InfoHub Logo

Maqsaty: Balalarǵa Uly Otan soǵysynyń mazmunyn áńgimelep, osy soǵysta erlik kórsetken batyrlardyń erlikterin, jyl saıyn Jeńis kúniniń mereıli merekesin búkil halyq toılap otyratynyn aıtyp, jeńis saltanatyn kóre almaı ketken bozdaqtardyń, búginde sany azaıyp qalǵan maıdangerlerdiń rýhyna bas ıe otyryp, balalardy Otandy qorǵaýǵa, Uly Otan soǵysynyń batyrlarynyń erlik isterine taǵzym etýge, batyl da erjúrek bolýǵa úıretý. Elin, jerin jaýdan qorǵaı bilýge, eliniń patrıoty bolýǵa tárbıeleý.

1 - júrgizýshi: Uly Otan soǵysyna Qazaqstannan 1 mıllıonnan astam jaýynger qatysyp, olardyń basym kópshiligi urys dalasynda qaza tapty. Qanshama jaýynger habar-osharsyz ketti. Qazaqstannan qurylǵan áskerı dıvızıa eń qaýipti jerlerde soǵysty. General Panfılov bastaǵan 28 dıvızıa jaýyngerlerdiń esimderi Uly otan soǵysynyń tarıhyna altyn áriptermen jazylǵan.

2 - júrgizýshi: Ońaılyqpen túsken joq jeńis bizge
Soǵys eldi túsirdi - aý aýyr kúıge.
Jurt kúızeldi, tógildi qansha kóz jas,
Túnerdi qaıǵy bulty talaı úıde.

1 - júrgizýshi: Biriktirip úmiti men tilegen,
Biriktirip barlyq kúshin jigerin
Ana úshin, bala úshin, jer úshin
Jasqanbastan tosty oqqa júregin
Kórinis. Úntaspadan.
- Qymbatty baýyrlar, 1941 jyly 22-maýsymda fashısik Germanıa tutqıyldan shabýyl jasady. Olar bizdi bostandyǵymyzdan aıyra, jerimizdi taptamaq boldy, biraq olaı bolmaq emes. Biz jeńemiz, ádilet árqashanda jeńbek. Fashıserge ólim kelsin! Aǵylǵan halyq, Otan úshin jaýǵa attanyp bara jatqan jaýyngerler. Kári de, jas ta, qyzdar da, analar da áskerge ilikken jastardy shyǵaryp salýda.
Daýystar: «Aman - esen elge oralyńdar!», «Balam úıge jeńispen oralyńdar!», «Áke qosh saý bol!» t. b.

1 - júrgizýshi: Mundaı joıqyn apattyń kórip túrin,
Adamzat estimegen budan buryn.
Talqandap fashıserdi azat bolǵan
Ataımyz jyl saıynǵy Jeńis kúnin

2 - júrgizýshi: Otan úshin mert bolǵandy tanyp, bil,
Olardy áste umytpaıdy halyq bul
Erlik dańqy eshqashanda óshpeıdi
Batyrlardyń júregi ot bop janyp tur!- deı otyryp Jeńis kúninen arnalǵan erteńgiligimizdi bastaımyz.
Mýzyka. Balalar qoldaryna gúl shoqtaryn, sharlardy alyp shyǵady.

1 - júrgizýshi: Soǵys órti óship, qaıǵy muńnan aıyrylyp, beıbitshilik ornaǵanyna 67 - jyl.
2 - júrgizýshi: Eki qolmen shoq kósep oınaǵandar,
Keýdesin otqa tósep laýlaǵandar.
Bir sátke sol erlerdi eske alaıyq
Jeńis toıyn búginde toılaǵandar, dep sonaý surapyl jyldary Jeńis kúnin jaqyndatýǵa atsalysqan jandardy 1mınýt únsizdikpen eske alaıyq.
Únsizdik.
Baǵlan: Bizder úshin janyn qıǵan,
Bas ıemiz jandarǵa
Ataq - dańqyn jetkizemiz,
Erteńgi atar tańdarǵa.
Qutty bolsyn apalar
Umytpaıdy eshqashanda
Jaýyngerdi balalar
Án: «Jeńis kúnin toılaımyz»

Aısha: Jaýynger bizdiń sańlaqtar
Jaýdy jeńgen soldattar
Ardaqta Otan - el úshin
Baqytty týǵan jer úshin.
Nurádil: Jaý shatyryn jyqtyryp
Jaýǵa tize búktirip
Jarq etti eldiń erleri
Jeńimpaz ósken udaıy.

Júrgizýshi: «Eshkim de umytylmaıdy, esh nárse de umytylmaq emes!». Osynaý sózder soǵysta qaza tapqandar eskertkishterine tastan qashalyp jazylǵan.
Araılym: Mezgilsiz ólgen ardagerler
Uldar aıbyny
Jelbire týlar
Tolyqsyp tursa
Maı gúli
Qýaný kerek!
Qýaný kerek desek te....
Umytý qıyn qaıǵyny
«Kóńildi bı» Soǵys ánderine papýrı.

Júrgizýshi: Iá, bul jeńis bizge ońaılyqpen kelgen joq. Ádı Sháripov, Qasym Qaısenov, Jumaǵalı Saın, Talǵat Bıgeldınov, Musabek Seńgirbaev, Álıa Moldaǵulova, Mánshúk Mámetova, Baýyrjan Momyshuly sıaqty aty ańyzǵa aınalǵan aǵalarymyz ben atalarymyz, ápkelerimiz ben apalarymyzdyń jasaǵan erlikteri máńgi jadymyzda qalady. Beıbit kúnniń árbir araılap atqan tańy úshin biz maıdangerlerge qaryzdarmyz. osy apa - atalaryna uqsaýdy armandaıtyn balalarymyz, qazir sizderge óz ónerlerin kórsetedi.

Temirlan: Qaıtpaǵan daýyldan
Kek alǵan jaýynan
Halqymnyń qasterli
Jaısańy Baýyrjan
Qazaqtyń qamy úshin
Júregi aýyrǵan
Eliniń namysyn
Qorǵaǵan Baýyrjan
Júrgizýshi: 1945jyly 30sáýirde saǵat 6, 30 - da jeńis týy tigildi. Tý tikken Raqymjan Qoshqarbaev. Tórt jylǵa sozylǵan qan tógis aıaqtaldy.

Kórinis.
Ortaǵa qolynda qyzyl týy bar Raqymjan Qoshqarbaev shyǵady.
Raqymjan. «Otan úshin alǵa!», «Bizder jeńdik!» týdy tigedi.
Salút, fanfary.
Úntaspadan daýys: 4jylǵa sozylǵan aýyr soǵystan keıin sovet áskeri fashısik Germanıany qulatyp, Uly Otan soǵysynda jeńiske jetti.
Jeńis qutty bolsyn!
1 - júrgizýshi: Bir ǵana Jeńis degen sózdi estigende sol kezdegi adamdardyń qýanyshynda shek bolmady. Jan - jaqtan aıqaılaǵan daýystar, kózine jas alyp jylaǵandar boldy. Árıne bul úlken qýanyshtyń jasy edi.

2 - júrgizýshi: Erjúrek batyr ata - apalarymyz syılaǵan baqytty tańdar, beıbit kúnder úshin, ol kisilerdiń aldarynda bizder árqashan bas ıemiz, endigi jerde jyl saıyn sany azaıyp bara jatqan batyrlarymyzdyń qalǵandaryna Alla taǵala uzaq ǵumyr bersin dep tileımiz.

Jangúl: Aǵaıyn týǵan bar adam
Adamdyq úshin jaralǵan
Bar elge qymbat týystyq
Baıandy bolsyn tynyshtyq

Danara: Nur tunsyn qyrymyz
Qulpyrsyn gúlimiz
Jaıqalsyn baǵymyz
Jaınasyn kúnimiz
Arslan: Aq kógershin qalyqtap
Aspanda ashyq samǵaǵan
Tynyshtyq bolyp elimde
Qanaty onyń talmasyn.
Án: «Aq kógershin»