InfoHub Logo

Jastar-kez kelgen memlekettiń eń belsendi bóligi, qoǵamnyń qozǵaýshy kúshi, máńgilik eldiń bolashaǵy.  Eldiń kemel bolashaǵy jastardyń qolymen jasalady. Biz óz tarapymyzdan elimizdiń, memleketimizdiń damýyna úles qosýǵa mindettimiz. «100 naqty qadam», Rýhanı «Uly dalanyń jeti qyry» baǵdarlamasy da jastardyń isine, damýyna negizdelip joldanǵan.   Sondyqtan búgingi basty talap ta, qoldaý da jastar úshin bolyp tur.

Óz elimizdi   álemge tanytý úshin aıanbaı eńbek etý kerekpiz. «Meniń qolymnan ne keledi?», «Men neni jaqsy jasaı alamyn?» -dep oılanýymyz kerek kezeńge kelgen sıaqtymyz. Sebebi, biz máńgilik eldiń-táýelsiz urpaqtarymyz!

Jastar jyly-Qazaqstan jastary úshin alǵash ret bastaý alǵan qýanyshty oqıǵa boldy. Munyń ózinen-aq bizge berilgen  kóptegen múmkindikterdi baıqaýǵa bolady. Bul múmkindikter óz bolashaǵymyz ben el bolashaǵyna tikeleı baılanysty. Jeke bolashaǵymyzdy josparlaı otyryp, el bolashaǵyn  qalyptastyramyz. Bolashaq degen sózdi estigende eń birinshi oıǵa keletini - armandar, maqsattar, josparlar. Bizder úshin jumbaq, qýanyshty sátter, romantıka desem bolatyn shyǵar. Aldymyzǵa qandaı isterdi ákelse de sapaly jasaımyz, jasaı alamyz degen oılar.

Elbasymyz Jastar jylynyń saltanatty ashylýynda bylaı degen bolatyn: «Bul-memleket tarapynan óskeleń urpaqty qoldaýǵa baǵyttalǵan mańyzdy qadam. Táýelsizdik rýhymen ósip kele jatqan búgingi jas býyn-bizdiń erteńgi úmitimiz, senimdi tiregimiz»

Iaǵnı, bizdiń armandarymyz ben maqsattarymyz- elimizdiń úmiti, senimi. Sol sebepten armanymyz aıqyn bolsa, maqsatymyz myqty, josparymyz jalyndy bolmaq. Jastar jylynda árbir qaıratty jas bar kúsh-jigerin salyp aıanbaı jumys jasasa, bostandyǵymyz úshin kúresken ata-babamyzdyń bizge artqan úlken senimi men úmiti, ata-anamyzdyń eńbegi aqtalady dep oılaımyn.  Al ata-ana, otbasyń, týǵan mekeniń- barlyǵy úlken otanyń-Qazaqstan.

Maǵjan Jumabaev:«...Men senemin jastarǵa,                                                                                                                                                    Alash atyn aspanǵa

Shyǵarar olar bir tańda,- dep nyq senimmen jyrlasa, aqynnyń ıdeıalas zamandasy Mirjaqyp Dýlatuly:

«...Halyqqa,jastar, basshy bol!

Qarańǵyda jetektep. 

Tereń sýdan óter me, 

Myn qoıdy serke bastamaı?»-dep, halyqty jaryqqa bastaıtyn jastar ekenin ashyp aıtady.

Elimizde memleket tarapynan jastarǵa jan-jaqty qoldaý kórsetilip keledi. Mysaly,  jas mamandardy aýylǵa tartý maqsatyndaǵy «Dıplommen aýylǵa», ekonomıkalyq jáne jumyspen qamtý baǵytyndaǵy  «Bıznestiń jol kartasy», «Jumyspen qamtý-2020», bilim berý salasyndaǵy qosymsha granttar jáne shetelde bilim alýǵa múmkindik beretin «Bolashaq» Halyqaralyq stıpendıasy, «Jas otbasy», «7-20-25» baǵdarlamasy aıasynda baspanaly bolýdyń múmkindikteri, Joǵary bilim alýdyń qoljetimdiligi men sapasyn arttyrý, stýdent jastardyń jataqhanadaǵy jaǵdaıyn jaqsartý baǵytyndaǵy baǵdarlamalardyń barlyǵy elimizdiń túkpir-túkpirinde júzege asyrylyp jatyr.  Bunyń túpki negizinde jastar qýattansyn, qaırattansyn, serpilsin, nyq qadam bassyn degen oı tur. Memleketimiz barlyq jaǵynan myqty jastan myqty nátıje kútedi. Olaı bolsa, «Jastyǵymnyń jalyny, júregimniń ystyǵy- týǵan Qazaqstanyma!» deıtin mezgil keldi.

Prezıdentimiz Qasym-Jomart Toqaev: «Qazaqstan jastary bilimdi, jan-jaqty damyǵan ári daryndy.Bizdiń elimizdiń bolashaǵy solardyń qolynda. Memleket basshysy ashqan Jastar jyly jas urpaqtyń ózekti máselelerin sheshýge kúshti serpin beredi, olardyń ózin ózi tanytýǵa múmkindik týǵyzady. Qazaqstannyń ozyq oıly jastary ǵylymda, IT tehnologıasynda, mádenıet, bıznes pen sportta tamasha nátıjelerge qol jetkizdi. Qabiletti, jigerli jastarǵa tıisti jaǵdaı jasap, ynta-yqylasyn arttyrý kerek» degen bolatyn. Men bul jolda álemge qazaq áýenin qalyqtatqan Dımash Qudaıbergendi, Qazaqstannyń tabıǵatyn nasıhattaýshy Danelıa Týleshovany úlgi etemin.  Bul tizimge qosylatyn aǵa-apalarymdy kóp dep bilemin.

«Jasynda tyrysqan - qartaıǵanda qýanady» degen  ǵulama Mahmut Qashqarıdyń sózi bar. Memleketimiz qoldap, jol kórsetip turǵanda alǵa umtylsaq, berilgen múmkindikterdi paıdalansaq, bolashaqta  jetistikterimizge qýanatyn bolamyz dep úmittenemin. Qoǵamymyzda durys emes jaǵdaılar da bar, ol ras. Biraq men solardyń ishinen tek jaqsylyqty, ádemilikti kórgim keledi. Mektep bitirýime, shamaly ǵana ýaqyt qaldy.  Sosyn arman jolyma attanamyn. Sol jolda jalyndaı laýlap, teńizdeı tasyp, boıymdaǵy bar bilimime bilim qosyp, qúsh-jigerimdi maqsattaryma jetý jolynda jumsaǵym keledi. Bıylǵy jyl-sondaı múmkindikter jyly.  Men-óz ata-anamdy, ustazdarymdy, elimdi qýantý jolyn tańdaımyn. Men úshin, meniń qurbylarym úshin  asýlarǵa qol sozyp, bıikterden kórinetin jyl. Jastar jyly- úmit, qýanysh, serpin, jarqyn ister jyly dep túsinemin.

---