InfoHub Logo

Tabysty adamdardyń barlyǵy tań qylań bere turǵan emes. Kesh turyp ta qolǵa alǵan isińizde tabysqa jetýge bolady.

Bylaıǵysha bizdiń kóz aldymyzǵa, úlgerý úshin tań azanymen turý qajettigi, sondaı-aq, qarapaıym jandardan jumys kúnderin birneshe saǵat erte bastaıtyn adamdardyń jetistikke toly áserli oqıǵalary jónindegi dana keńester keledi.

Alaıda mıllıonerler arasynda da úkiler bar jáne olar kesh turý men tabysty bıznesti qalaı úılestirgenderin aıtýǵa daıyn.

Ózińizdi tyńdańyz

Arnaıy ýaqytta turýǵa qaraǵanda, uıqynyń qanǵandyǵy mańyzdyraq. Eger sizdiń jumys ónimdiligińizdiń artý sáti keshke qaraı bolsa, onda barlyq mańyzdy sharýalardy keshke qaldyrýǵa josparlańyz jáne berile jumys isteńiz.

Alǵash kompanıamdy qurǵan shaqtarda men tańǵy saǵat 5-te,  keıde tipti 4-de turýǵa ózimdi zorǵa ıtermeleıtinmin.  Osyndaı kestede ótken jarty jyldyq ómirimnen osynsha erte turý maǵan tek kesirin tıgizetindigin uqtym.  Al, 8-9 saǵat uıyqtaı alatyn sátterimde men,  eki ese jaqsy jumys isteımin.

Tańǵy 9-ǵa deıin uıyqtaıtyn mıllıoner  Braıan Kleıton (Bryan Clayton), GreenPal kompanıasynyń bas dırektory

Uıqydan tura salysymen, jumysty bastańyz

CelebriDucks men Cocoa Canard kompanıasynyń prezıdenti jáne múltımıllıoner Kreıg Volf (Craig Wolfe) óz jumysynyń jemisti bolý qupıasymen bylaısha bólisedi: «Ádette men tańǵy 8:15 pen 9 aralyǵynda oıanamyn, alaıda óndiris orynymnyń ózge ýaqyt aımaǵynda ornalasqandyqtan meniń keshke deıin jumys isteýime týra keledi. Barlyǵyna úlgerý úshin, ózińiz tolyqtaı habarda jáne tıimdi shaqtarmen qatar árbir iske arnaıy ýaqyt bóle alǵan kezde, ýaqytty naqty anyqtaý qajet. Kúnuzaq meniń qaı ýaqytta qońyraýǵa jaýap beretin, usynystarmen jumys jasaıtyn nemese jarnamamen aınalysatyn arnaıy ýaqyttarym bolady. Eń mańyzdysy ýaqytty josparlaı bilý jáne sol jospardan aýytqymaý kerek».

Jumys ýaqytyn saýatty bólińiz

Qanshada turatynyńyz mańyzdy emes. Mańyzdysy, sizdiń kesteńizdiń durys bolǵandyǵy.

Men árbir jumys kúnimdi erteńgi kúndi josparlaýmen aıaqtaımyn. Sebebi, tań atysymen men oıymdy jınaqtaýǵa jáne jumys tizimin qurýǵa ýaqytymdy shyǵyndaı almaımyn.

Kauzbots oıynshyq óndiris kompanıasynyń basshysy  jáne mıllıondardyń ıegeri Natasha Nelson (Natasha Nelson) tańǵy 8-9-ǵa deıin uıyqtaıdy.

Jumys ýaqytynyń saýatty josparlanýy onyń basymdyǵyn arttyrady. Óz kesteńizdi qurarda, eń negizgide kompanıańyzǵa kóp mólsherde kiris kirgizerlik jumystarmen aınalysatyndaı etip qurýǵa tyrysyńyz.

Turaqty júıeni qalyptastyryńyz

Kásiporynnyń tabysqa jetýi kóp nársege, atap aıtqanda ártúrli júıeniń úzilissiz jáne óte jaqsy uıymdastyrylýyna baılanysty bolyp keledi. Osylardy siz qanshalyqty jaqsy ıgergen bolsańyz, qaıtymy da sonshalyqty joǵary bolmaq, sondaı-aq sizdiń qatysýyńyzdyń qajettiligi tómendeı túsedi.

Utymdy júıe men myqty komanda tynysh uıyqtaýǵa jaǵdaı jasaıdy. Tipti siz uıyqtap qalǵan kezdiń ózinde de  jumys óz jalǵasyn tabady.

Decisive Minds kompanıasynyń bıznes keńesshisi, mıllıoner Mıshel Sızm (Michele Scism) tańǵy 8-9 aralyǵynda oıanady

Ózińizge ýaqyt tabyńyz

Aralasqan kestemen ómir súrgende, jumys pen jeke ómirdi úılestirý ońaıǵa soqpaıdy. Biraq, jetistik – bul tek jumys emes. Máselen, sportpen shuǵyldaný tek densaýlyqqa paıdaly. Olar sonymen qatar oıdy retke keltirip jáne jaqsy jumys isteýine septigin tıgizedi.

Kesh turý sizdi, túski úzilis kezindegi tamaqtanýdan nemese kofe-breık pen áleýmettik is-sharalardan jáne jaqyndarmen aralasýdan aıyra almaıdy. Jetistikke jetý ómirde eń mańyzdy salalardyń garmonıalyq úılesiminsiz múmkin emes.

Tabysty bolý úshin, erte turý mindetti emes. Áldeqaıda bárinen mańyzdysy qaı ýaqytqa sáıkes kelmesin, uıqynyń qanyp turǵandyǵy qajet.

---