InfoHub Logo

Halqymyzdyń qamyn oılap, Qazaqstan úshin aıanbaı ter tókken, elimizdiń basyn talaı qıyndyqtan arashalap aman alyp qalǵan Dinmuhamed Qonaev atamyz ómiriniń sońǵy jyldary ádiletsizdikterdi az kórgen joq. Oı eleginen ótkizip qarar bolsaq, kúshikti asyrap ıt qylasyń. Odan soń ol ıesine qaraı shaýyp, baltyryńdy qanatady degen uly Abaıdyń sózi ras eken-aý. Qonaev úshin ádiletsizdiktiń eń soraqysy - halyq rızalyǵy úshin jan demeı qyzmet kórsetip, sodan soń ózi tárbıelegen keıbir shákirtteriniń odan teris aınalyp, taban asty kórsetken opasyzdyǵy shyǵar, sirá. Ony aıtpasaq ta belgili. Tipti baspasóz betterinde jón-josyqsyz aıyp taǵyp, kúıe jaǵyp, ár basqan qadamdaryn sanap, izine túskender de az emes. Ol az deseń, sonyń saldarynan Qonaevty Máskeý tarapy da eleýsiz qaldyrmastan, tergeýge ala bastady.
Biraq ta  KSRO bas prokýratýrasynyń  ister jónindegi bólim tergeýshisi Kalınıchenko ár basqan adymynan qatelik izdep, artyn ashpaq bolǵanymen, ony qaralaıtyn eshqandaı dálel tappady. Tipti, Dımekeń ol týraly óziniń tól týyndysy "O moem vremenı" kitabynda da aıtyp ótipti.

Odan soń basyna endi tynyshtyq ornady ma dep, zeınetkerlik demalysqa shyǵar ýaǵynda, basyndaǵy jalǵyz "Volga" avtokóligin de bılik basyndaǵy shúkirshiligi joqtar suraýsyz, ózderine tartyp alǵan. Budan asqan soraqylyq joq shyǵar, bálkim. Kólik kerek bolǵan soń Dımekeń týǵanyndaı bolyp ketken qazaqtyń birtýar azamaty Zamanbek Nurqadilovke qońyraý shalǵan. Jaǵdaıyn túsindirip, kóligin tartyp alǵanyn aıtyp, múmkin bolsa ózine kóligin qaıtaryp alýǵa, ne bolmasa aqysyna basqa "volga" satyp alýǵa kómektesýin ótingen. İnisinde "jıgýlı" bar ekenin, biraq onyń ishi ózine tar, kólikti júrgizgende qolaısyzdyq týǵyzatynyn aıtyp jetkizedi. Árıne, uzyn boıly, iri deneli ári symbatty, aty dúrkirep turǵan Qonaev "jıgýlı" mingenine namystanǵan emes. Jaı ǵana inisiniń kóligine masyl bolǵysy kelmegendikten, bir jaǵynan ol kólik yńǵaısyz bolǵandyqtan da, daý-damaı shyǵarmaı sol ýaqytqa deıin únsiz baryna razy bolǵan, qandaı kóregendi kisi dep te keıde tańyrqaısyń. Dımekeń kólikti óz tarapynan satyp ala almady. Sebebi, bıliktegiler júris-turysynyń barlyǵyna tyıym salǵan. Zamanbek joǵarǵy taraptaǵy ashkózderdiń Dımekeńe kórsetken qorlyǵyna qatty yzasy kelgennen, jumys ornyn bir silkindirgen. Qonaevtyń sózin jerge tastamaı, der kezinde qol astyndaǵylarǵa Dımekeńniń úıinde 1 saǵatta jańa "volga" avtokóligi turýyn talap etedi. Osyndaı jaǵdaılardyń kúndelikti kórinisi men kóleńkesi tıtyǵyna ábden tıip, janyna batty ma kim bilsin? Nemese ómiriniń mejesi, sońǵy aıaldamasy osy jerden toqtady ma, belgisiz Dımash atamyz 1993 jyldyń tamyz aıynda 81 jasynda dúnıeden ótti. Bul kisiniń janazasyna kelgen adamdardyń qarasy uzaq ýaqyt boıy tarqamaǵan kórinedi. Sebebi, halyq kimniń adal, kimniń aram, kimdi qadirleı bilý kerektigin biledi. Qazirgi tańda Qonaevtyń istegen bir isin búkil Qazaqstan jumylyp isteı almaıdy.

Bul zamannan ba, álde adamnan ba, ol jaǵy bizge beımálim.

Sabyr Shuǵyla Qyzylorda oblysy Jańaqorǵan aýdany

---