InfoHub Logo

Saıystyń taqyryby: «Jigit sultany – 2014» saıysy
Saıystyń maqsaty: Ata saltyn ardaqtaıtyn, óz elin súıer naǵyz qazaq jigitiniń qasıetterin boıyna sińire biler urpaqty tárbıeleý.
Er balalardyń jan dúnıesindegi kórkemdik talǵamyn qalyptastyrý, qazaq halqynyń uldy tárbıeleý salt - dástúrine baılanysty ádeptilikke, ustamdylyqqa, tózimdilikke, batyldyqqa tárbıeleý.
Kórnekiligi: Taqyryby, sharlar, sýretter.

Júrý barysy:
1 – júrgizýshi:
Baǵyna baqytty eldiń týǵan ulan,
Boıyna bar asyldy jıǵan ulan.
Qazaqtyń qasıetti jigitteri,
Janyna nur daryǵan, jyr daryǵan.
Darıa oı, danalardan bata alǵandar,
Aınymas almas qylysh atanǵandar.
Qazaqtyń qasıetti jigitteri,
Halqyna qalqan bolǵan qaharmandar - dep, Mahmutbaı Ámiruly aǵamyz jyrlaǵandaı halqymyzdyń ádet - ǵurpynda otbasyna ul balanyń kelýi «Ul týǵanǵa kún týǵan» - dep erekshe ony baqyt sanaǵan. Onyń sebebi qazaqta otbasynyń jalǵasy, shańyraqtyń ıesi ul bala bolyp eseptelgen. Halqymyz ul bala tárbıesine erekshe kóńil bólgen. Er balany adamgershilikke, batyldyqqa, eptilikke, ımandylyqqa baýlyǵan.
«Ulǵa otyz úıden tyıym, on san úıden syn»- demekshi er jigitke aıtylar syn kóp, qoıylar talap ta joǵary bolǵan.

Olaı bolsa, qurmetti ata – analar, ustazdar, oqýshylar! Búgingi 4 - shi synyp oqýshylary arasynda ótkeli otyrǵan mektepishilik «Jigit sultany - 2014» saıysyna qosh keldińizder!

2 – júrgizýshi:
Naǵyz káýsar jigitti,
Naǵyz qaısar jigitti,
Naǵyz bulbul jigitti,
Naǵyz dúldúl jigitti,
Anyqtaıtyn kez keldi!

1 – júrgizýshi:
Ýa, halaıyq, halaıyq,
Munda nazar salaıyq!
Ata jolyn jalǵamaq
El dástúrin qoldamaq
El namysyn qorǵamaq.
Uldar shyqsyn ortaǵa,
Búgin sultan atanbaq! – deı otyryp, búgingi saıysqa qatysqaly otyrǵan saıyskerlerimizdi qol soǵyp, qoshemetpen ortaǵa shaqyraıyq!
----------------------------------------------- (Mýzyka áýenimen: «Ulytaý» toby, «Jumyr qylysh» kúıi)
2 - júrgizýshi: «Jigit sultany - 2014» saıysynda qatysýshy oqýshynyń arǵy ata babasyn, rýyn bilýi, ónerli, jan - jaqty jáne zerek bolýy baǵalanady. Ótkeli otyrǵan saıysymyzdyń shattarymen tanysyp óteıik.
Saıys negizinen 5 sharttan turady:

1. «Jeti atasyn bilgen er, jeti jurttyń qamyn jer». (Ózin jeti atasyn qosa tanystyrý beriletin ýaqyt 5 mınýt)
2. «El ishi, óner kenshi» (óz óneri án, bı, mánerlep oqý, sahnalaý jáne t. b. beriletin ýaqyt 4 mınýt)
3.«Bilimdi júzden ozar...» (vıktorınalyq suraqtar beriletin ýaqyt 1 mınýt)
4.«Sheberdiń qoly ortaq» (túrli materıaldarmen jumys, sýret salý, qamshy órý t. b beriletin ýaqyt 7 mınýt)
5.«Shynyqsam shymyr bolarmyn» (qol kúresi, ger kóterý beriletin ýaqyt 3mınýt)

1 – júrgizýshi:
Shalqytyp merekede án salaıyq,
Ónerpaz órenderge tamsanaıyq.
Ádildikpen shyndyqqa arqa tutqan,
Qurmetti ádilqazylardy qarsy alaıyq!
Saıysymyzdy bastamas buryn baıqaýymyzǵa tórelik etetin qazylar alqasymen tanys bolyńyzdar: