyń biri bolǵan Karol Fısdjerald hanym «Bul semınarlardan keıin, negizinde otbasymdaǵy eń úlken problema men ózim ekenime kózim jetti. Kez-kelgen jaıtqa basqa kózqaraspen qaraýdy úırendim. Kúıeýim qandaı bolsa, solaı qabyldap, oǵan barlyq turǵydan senim artyp, arqa súıeý kerektigin túsindim. Ǵashyq bolǵan adamymdy bir kezderi ózgertýge tyrysqanymnyń qanshalyqty negizsiz, sandyraq ekenin túsindim. Jáne de tynysh, ári baqytty januıaǵa qol jetkizdim...» deıdi.

Laýra kitabynda: Moıynsuný, baǵyný sheksiz de emes. Esirtkige táýeldi, zorlyq-zombylyqqa qushtar, senimdilik sezimin oıandyrmaıtyn opasyz erkekterge «baǵyný» bylaı tursyn, olardan aýlaq bolý kerek!...» dep eskertedi.

---