InfoHub Logo

Sabaqtyń taqyryby: Jylqy. Boz bıe

Sabaqtyń maqsattary: Oqýshylarǵa jańa bilimdi meńgertý.
Bilimdiligi: Jylqy maly, onyń erekshelikteri týraly, sondaı - aq qymyzdyń jasalýy, túrleri, adam aǵzasyna paıdasy týraly málimet berý;
Damytýshylyǵy: Halyqtyq pedagogıka negizderin paıdalana otyryp, oqýshynyń dúnıetanymyn keńeıtip, tanymdyq qabiletin arttyrý, damytý.
Tárbıeligi: Parasat - paıymy mol qazaq halqynyń ǵasyrlar tarazysyna salyp, elep - ekshep urpaǵyna jetkizgen ulttyq dástúrin, salt - sanasyn, turmys - tirshiligin oqýshy boıyna sińirtý; eljandylyqqa, otansúıgishtikke tárbıeleý.
Sabaqtyń ádisi: Taldaý, túıindeý, paıymdaý
Sabaqtyń kórnekiligi: ınterbelsendi taqta, tórt - túlik sýretteri, qymyz jáne ony quıatyn ydys túrleri.
Sabaqtyń túri: shyǵarmashylyq izdenis sabaǵy, ıntegraldy sabaq

Sabaqtyń barysy:
I Uıymdastyrý kezeńi: Psıhologıalyq turaqtylyq
Oqýshylar oryndaryna jaıǵasqan soń, sabaqtyń qandaı baǵytta júretinin tanytý úshin bári hormen aıtady.
Qoı súıedi balasyn «qońyrym» dep,
«Eshteńeni bilmeıtin momynym!» dep.
Sıyr súıedi balasyn «torpaǵym» dep,
«Qarańǵyda baspaǵan qorqaǵym!» dep.
Túıe súıedi balasyn «botashym» dep,
«Jaýdyraǵan kózińnen totashym!» dep.
Eshki súıedi balasyn «laǵym» dep,
«Tastan tasqa sekirgen shunaǵym!» dep.
Jylqy súıedi balasyn «qulynym» dep,
«Tulpar bolyp júgirer jurynym!» dep.

II. Ótkendi qaıtalaý
«Mıǵa shabýyl»
Mýltımedıadan tórt - túlik maldyń sýreti kórsetiledi. Olardyń tusyna: «Túıe - saltanat, sıyr - qanaǵat, jylqy - maqtan, qoı - qazyna» dep jazylady. Oqýshylar mal týraly óz bilgenderin ortaǵa salady.
Tapsyrma:
1. Jylqy atasy -
Sıyr atasy –
Túıe atasy –
Qoı atasy –
2. Tóldi qalaı shaqyrady?
Jylqyny –
Sıyrdy –
Túıeni –
Qoıdy -

III Jańa sabaq
1)«Oı qozǵaý» mýltımedıadan jylqy malynyń sýreti men óleń joldary kórsetiledi.
Qoǵaly kóldi jaılaǵan
Qyraýlap ony jylqyshy
Qyl arqanmen baılaǵan.
«Er qanaty - óziń» dep,
El qýanyp aıdaǵan
Jylqy degen janýar!
Al balalar, endi jylqy týraly naqty úsh sóılemnen turatyn óz oılaryńdy jaza qoıyńdar nemese aýyzsha aıtýǵa bolady.
2) «Maǵynany ashý»
Túıindeme
ataýy: jylqy
túri: bıe, at, sáýrik, aıǵyr
piri: Qambar ata
toby: úıir
tóli: qulyn
júrisi: aıań, jorǵa, jortaq, búlkek, bóken, jelis, sar jelis, tekirek, shoqytý, shabys
túsi: tory, kúreń, jıren, shabdar, aqboz, boz, kók, shubar, teńbil, qula
aýrýy: jamandatý:
jaýy: bógelek:
dybystalýy: kisineıdi:
baılaý quraly: noqta
tańdaýlylary: jorǵa, sýjorǵa, dúldúl, tulpar, qazanat, sáıgúlik, arǵymaq
ónimi: qymyz
Jylqynyń ósýi: (slaıdpen kórsetiledi)
Qulyn – jylqy tóli
Jabaǵy – bir jasqa deıingi tól
Taı – eki jasar jylqy
Qunan – úsh jasar jylqy
Dónen – tórt jasar jylqy
Besti – bes jastaǵy jylqy...