InfoHub Logo

Taqyryby: “Abaı shyǵarmashylyǵyna ılústrasıa jasaý”
Maqsaty:
a) Bilimdilik maqsaty: Abaı shyǵarmalarynyń mazmunyna tereń mán bere bilýge úıretý, mazmunyna sáıkes sýret sala bilýge úıretý.
á) Tárbıelik maqsaty: Aqynnyń adamgershilik, adaldyq qasıetimen qosa parasattylyǵyn, názik lırıkalyq qabiletin, eline jerine degen súıispenshiligin dáripteý.
b) Damytýshylyq maqsaty: Aqyn shyǵarmalaryn súıip oqýǵa qyzyqtyrý, sýret salý shyǵarmashylyǵyn qalyptastyrý.
Sabaqtyń ádisi: Mýzyka tyńdaý, mazmunyn áńgimeleý,
túsindirmeli – ıllústratıvtik, suraq - jaýap
Sabaqtyń kórnekiligi: Sýret dápteri, kórsetpe úlgi materıaldar
plakattar, baǵalaý paraǵy, ınteraktıvti taqta
Pánaralyq baılanys: Qazaq tili, qazaq ádebıeti, geografıa

Uıymdastyrý kezeńi: Oqýshylardy túgendeý, synyp tazalyǵy
oqýshy nazaryn sabaqqa aýdarý, baǵalaý
paraǵyn túsindirý
Úıge berilgen tapsyrmany tekserý: Ertegi mazmunyna ılústrasıa jasaý. Oqýshy jumystaryn baǵalaý. Erteginiń tartymdy, áserli sújeti keltirilgen ılústrasıalarǵa shapaq bóligin taratý. Óte jaqsy salynǵan sýretterge eki shapaq bóligin, jaqsy salynǵan sýretterge bir shapaq bóligin beremin.

Ertegi mazmunyna ılústrasıa jasadyq. Qyzyqty tartymdy kórinister arqyly oqýshylardy izdenimpazdyqqa, shyǵarmashylyqqa, kitapqa qyzyǵýshylyqqa talpyndyrdym, nátıjesinde oqýshylardyń sýret salý úshin biraz izdengenin, qyzyqty kórinis salý úshin jańa ertegilermen tanysyp oı - órisin keńeıtkenderin ańǵardym.
Ertegiden ózge de kez kelgen janrlarǵa ılústrasıa jasaýǵa bolady. Mysaly: kıno, spektákl, opera, áńgime, óleńderge t. s. s.

Óleń demekshi, sonyń ishinde tabıǵat kórinisterinen áserli, tartymdy ılústrasıa daıyndaıyq. Tabıǵatty ásem sýretteýshi lırıkalyq aqyn - Abaı. Endeshe Abaı shyǵarmalaryna nazar aýdaralyq. Kim qandaı Abaıdyń tabıǵat týraly shyǵarmalaryn kóp biledi? Dápterge túsiremiz. Kóp biletin oqýshylarǵa bir shapaq bóliginen taratamyn.
Jańa sabaq: “Abaı shyǵarmalaryna ılústrasıa jasaý”

“Jelsiz túnde jaryq aı” óleńine ılústrasıa
Sonymen búgingi jańa sabaqta «Jelsiz túnde jaryq aı»óleńine ılústrasıa jasaıyq. Óleń mazmunymen tanysamyz:
Jelsiz túnde jaryq aı
Sáýlesi sýda dirildep
Aýyldyń jany - tereń saı
Tasyǵan ózen kúrildep
Qalyń aǵash japyraǵy
Sybyrlasyp ózdi - ózi
Kórinbeı jerdiń topyraǵy
Qulpyrǵan jasyl jer júzi
Taý jańǵyryp, án qosyp
Úrgen ıt pen aıtaqqa
Kelmep pe ediń jol tosyp
Jolyǵýǵa aýlaqqa?

Óleń mazmuny boıynsha nobaı salý, kompozısıalyq qurylymyn keltirý. Nobaı salýdy qajetti sóz tirkesterimen baılanystyra otyryp salamyz. Jelsiz tún – túngi aspan – aı sáýlesi – munartqan taý – aýyl mańy – tereń saı – tasyǵan ózen – qalyń aǵash – japyraq sybdyry – qulpyrǵan jer – taý jańǵyryǵy – úrgen ıt – jol tosý.
Jerdiń sýrettelýine qaraǵanda taýly aımaq ekendigin ańǵaramyz, ıaǵnı aqynnyń týǵan jeri taýly aımaq ekenin bilýge bolady.
Oqýshy nobaılaryn baǵalaý.
Eń jaqsy nobaılarǵa, qurylymdarǵa shapaq bóligin taratý. Sýretti boıaýdy bastaımyz. Palıtramyzdy, sý boıaýymyzdy daıyndaımyz.
Endi án tyńdaı otyryp sýretti jalǵastyramyz.
Palıtraǵa aıryqsha kóńil bólý kerek. Jalpy fondy, negizgi astardaǵy tústerdi jaǵyp shyǵamyz. Buny jalpaqtaý qylqalammen oryndaýǵa bolady.
Boıaý degdigenshe oı sergitelik.
Sergitý sáti

Sergitý sáti asosıasıa ádisimen sýyq túster izdeý maqsatynda oryndalady. Palıtrada sýyq boıaý tústerin izdeý
Qyzyl menen jasyl tús, erekshe tús beredi. Qandaı?
Qyzyl men kók qosylyp, ózge túske enedi. Qandaı?
Qońyr menen kókshil tús, ortaq túske keledi. Qandaı?
Qońyr, qyzyl, sary, bul qandaı tús taǵy?
Kók pen jasyl, qyzyldan jáne bir tús syzylǵan?
Sýyq túster kolorıti shyǵarmany odan ári jalǵastyrý barysynda tıimdi áserin kórsetedi. Boıaý tústerin talǵamdylyqpen qoldanǵan oqýshylarǵa taǵy bir shapaqtan taratamyn.

Sabaqty bekitý
Sabaqty qorytyndylaý maqsatynda oqýshylarǵa birneshe suraqtar beremin.
1. “Jelsiz túnde jaryq aı” óleńiniń mazmunyn qalaı túsinesiń?
Óleń tabıǵattyń tylsym qupıasyn beıneleýde óte áserli jazylǵan.
Óleńdegi sóz tirkesteri beıneleý kezeńderin salýdy jeńildetedi.

2. Taqyryp boıynsha ýaqyt shamasyn qandaı boıaýmen keltiremiz?
Túngi mezgil bolǵandyqtan sýyq túster kolorıtin úndestiremiz.
Biraq jazǵy mezgil bolǵandyqtan jyly lep áserin sezine bilýimiz kerek

3. Óleń mazmuny men salynǵan sýrettiń ózara baılanysýy?
Óleń mazmunyndaǵy árbir sóz tirkesi óz oryndaryn sýret tórinen tamasha yrǵaqty úılesimmen taba alýy kerek.
Jaqsy jaýap bergen oqýshylarǵa taǵy bir shapaqtan taratamyn.

Baǵalaý
• Shapaq bóliginiń sanyn esepteı otyryp oqýshy rettiligine oraı kúnniń shapaqtaryn boıaımyz.
• 1 - 2 shapaqqa “3”
• 3 - 4 shapaqqa “4”
• 5 - 6 shapaqqa “5” degen baǵa qoıylady.
Úıge tapsyrma:
Ilústrasıany aıaqtap kelý.
Jekelegen názik núanstar, maıda bólikterdi, nárselerdi jińishke qyl qalammen aıshyqtaý.