InfoHub Logo

Taqyryby: «Jas ustaz - 2012» saıysy

Bilim – adam balasynyń ortaq qazynasy.
J: «Jas ustaz - 2012» saıysymyzǵa qosh keldińizder!

Júrgizýshi: Qaıyrly kún! Qadirmendi búgingi saıysymyzdyń qonaqtary, ustazdar!
Búgin bizdiń mektepte dúbirli toı,
Den qoıyp tyńdańyzdar, kóńildi qoı,
Jyrdan shashý shashylsyn, kúı kúmbirlep,
Qosh keldińizder, halaıyq, sergisin boı.
Búgin bizdiń mektebimizde tamasha kesh ótkeli otyr. Bul keshte bala júregine jol taba bilgen, bilim nárimen sýsyndatyp qana qoımaı, bala boıyna tálim-tárbıeniń asyl qazynasyn quıa biletin, jas ta bolsa ustaz degen atqa laıyq jas ustazdarymyz saıysqa túskeli otyr. Qurmet pen qoshemet kórsetip, saıyskerlerimizdi ortaǵa shaqyraıyq.
Shaqyryp jarystarǵa san salaly,
Jetekshiler toby bárińe jar salady.
Tý etip dostyqpenen tatýlyqty,
Saıystyń múshelerin qarsy alaıyq.
J: Elimizdiń ustazdary aman bolsyn,
Bastyqtar jel ótpeıtin pana bolsyn.
Sizderge tek tileımiz amanshylyq,
Bolsyn tek árqashanda beıbitshilik – deı kele alǵashqy jas ustazdarǵa degen quttyqtaý sóz kezegin Alǵa aýdandyq bilim, deneshynyqtyrý jáne sport bóliminiń basshysy – Týleýov Marat Shamshýdınovıchke beremiz.

J: Osyndaı tapqyr dostar kez-kelgen de,
Jetsin-aý, jarystarda jeńgenge ne?
Qarsylas bolǵanmenen, qurbysyńdar.
Tileımiz izgi tilek senderge de!- dep qurmetti qaýym! Synǵa túskeli otyrǵan jas ustazdarǵa taǵy da qoshemet kórsetip qoıalyq.
J:
Ádil qazy músheleri, armysyzdar!
Qosh kepsiz, esen saý barmysyzdar?
Sizderge úmit artqan muǵalimder,
Ádildikpen tórelik aıtyńyzdar.

Ádildikpen baǵa berer ustazǵa,
Ádildikpen qara qyldy jarýǵa,
Ádilqazy alqalaryn saılaıyq.
Úzdikterdi tańdap búgin alýǵa - dep ádilqazy múshelerimen tanystyrýǵa ruqsat etińizder.
1. Aýdandyq bilim bóliminiń ádistemelik kabınet meńgerýshisi -
- qazylar alqasynyń tóraǵasy: Hodjanazarov R. N.
2. Bektýrganova Sh. Ý. – aýdandyq bilim, deneshynyqtyrý jáne sport bóliminiń ádiskeri, qazylar alqasynyń múshesi.
3. Ýtegenova N. Q. – Bestamaq OM - niń bastaýysh klass muǵalimi – qazylar alqasynyń múshesi.
4. Ojanova R. J. - №1 Alǵa mektep - baqshasynyń bastaýysh synyp muǵalimi – qazylar alqasynyń múshesi.
Eskertý: Ár muǵalimge jeke - jeke upaı beresizder. Ár suraqtyń tolyq
jaýaby 5 – 10 upaımen eseptelinedi.
(Endi ustazdarymyzdyń sóıleý retin belgileý úshin myna oryndyqtarǵa otyrýlaryn suraımyz).

J: (20. 04 – 21. 04. 2012j)
«Talpynǵan bala, talpynǵan qustaı,
Qumary qanbas, aspanǵa ushpaı», - dep babalarymyz dál taýyp aıtqan.
Qazir HHİ ǵasyrda eń birinshi orynǵa bilim qoıyldy. Urpaq tárbıesi men olarǵa sapaly bilim berý ustazǵa baılanysty. «Uıada ne kórseń, ushqanda sony ilersiń» degendeı ónegeli ustazdan bilimdi shákirt shyǵatyny sózsiz. Biz tek bilimmen ǵana alǵa jyljımyz. Al sol bilim nárin berýshi – USTAZ. Endeshe kelesi bólimde qatysýshy jas ustazdar «Qatysýshylardyń keshendi jınaq papkasy» qaralyp, talapqa saı úzdik tolyqtyrý jınaǵy 2-shi kezeńge jiberiledi.

İİ - kezeń. (27. 04 - 2012j) Panoramalyq sabaq (uzaqtyǵy – 20 mınýt) jáne prezentasıa «Meniń pedagogıkalyq qyzmetim»
Pikirlesip kóreıikshi biz ashyq,
Daýryqpaıyq, berekesiz shýlasyp.
Júgineıik aqıqatqa árqashan,
Dos kóńilmen aqtaryla syrlasyp.

Bárimizdi beı - jaı qylǵan taqyryp,
Syrlasaıyq oı - teńizin sapyryp.
Batyl bolsyn, anyq bolsyn pikirler.
Sóz marjany jatsyn tyńnan atylyp - dep saıysymyzdyń kelesi kezeńi «Panoramalyq sabaq» jáne «Meniń pedagogıkalyq qyzmetim» dep atalady. Bul kezeńde saıyskerler óziniń jumys qyzmetindegi bir sabaqtan úzindi kórsetedi jáne óziniń pedagogıkalyq qyzmetin qorǵaıdy.

İİİ kezeń. Qorytyndy kezeń.
Búginde ozyq – dástúr, salt-sanany
Berik ustap, súıetin ot panasyn.
Ustazdar ketsin ózin tanystyryp.
Qýantyp joldas-jora, qurdastaryn.- dep saıysymyzdyń kelesi sharty, ata saltymyzdan qalyptasyp qalǵan «Sálem – sózdiń basy» degendeı saıyskerlerimiz ózderin-ózi tanystyrýǵa kezek bereıik.
- Vızıttik kartochka (hobbı) uzaqtyǵy 3 mınýt.

Pedagogıkalyq jaǵdaıat
Qane dostar pikirlesip qaraıyq,
Qıly - qıly oıdy ortaǵa salaıyq.
San - salaly asyl oılar toǵysyp,
Tolǵandyrǵan jaıdy sheship alaıyq.

Talas týsyn jarqyn oılar jarqyldap,
Shaǵylyssyn naızaǵaıdaı shartyldap.
Boıda qaırat, alda arman shaqyrǵan,
Qoldan ásem jalyn atqan jastyq shaq – degendeı saıysymyzdyń kelesi kezeńin bastaıyq. Synyp ujymymen, jalpy balamen jumys jasaý barysynda kezdesken psıhologıalyq jaǵdaıattardan shyǵý tapqyrlyǵy men aqyldylyǵyn synaıtyn sát te kelip jetti.
(Saıyskerler ınteraktıvti taqtadan qajetti nómirdi tańdap, tańdaǵan nómirge sáıkes suraqqa jaǵdaıatty sheshý usynylady. Oılanýǵa 2 mınýt.)

Sıtýasıalyq suraqtar:
1. Siz sabaqty slaıd túrinde daıyndap keldińiz. Ony bir oqýshy ınteraktıvti taqtany qosamyn dep júrgende bárin óshirip alady, ne ister edińiz?

2. Úı jumysyn tekserý úshin dápter jınap aldyńyz. Bir oqýshy dápterine sizdiń sýretińizdi salyp mazaq etip jazyp qoıǵan. Ne ister edińiz?

3. Bir oqýshyǵa myqtap urysyp aldyńyz. Al ol úıine baryp apaı basymnan urdy dep aryz aıtyp, ata - anasyn ertip ákeldi. Sizdiń áreketińiz qandaı?
4. Bir oqýshy jýrnaldy búldirip tastaıdy. Siz árıne myqtap sógip aldyńyz. Sizdi sol kúni keshke qonaqqa shaqyrady, jańaǵy oqýshy da sol úıge atasymen erip kelgen. «Ata, mynaý meniń apaıym, búgin maǵan urysty» dep esikten kirer kirmesten aıqaılap jiberedi? Siz ózińizdi qalaı ustar edińiz?
5. Aldyńǵy qatarda otyratyn oqýshynyń basynda bıt órip júrgenin kórip qalsańyz ne ister edińiz?

6. Siz syrtqa shyǵyp ketken kezde bir buzyq oqýshy sómkeńe baqa salyp qoıady. Siz bilmeı sýmkańyzdy ashyp qalǵan kezdegi jaǵdaı. Ne ister edińiz?
7. Sizdi bir joǵarǵy klastyń oqýshysy unatyp qalǵanyn aıtyp, dos bolýǵa shaqyrady, ne ister edińiz?
8. Muǵalim sabaqqa kirgen kezde, taqtadan óziniń karıkatýrasyn kóredi. Balalardyń oıynsha muǵalim kináli oqýshyny izdep, sabaq ótkizbeıdi. Ne isteý kerek?
9. Ata-analar keńesýge muǵalimge keldi. Olardyń 13 jasar qyzy óte kóp oqıdy, úlgerimi jaqsy, sońǵy kezde qyz ben ata-ana arasynda keıbir máseleler týyndap júr. Eskertýlerge qyz: - sender meni jaqsy kórmeısińder, úıden ketemin, - deıdi. Ata-ana budan qorqyp, qyzdyń barlyq jaǵdaıyn jasaıdy. Ol jıi qaıtalanyp júr. Ata - anaǵa keńes.

10. Muǵalim oqýshylarǵa matematıka oqýlyǵyn taratýda. Samat úndemeı kitapty apaıǵa qaıtaryp berdi. Muǵalim: Samat ne boldy? Nege qaıtardyń?
- Ol jyrtyq.
- Ol taza, ádemi bolý úshin ne isteý kerek?
- Ony túptep, jelimdep kútip ustaý kerek.
- Muny kim isteý kerek?
J.
Ushqyr oıǵa serik bolsyn sheberlik,
Sóz kezegin ádil qazylarǵa bereıik.
Aramyzda bilimdi dostar kóp eken,
Solardyń biz nátıjesin kóreıik. – dep búgingi saıysymyzdyń da óz sheshimderin shyǵarǵansha «án - shashýǵa» kezek bereıik.
Ortaǵa ádilqazy músheleri shyǵyp, kimniń jarys barysynda qansha bal alǵandyǵyn habarlaıdy. Saıysqa qatysqan múshelerge aýdandyq bilim bólimi atynan, mektep ujymy atynan úlken alǵys aıta otyryp, sóz kezegin aýdandyq kásipodaq uıymynyń tóraıymy – Rıta Zeınolla qyzyna beremiz.

J. HHİ ǵasyr – Bilim ǵasyry. Endeshe ǵasyrdyń saıysynan qalmaıyq. Eńsesi bıik egemendi elimizdiń adaldyqty tý etken alǵyr oıly, adal azamat ul - qyzdaryna sanaly tárbıe, sapaly bilim berýde sharshamaı, talmaı eńbek etip, eńbekterińizdiń jemisin kóre berińizder. Biz sizdermen qoshtaspaımyz, kelesi kezdeskenshe kún nurly bolsyn! – deımiz.