InfoHub Logo

Jataqhana. Bul sózde kóp maǵyna jatyr. Bul jerden men kóp dostar, janyma jaqyn jandardy taptym. Jataqhana óte qyzyq jer. Munda qyzyq sátter kóp. Qasyńdaǵy dostaryńmen ne kórmeısiń? Toqshylyqty da, ashtyqty da birge bastan keshemiz. Jeýge as tappaǵanda, ár bólmege baryp bir kartoptan surap, on shaqty kartop jınap alatynbyz. Odan taǵy bólme aralap, maı suraısyń. Áıteýir, áıtip-búıtip dámdi tamaq daıyn qylamyz.  Aýyldan aqsha men tamaq kelse, bir kúnde joq bolady. Taǵy bir qyzyǵy, kezekpen ishti, ortany jýý. Anda-sanda sol úshin kórshi qyzdarmen renjisip qalamyz. Sabaqtan kele sala telefon qarap jata qalý,keshke jaqyn tamaq izdep dálizge shyǵatynymyz da ózinshe bir qyzyq. "Kim bizdi qonaqqa shaqyrady eken" dep júretinimiz de bar. 

Jigitter men qyzdar bolyp jınalyp gıtaramen óleń aıtamyz. Keıde tómendegi basqalardyń aıaq kıimin kıip ketesiń. Olar ár bólmeniń esigin qaǵyp, izdep júredi. 

Dostyqtaryńdy ishke kirgizgiń kelse, vahtersha apaıdan áreń degende suranasyń. Jeke kýáligińdi berip, jarty saǵat dep kirip, 3 saǵattan keıin bir-aq shyǵasyń. 

Jataqhananyń bar qyzyǵy osymen ǵana shektelmeıdi. Ony tek osynda meken etetinder ǵana jaqsy túsinedi.

Asylaı Nasıhatova

H.Dosmuhamedov atyndaǵy Atyraý memlekettik ýnıversıteti, jýrnalısıka mamandyǵynyń stýdenti

---