InfoHub Logo

Jaqsy kóńil-kúı – jan shýaǵy
Maqsaty: Ujymdaǵy qyzmetkerlerdiń kóńil - kúılerin kóterý, ujymda syılastyq qarym - qatynas ornatý, shyǵarmashylyq qabiletterin damytý, ózderine qurmetpen qaraýǵa, jańashyldyq pen izdenimpazdyqqa baýlý.
Kórnekiligi: Túrli - tústi karandash, aq paraq,, sazdy áýen, júrekshe.
Ádis - tásilder: Test, jattyǵýlar.
Trenıń barysy: Sálemetsizder me súıiktide, súıkimdi ujymdastarym. Sizdermen birge búgin trenıń ótkizgeli turmyn. Trenıńimizdiń taqyryby «Jaqsy kóńil kúı - jan shýaǵy» dep atalady. Bizder kóbimiz shyǵarmashylyq tabystarǵa jetip, únemi izdenis ústinde júretin jandarmyz. Ózimizdiń jan dúnıemizge úńilip, bir demalatyn bolarmyz. Olaı bolsa trenıń sizderge unaıdy degen oı bar.

1. «Syılyq» jattyǵýy.
Búgin bárimizdiń týǵan kúnimiz dep oılaıyqshy. Týǵan kúnge arnap bir birimizge jaqsy tilegimizdi aıtyp, bir - birimizge myna ádemi júrekti, jaqsy iltıpatpen, bar meıirimizben syıǵa tartaıyqshy.
Nusqaý: Búgingi sizdiń týǵan kúnińizben shyn júrekten quttyqtaımyn. Sizge densaýlyq tileımin. Ádemi júrekti sizge tartý etemin.

2. «Óz áńgimeńdi oılap tap» jattyǵýy
Trenıńke qatysýshylar eki topqa bólinedi. Sizderge ár túrli 20 sóz beriledi. Sol sózderdi baılanystyryp, bir áńgime qurastyrýlaryńyz kerek. Sol áńgimelerińizdi oqyp, qorǵap shyǵasyzdar. İske sát.
Sózder:
Ana; Gúl; Oryndyq; Bala/qyz/; Balmuzdaq; Japyraq; Samal jel; Kitap; Ata; Aǵash; Gazet; Kóleńke; Saıabaq; Mańdaı; Kóbelek; Shelek; Qumalańqaıy; Dop; Qalaqsha; Úı.
Tárbıeshi; Bala/er/; Kıim; Oryndyq; İlgek; Ana; Kómekshi tárbıeshi; Konfet; Serýen; Sabaq; Túrli - tústi karandash; Shkaf; Úı; Kıim; Telefon; Sharf;

3. «Almany julyp al» jattyǵýy.
Trenıń júrgizýshi qatysýshylardan bir - birinen alshaqtaý turýyn suraıdy da: «Qazir biz baqshadan alma jınaımyz, olar óte bıikte ósip tur, oń qolymyzdy barynsha kóterip bir - birimizdiń artymyzǵa turamyz da, ishke tereń tynys alyp almalardy julamyz. Endi tynysymyzdy jáılap shyǵaryp, almalardy sebetke salamyz.
Sol jaqta taǵy da óte úlken alma tur. Sol almany taǵy da julyp alamyz. Tereń tynys alyp, ekinshi almany sol qolymyzben julamyz da tynysty syrtqa shyǵaryp, almany sebetke salamyz.

4. «Jasyryn hat». jattyǵýy
Erte - erte - ertede... áli adamdar árip tanymaǵan ýaqytta da, olar bir - birine hat jazǵan eken. Qalaısha?
Olar sýret salýdy bilipti. Búgin biz sony úırenemiz. Óz qarsylastaryńyzǵa sýret arqyly qysqasha oılaryńyzdy jetkizesizder. Sizder aldymen 4 topqa bólinińizder. Sizderge bir sóılemder beriledi. Berilgen tapsyrmany sýretin salyp, qaǵazǵa túsirýlerińiz kerek.
1. Búgin maǵan saǵat altyda telefon soǵyńyzdarshy;
2. Búgin jumystan keıin mádenıet úıine konsert kórýge baraıyq;
3. Jeksenbi kúni saǵat úshte meniń týǵan kúnime kelińizder;
4. Erteń balalardy saıabaqqa qydyrtýǵa aparaıyqshy..
İske sát.

5. Test. «Basqalarǵa áser ete alasyz ba?»
6. «Tilek» jazý jattyǵýy.
Túrli - tústi qaǵazdan adam músinin qolmen qıyp jasaý. Adam músinin qıyp bolǵan soń, qaǵazǵa búgingi trenıńten alǵan áserlerin, kóńil - kúılerin, tilekterin jazý. Sonan soń taqtaǵa magnıtpen jabystyrý.
Bárimiz osylaı tatý bolaıyq. Bir - birimizdi árqashan syılap, qurmettep júreıik.
Qurmetti pedagog - tárbıeshiler, áriptester! Altyn ýaqyttaryńyzdy bólip kelgenderińizge kóp rahmetimdi aıta otyryp, otbasylaryńyzǵa baqyt nury shýaǵyn shasha bersin degim keledi.

Mańǵystaý oblysy, Túpqaraǵan aýdany
Fort - Shevchenko qalasy, Baýtın aýyly,
"Aqbota" balabaqshasynyń psıhology
Togaeva Akelık Ýtelgenovna