InfoHub Logo

Kel tanysaıyq.
Maqsaty: qazirgi kezdegi balanyń damýyna, jeke tulǵa bolyp qalyptasýyna ata-ana tárbıesiniń ádis-tásilderin jetildire otyryp, qarym-qatynas ornatý.
Ádis-tásilder: Suraq-jaýap, jattyǵý.

Trenıń barysy:
Balany jastan baqpasań,
Jamandyqtan qaqpasań,
Qadirden jurdaı qasqa bop,
Keshkeniń ómir bosqa tek,- degendeı, balanyń ystyq-sýyǵyna kúımeıtin, jaqsylyǵyna súıinbeıtin ata-ana joq shyǵar. Búgingi ul - erteńgi áke, ol qarap ósedi. Búgingi qyz - erteńgi ana, ol sheshege qarap ósedi, boıyn túzeıdi. Balaǵa bilim, tárbıe berýde basty tulǵa ustaz bolsa, ony jalǵastyrýshy, demeýshi - ata - ana.

«Tanysý» jattyǵýy.
Árbir ata - ana óz esimin aıtyp, esiminiń birinshi árpine óziniń boıyndaǵy úsh qasıetin aıtady. Mysaly meniń esimim Aqelik - aqyldy, armanshyl, adamgershiligim mol. Sheńber boıymen trenıńke qatysýshylar ózderin tanystyryp ótedi.
Osy atalyp ketken boılaryńyzdaǵy qasıetterińizdi esterińizden shyǵarmaýlaryńyzdy suraımyn.

«Qyzyqty suraqtar» jattyǵýy.
Sizderge dopty berý arqyly suraqtar qoıamyn. Solarǵa jaýap berýlerińizdi suraımyn.
- Balańyzdyń týǵan kúni?
- Tárbıeshiniń tolyq aty - jóni?
- Balańyz qandaı ólshemdi aıaq kıim kıedi?
- Balańyzdyń súıikti asy?
- Balańyz qandaı tústi jaqsy kóredi?
Balańyzdy erkeletip qandaı sóz aıtasyz?
- Balańyz sizdi renjitkende, eń aldymen qandaı sóz aýzyńyzǵa túsedi?

«Jalpylaý» jattyǵýy.
Qımyl - qozǵalys arqyly jaýap berý.
- «ıá» deseńizder - qoldaryńyzdy shapalaqtańyz.
- «joq» deseńizder - aıaqtaryńyzdy tarsyldatyńyzdar.
1) Gazet betindegi maqalalardan, teledıdardaǵy baǵdarlamalardan tárbıege baılanysty suraqtardy tyńdap, qarap júresiz be?
2) Balaǵa tárbıe berý kezinde úıde ata - ana birdeı yqpal jasaı ma?
- eger «januıa» deseńizder jymıyńyz.
- eger «qorshaǵan orta, qoǵam» deseńizder qoldy aldymyzǵa sozamyz.
3) Bala tárbıeleý jaýapkershiligi kimde dep oılaısyz?
- eger «áke» deseńizder, qoldy aldymyzǵa sozamyz.
- eger «sheshe» deseńizder, jymıyńyz.
- eger «ekeýi» deseńizder, qoldaryńyzdy shapalaqtańyz.

«Ormandaǵy nóser» jattyǵýy.
Qanekeı barlyǵymyz tyǵyz sheńber boıyna turamyz. Ózderińizdi ormanda qalyp qoıdyq dep elestetińizder. Aýa raıy óte tamasha, kún shýaǵyn shashyp tur, óte ystyq qapyryq. Kenet jeńil samal jel turdy. Aldaryńyzda turǵan adamnyń arqasyna qolyńyzdy tıgizińiz de, jeńil qımyldar jasańyzdar. Jel údeı tústi - arqaǵa túsken qysymdy kúsheıtemiz. Daýyl bastaldy arqaǵa qoldy sheńber boıymen dóńgelete júrgizemiz. Sosyn usaq jaýyn bastaldy - jeńil soqqylar. Kenetten nóser bastaldy - saýsaqtarmen joǵary - tómen qozǵalystar jasaý. Naızaǵaı jarqyldady - barlyq saýsaqpen qatty soqqylar jasaımyz. Taǵyda nóser, daýyl, qatty jel. Nóser birtindep basyla bastaıdy. Tabıǵat tolyq tynyshtaldy. Qaıtadan jarqyrap kún shyqty.
Ata - ana kóz qýanysh,
Aldyna alǵan erkesi.
Kóńiline kóp jubanysh,
Gúldenip oı - ólkesi,- dep Abaı atamyz ata - ananyń qýanyshy, gúldengen úmit – armany tek perzent súıý, ony tárbıeleý ekendigin aıtqysy kelgen eken.
Endeshe, ata - analar qolymyzdaǵy altynymyzdy jaqsylap tárbıeleıik jáne bizder olardyń eń basty úlgi bolar beınesi ekenimizdi umytpaıyq.

Mańǵystaý oblysy, Túpqaraǵan aýdany,
Fort - Shevchenko qalasy, Baýtın aýyly
"Aqbota" balabaqshasynyń psıhology
Togaeva Akelık Ýtelgenovna