InfoHub Logo

İ. Uıymdastyrý
- Mektep jetistikteri, qaıyrymdylyq aksıasy týraly slaıd - shoý daıyndaý;
- Konserttik baǵdarlama ázirleý;
- Baıandama
İİ. Aksıanyń júrisi:

Qaıyrly kún, qadirli qaýym, el tiregi, erteńimizdiń kepili bolǵan jas urpaq! Armysyzdar jany jaısań, júregi jomart el aǵalary, ulaǵatty ustazdar, ardaqty ata - analar «Mektepke jol» qaıyrymdylyq aksıasyna qosh kelipsizder!
«Qaıyrymdylyq jasasań, qaıyrymyn óziń kóresiń» - degen eken dana halyq. Qaıyrymdylyq - halqymyzdyń eń izgi qasıetteriniń biri. «Janashyrlyqqa - jan rıza» degendeı kemtar, jetim, qamqorlyqqa alynǵan balalardyń janashyr qamqorshysy bolyp, aıaly alaqanyn tosyp, júrek jylýyn usyný, saýaby mol iske at salysý árbir adamnyń azamattyq paryzy.
Adam ómirindegi eń ıgi isteriniń biri – muqtaj jandarǵa qamqorlyq jasaý. Adamdar bir - birine qaıyrymdylyq, meıirimdilik tanytý arqyly jaqsylyq jasaıdy.
Qamqorlyqty qajet etetin jandarǵa qol ushyn berý arqyly adam balasy jaqsylyqqa qadam bastaıdy.

Respýblıkalyq «Mektepke jol» qaıyrymdylyq aksıasy dástúrli túrde eki jyldan beri óz jalǵasyn taýyp keledi. Aksıanyń basty maqsaty balalardy orta bilimmen tolyq qamtylýyna jaǵdaı týǵyzý. Mańyzdy mindetimiz qamqorlyq jasaý.
«Jylýy joq úıden bez, qaıyrymy joq bıden bez»,- degendeı qaıyrymdylyq, adamgershilikti bıik ustap, kisilikti tý etip, kókiregi qaıaýly, jany jaraly jannyń jasyn súrtip, jyly lebizin aıamaı, qoldan kelgen járdemin usynyp, dostyq peıilderin tanytýǵa kelgenderińizge úlken rızashylyǵymyzdy bildiremiz!!!

Sonymen, izgi nıetti, aq tileýli aǵaıyn, jaqsy iske janashyr bop, qosh keldińizder!!!
Balalarǵa qamqorlyǵymyzdy aıamaı, olardy aıalaı bileıik degen nıetpen kelip otyrǵan qonaqtar men demeýshilerimizben tanys bolyńyzdar.
Jańa oqý jylyna jaqsy kóńil - kúı, jańa qarqyn, bilimge degen qushtarlyq, asyǵa kútken altyn uıa mektebine saǵynysh sezimin uıalatyp otyrǵan bul qaıyrymdylyq qory árbir bala boıyna senim, janyna jiger uıalatatyny sózsiz.
Sóz mektep dırektory Qanzıa Qaıyrqyzyna beriledi.
2. Án
3 Erteńge talpynys, bolashaqqa baǵdar, ıgi iske umtylys – adamzatqa tán qubylys. Endeshe, kóp bolyp, asyl armanyna qol sozǵandarǵa súıenish bolyp, qolymyzdan kelgen kómegimizdi aıamaıyq. Bala seniminiń nyq bolýyna qadam jasaıyq. Ortaǵa Mektebimizdiń «Asar - Qoldaý» qorynyń tóraıymy Bekhojına Baqytty shaqyramyz.
Jaqsylyqty aq júrekpen qabyldap,
Samǵa bıik, jalyn atyp júr alda.
Jigeriń men senimińdi ottyq qyp,
Jas qyrandaı qanat qaǵyp qıanǵa.
Asqaq arman – úlken ómir bastaýy,
Bolashaqqa baqyt únin joldańdar!
4. Án__________
25. A. Tájmaǵanbetova Baıandama «Jaqsylyq – jan shýaǵy».
6. Bı «Erke sylqym» oryndaıtyn J. Tobaǵulova
7. Abaıdyń on tórtinshi qara sózine júginetin bolsaq, «Naǵyz júrek isi raqymdylyq, meıirbandylyq jáne ár túrli iste adam balasynyń bárin ózine tartyp, baýyrym dep, ózine oılaǵandaı olarǵa da bolsa ıgi edi» delingen. Búgingi qaıyrymdylyq keshine keń peıildilik tanytyp kelip otyrǵan ___________________________________sóz beriledi.
8. Án___________
9. Aqyl adam kórigi, aqyldyń sabyr serigi. Al beıtanys adamǵa jyly shyraı bildirý, kóńilin kóterý, kemshiligin keshirip, demeý bolý – jomarttyq.
Sóz kezegi_____________beriledi.
Kúı __________________
Jaqsylyq jasaý – ımandylyqtyń, tárbıeliliktiń, parasattylyqtyń aıqyn kórinisi. «Ne berseń de balaǵa ber, bala úshin jasa» - degen halqymyzdyń ıgi dástúri qazirgi kezde qaıyrymdylyq qoǵamdarynyń is - tájirıbelerimen jalǵastyrylyp keledi.
Jaqsylyq jasaý qolyńnan kelip tursa, qýanysh syılaýǵa múmkinshiligiń jetip tursa, nege qol ushyn sozbasqa?!
Búgingi «Mektepke jol» qaıyrymdylyq aksıasyn uıymdastyrýǵa uıytqy bolyp otyrǵan mektep basshylaryna, qol ushyn berýge at salysyp otyrǵan demeýshilerimizge aıtar alǵysymyz sheksiz.

«Búgingi Mektepke jol» qaıyrymdylyq aksıasy da óz máresine jetti. Demeýshilerimizdi balalarǵa daıyndaǵan syılyqtaryn tapsyrýǵa shaqyramyz. Jańa oqý jyldaryńyz qutty bolsyn. Osyndaı qaıyrymdylyq aksıalary áli de óz jalǵasyn taba beredi dep senemiz. Kóńil qoıyp tyńdaǵandaryńyzǵa kóp rahmet!!!
Peıildilik kól - kósir,
Jomarttyq erge syn.
Keńdigin kórsetken.
Qaıyrymdylyq qorynda,
İzgilik jolynda.
Myń alǵys, aǵalar,
Rýhy eldiń jebesin.!
Árkez júregimiz keń, peıilimiz aq bolyp jaqsylyq jasaýǵa umtylyp turaıyq!!!

Mańǵystaý oblysy, Mańǵystaý aýdany,
Shetpe selosy B. Jumalıev orta mektebiniń matematıka pániniń
muǵalimi Tajmaganbetova Agılen Bısheqyzy