Jaz jetip, qarlar ketti, sýlar aǵyp,
Kún de tur jarq-jurq etip nuryn jaǵyp.
Qulpyryp, júz qubylyp jerdiń júzi
Qýanbas jan-janýar buǵan naǵyp.

Maýjyrap kesh bolǵanda juldyz, aıy,
Munartyp kókshil tartqan qyr men saıy.
Qoı mańyrap, túıe bozdap, sıyr móńirep,
Jylqy kisinep, oınaqtap qulyn, taıy.

Syldyrlap qaınap aqqan bulaqtary,
Sekirgen jaǵasynda laqtary.
Úı tigip, kók shalǵynda jeli qaqqan,
Keshegi qaıran qazaq turaqtary.

Alystan kúlip-oınap saǵymdary,
Sýlardyń gúr-gúr etip aǵymdary.
Syńsyp turǵan shynarlar saıasynyń
Mal-janǵa qandaı edi jaǵymdary!

Betine aıǵyz-aıǵyz salǵan shımaı,
Júrgen jer talaı shaýyp jylqy jınaı.
Birińdi kúzek, birińdi jaılaý qylyp,
Sonda da daýryqtym ǵoı saǵan syımaı.

Qys bolsa bir jaǵyndy qylyp qoryq,
Taqaqtap, atqa minip, jortqan qoryp,
Jazataıym aıaqty endi bassam,
Tartqyzdy kisi qunyn, qanyn soryp!

Jaǵalap aýyl qonǵan kólderim-aı,
Sýynda júzip ishken tólderim-aı!
Sharq uryp, shalqyp qonǵan qaıran qonys,
Zar bolyp bir kúngige shóldedim-aı!

Jaıqalǵan sypsyń qaǵyp nýlarym-aı,
Qıqýlap án salatyn qýlarym-aı!
Arqańda malym ósip, myrza atanyp,
Kúpildep, kókke shyqqan býlarym-aı!

Kólshimek, byqyp jatqan tomarym-aı,
Tomarǵa jyljyp baryp qonarym-aı!
Sýyńa taı júzdirip ermek qylǵan,
Endi kózim jetpeıdi ońaryma-aı!

Jıylyp, qala salyp almadym-aı,
Tabam dep keń oryndy qarmadym-aı!
Qaıda barsam «bytpyldyq» bódenege,
Jańa ókindim, amal ne, ańdadym-aı!

********************************

«Al qutyl, jaý jetti» dep, qoıdaı úrkip,
Ień — men ólmeı júrmin ázer ashtan.

Ándetip qoıshylarym qoıyn baǵyp,
«Iá, pirim-aı! Kettiń dáýren álde naǵyp?»

Qasıetti babalardyń zıaraty,

********************************

Al endi, bizge kelgen zaman qandaı,
Zamanǵa qarsy turar shamań qandaı?
Basqanyń kók jelke bop tepkisinde,
Talaısyz neden boldyń, ah, sormańdaı!

---