InfoHub Logo

«Jas ulan» búkil Qazaqstanǵa taralyp, balalar men jasóspirimderdi tárbıeleýge, oqýdyń jáne tártiptiń úlgisin kórsetýge, Qazaqstannyń Táýelsizdigin nyǵaıtýǵa, elimiz úshin qyzmet etýge, patrıot bolýǵa bárińizdi baýlıtyn bolsyn.

N.Á.Nazarbaev

Elbasymyz Nursultan Ábishuly Nazarbaev  2011jyly 11 aqpanda ótken «Nur Otan» halyqtyq demokratıalyq partıasynyń Hİİİ sıezinde  balalar men jasóspirimderge arnalǵan jańa júıe qurý kerektigin aıtqan bolatyn. Osyǵan oraı elimizde 2011 jyldyń 6 shilde  kúni Elbasynyń basshylyǵymen tuńǵysh ret Qazaqstan Respýblıkasynyń Konstıtýsıasyna sáıkes Respýblıkalyq biryńǵaı «Jas Ulan» balalar men jasóspirimder uıymynyń tusaýy saltanatty túrde kesildi. Bul jańa turpatty jas qazaqstandyqty, ulttyń bolashaq elı­tasyn qalyptastyrýǵa baǵyttalǵan balalar men jasóspirimder uıymy bolyp tabylady.

Elbasynyń bastamasymen qurylǵan «Jas ulan» uıymy Jalaǵash aýdanyndaǵy №201 mektep-lıseıindede osy ýaqytqa deıin mektep ulandary kóptegen ıgilikti ister atqaryp, kópke úlgi bola bildi jáne birshama jetistikterge jetti. Árqashan jaqsylyqtyń janynan tabylatyn ulandar mektep-lıseı boıynsha jalpy sany-406, jas ulan – 225, jas qyran - 181múshesi qaıyrymdy isterdiń janynan tabylyp, halqyna paıdaly, ózine maqsat tutqan ıgi isterin oıdaǵydaı atqaryp keledi. Mektepte birneshe synypty biriktirip qurylǵan «Shańyraq» qaýymdastyǵy, «Qazaqstyń júz áni», «Balalar álemindegi ıgi ister», «Kóp oqyp, kóp bilýge umtyl» lıseı shákirtteri oqýǵa mindetti 30 kitap, «Eńbek adamynyń bir kúni», «Aqyldy beısenbi», «Qazaqsha Ýıkıpedıa» jobalary júzege asyrylýda. «Kóńildi úzilis» zıatkerlik oıyndary, «BIRGEMIZ: Asyl mura», «Órkendeý» jobasy, «Ata muram-asyl qazyna» taqyrybynda ulttyq oıyndar, sporttyq – zıatkerlik saıystar, jas qyrandar arasynda «Bes tarmaqty tatýlyq»  taqyrybynda  tatýlyq - dostyq ashyq alańdary, Abaı Qunanbaevtyń 175 jyldyǵyna oraı «Abaı dana – Abaı dara qazaqta», «Ál-Farabıdiń 1150» taqyrybynda túrli sharalar ótýde.  

Mektep ulandary aýdandyq deńgeıde júrgizilgen sharalarǵa belsene qatysyp, aýdan ákiminiń «Alǵys hatymen» marapattaldy. Jas ulan uıymy músheleriniń júıeli jumystary «Adal freind», «Open English», «Jas Ulan Talks» formattarynda jumys jasaýda.

Elimizdiń bolashaǵy – urpaq tárbıesinde. Eldiń bolashaǵyn baıandy etetin jastar, jas ulandar. Olar árqashanda qoǵammen bite qaınasyp ár bala ózin san alýan qyrynan tanytady. «Jas Ulan» músheleri árdaıym týma talanttarymen, ushqyr qıaldarymen, óren ónerlerimen, asqaq armandarymen, ádep-ıbalarymen qashanda erekshelenip turady. «Jas ulan» uıymynyń beldi de belsendi músheleri  aldaǵy ýaqytta da Qazaqstan Respýblıkasynyń ósip-órkendeýine, kórkeıip-gúldenýine at salysyp, úles qosady degen senimdemin. Bolashaqta elimizdiń san salasyna taban tireıtin qazirgi jas ulannyń el ıeligine qyzmet jasaıtyń kezeńinde de qandaı tárbıe men ónege alǵanyn, ulaǵatty ustazdardyń tókken shýaǵy men balalyǵynyń birde bir kún bos ótpegenin esine salatyn uıym retinde máńgi este qalatynyna senimdimin. Jas ulandardyń qazaq eliniń baıandy bolashaǵynyń  tarıhı jaýapkershiligi óz moıyndarynda ekenin sezip, Máńgilik eldiń asyl murattaryn iske asyratyn máńgilik el ulandary bolatynyna senimim mol.

№ 201 mektep-lıseı ulanbasy Erkinova Nazıa

---