InfoHub Logo

Jasqanshaqtyqtan aıyǵýdyń jaqsy bir joly — kópshilikpen aralasý. Jasqanshaqtyq — bul adam boıyndaǵy jaǵymsyz qasıettiń biri. Jasqanshaq minezdi adamdardyń maqsatyna jetýi sırek. Óıtkeni olar ár iste jasqanyp aldyǵa umtylýǵa batyly bara bermeıdi. Adamdarmen sóıleskende de uıalmaıtyn jerden uıalyp, óz oıyn tolyq jetkizýden arlanady. Jasqanshaq minezdi adamdardyń taǵy bir kemshiligi — aldyǵa umtylýǵa arlanady, el-jurt ne deıdi, qasymdaǵylar ne deıdi dep osyndaı zıandy oıdyń eteginde júredi.

Jasqanshaq minezdi adamdardyń ár iste de ósýi qıyn, sebebi bundaı minezdi adamdar ózin kórsete almaıdy, sondyqtan oqý ornynda bolsyn, qyzmette bolsyn, bızneste bolsyn tabysqa jetýine osy minezi kedergi jasaıdy. Eger de sizdiń boıyńyzda osy jasqanshaqtyq minez bolsa, onda budan dereý aıyǵý joldaryn qarastyryńyz.

Aıyǵýdyń jaqsy bir joly qasyńyzdaǵy dostaryńyzdyń qandaı bolýynda. Sizdiń dostaryńyzdyń boıynda jasqanshaqtyq minezi joq, qoǵamdyq ortada óz oıyn emin-erkin aıta alatyn tanystaryńyz bolsa, onda osy adamdarmen qarym-qatynasyńyzdy arttyryńyz.

Olardyń minez-qulqy sizge sózsiz juǵady. Jasqanshaqtyq minezden ózińiz-aq aıyǵýǵa bolady. Ol úshin aldymen ózińizge senimińizdi arttyryńyz. Qoǵamdyq ortada óz oıyńyzdy qysylmaı, emin-erkin jetkizýge tyrysyńyz. Uıalmańyz. Uıalmańyz dep múldem uıatsyz bolyp ketýge de bolmaıdy. Keıbir adamdar uıalmaıtyn nárseden uıalyp, ózine qıyndyq týǵyzady. Bastysy — durys nárseni durys isteı alsańyz bolǵany.

---