InfoHub Logo

Jastar arasynda salaýatty ómir saltyn qalyptastyrý — qazirgi ýaqyttaǵy eń ózekti máselelerdiń biri bolyp otyr. Adamnyń óz densaýlyǵyna kózqarasyn ózgertýi, eń aldymen, tárbıelik másele. Durys tamaqtaný jas kezinen, otbasynan bastalady.

«Densaýlyq — zor baılyq, adam baqytynyń bastaýy» — deıdi halqymyz. Densaýlyq ulan asyr baılyq ekeni ras, biraq oǵan ıe bolý úshin kúsh jumsalýy tıis. Densaýlyq ol adamǵa bir ret beriletin syı deýge bolady. Ony saqtaý úshin eńbek sińirip, aýyrmaıtyn jol izdeý kerek.

Qazirgi kezde Qazaqstannyń jastarynyń densaýlyǵy tómen deńgeıde. Oǵan mysal retinde áskerge qabyldaý kezinde ótetin tekseriste keminde 50% jastar densaýlyqtaryna baılanysty áskerı boryshyn atqarýǵa jaramsyz. Oǵan sebep aýrý shaqyratyn faktorlardyń ósýi, ıaǵnı qunarly tamaqtanbaý, temeki, ishimdik, esirtki zıandyǵy, qozǵalystyń az bolýy.

Qımyl belsendiligi — bul salaýatty ómir saltyn qalyptastyrýdyń negizgi sharty bolyp tabylady. Mańyzdy múshelerdiń jáne músheler júıesiniń qyzmetin jaqsartady, sondyqtan salaýatty ómir saltyn qalyptastyrýda úlken ról atqarady.

Densaýlyqty saqtaýda ýaqytymen jáne durys tamaqtanýdyń mańyzy zor.

Maıly, tuzdy, tátti taǵamdardy qabyldaýdy shektegen jón, tamaqty asa kóp jeýge, uıyqtar aldynda tamaqtanýǵa bolmaıdy. Tórt mezgil tamaqtanýdy saqtaı otyryp, belgili bir saǵatta as qabyldaǵan durys. Sonymen qatar, organızmdi shynyqtyrý, juqpaly aýrýlardyń aldyn alý, zıandy ádetterden alshaq bolý, kúızeliske kóp salynbaý sıaqtylardy saqtaı otyryp densaýlyqty saqtaýǵa bolady.

Mýzafarova Asel Janabaevna

---