InfoHub Logo

Joba: «Ájege qonaqqa»
Túri: (Qysqa merzimdi)

Qatysýshylary: “Balapan” 2 sábıler toby, tárbıeshiler, ata - analar.
Maqsaty: Berilgen qasıetteri bar tulǵany tárbıeleý. Bilimdi, sheberlikti, daǵdylanýdy meńgertý.
Mindetteri: Balalardy ulttyq mádenıetke qatynastyrý. Ulttyq sújetke áýestendirý. Ulttyq mádenıetke qyzyǵýshylyqtaryn bildirýge tárbıeleý.

Balalardyń oıyn tájirıbesin baıytý. Balalardyń ózara baılanysty oıyn mindetterin oryndalatyndaı, oıyn jaǵdaılaryn jasaý.
Eresekter jáne qurdastarymen oń qarym qatynasta mashyqtanýyna tárbıeleý. Balalardyń jas shamasyna qaraı sújettik – róldik oıyndar elementterimen mektepke deıingi jastaǵy balalardy oqytý.

Ózektiligi: Balanyń jeke sapasy árqaısy kezeńde jetekshi bolyp tabylatyn qorshaǵan adamdarmen ózara qarym qatynas ereksheligin, onyń qyzyǵýshylyǵyn belgileıdi, belsendilik áreketshildigin qalyptastyrady. Mektepke deıingi jasta mundaı jetekshi áreketshildik oıyn bolyp tabylady. Oıyn arqyly bala eresekter ómirine kiredi, rýhanı qundylyǵyn meńgeredi, áleýmettik tájirıbe jınaıdy. Bala oıynnan alǵashqy ujymdyq oılaý sabaǵyn alady dep túsinýge bolady
Joba kezeńderi:

I. Daıarlyq kezeńi:
Áńgimelesý.
Sýretterdi qaraý
Ulttyq kıimder, ydys - aıaqtar jáne salt - dástúrlermen tanystyrý.
Kıiz úıdi bezendirý.
Mýlájdardy jasaý qazy, baýyrsaq, qurt, irimshik.

Kıiz úı kórki
Qazaqtyń ulttyq kıimderi
Ór Altaıǵa barǵanda.
Kól jaǵasy tamasha!

II - Negizgi
Oıyn ornyn uıymdastyrý.
Oıyn jaǵdaılary: «Qonaqqa daıarlyq», «Ájege syılyqtar daıarlaý», «Kólik tańdap, jolǵa shyǵamyz».

Jolǵa daıyndyq
Al, júrelik!
Ájeme saǵynyp kelgende.
Ájege syılyqtar.
Úı janýarlaryn tamashalaý
Dastarqan jasaıyq.
Ájeme qolqanat eteıik.
Maldardy jaıylymǵa shyǵaraıyq
Ájeniń kómekshileri
Ájemniń qoıý qońyr shaıyn – aı!

III - qortyndy
«Syılyq taratý», «Qoshtasý»

Rahmet, balalar, meniń aýylyma kelip meni qýanttyńdar, men de senderdi qur qol ketpesin dep syılyqtar bergim kelip tur.
Áje bizdiń ketetin ýaqytymyzda bolyp qaldy, saý bolyńyz.
Syılyqtar taratylýda.
Ájeme estelikke fotosýret.

Áje qońyraý shaldy.
Áje: - Sálemetsińder me, balalar? Qaldaryń qalaı, amansyńdar ma balapandarym. Maǵan aýylǵa qonaqqa kelinder. Men senderdi qatty saǵyndym.
Tárbıeshi: - Balalar, biz ájege syılyqqa ne alyp baramyz?
Balalar: - Ájemizge syılyqqa uıaly telefon, bilezik alaıyq. Sálemdemege qant, shaı, jemister alýǵa bolady.
Tárbıeshi: - Balalar, ájege aýylǵa barý úshin qandaı kólikti tańdasaq eken?
Balalar: - Aýylǵa avtobýspen baraıyq.
Tárbıeshi: - Avtobýsqa kirgende biz ne alýymyz kerek?
Balalar: - Aqsha tólep bılet alamyz.
Tárbıeshi: - Kim júrgizýshi bolady? Kim bılet satýshy bolady?
Mine biz ándetip, aýylǵa da jetip qaldyq. Endi túseıik.
Aýyldyń aýasy qandaı taza, tereń tynys alyp dem alaıyq. Qustardyń saıraǵan daýysy qandaı tamasha. Sýy qandaı tunyq. Jasyl shópter jaıqalyp, gúlder qulpyryp ketipti ǵoı.
Tárbıeshi: - Balalar, tabıǵat týraly kim taqpaq biledi?

Bala: Tabıǵat ana qushaǵyn aıalaımyz,
Qorǵaý úshin kúsh jiger aıamaımyz,
Ol bolmasa sen joqsyn osyny uq.
Adamzat! Tabıǵatty aıalaıyq!

Aldarynan Áje shyǵady.

Balalar: - Áje sálemetsiz be? Qalyńyz qalaı? Biz avtobýspen keldik.
Áje: - Sálemetsińder me, balalarym maǵan qonaqqa kelip qalypsyńdar, joǵary shyǵyndar. Senderge arnap aıran uıytyp, qurt jasap qoıyp edim. Mundaǵy qymyz, shubattan aýyz tıinder.
Balalar: - Ájetaı biz sizge kóp syılyqtar alyp keldik. Sizge syılyqtar unaıdy dep oılaımyz.
- Mine, sizge telefon alyp keldik, bizben ylǵı habarlasyp júresiz.
- Áje, biz kóp taqpaqtar bilemiz. Sizge aıtyp bereıik, tyńdańyz.

Ájem meniń álide, Bóbegińniń tilegin
Uqsamaıdy kárige Qabyl alshy, ájetaı.
Shaı qaınatyp beredi Uzaq ómir, júz jasap,
Qajet bolǵan kisige. Júrshi áje qamyqpaı.

Áje: - Rahmet balapandarym. Men senderge shaı qaınataıyn, baýyrsaq pisireıin.
Balalar: - Áje maldyń bári óriske jaıylyp ketken be?
Áje: - Iá, balalarym myna jaqyn mańda qozylar, buzaýlar qalyp edi, olarǵa sý quıyp, jem salý kerek.
Balalar:- Áje siz sharshaǵan bolarsyz, biz sizge kómektesemiz. Biz balabaqshada úı janýarlary týraly taqpaqtar jattadyq.

Aýyldyń qoıy bar, Eshki qoıdy bastaǵan,
Qoıy bardyń tony bar. Qoıdy artyna tastaǵan.
Saýsa tátti súti bar, Eshki degen janýar,
Soısa dámdi eti bar. Saýsa súti bulaqtaı.

Shóre - shóre laǵym,
Tentek bolma shyraǵym.
Sekekteme demińdi al,
Selteńdemeı qulaǵyn.

Áje: - Rahmet, qandaı jaqsy taqpaqtar aıttyńdar.
Qyzdar dastarqan ázirleıdi, uldar maldarǵa jem beredi, sý quıady, qoraǵa qamap beredi.
Balalar ájeniń dámdi shaıyn iship, jattaǵan ánderin aıtyp beredi.
Án «Ájetaı»

Áje balalarǵa daıyndaǵan syılyqtaryn taratady.
Balalar:- Áje, bizdiń qaıtatyn ýaqytymyz boldy. Aıran, shaıyńyz óte dámdi eken. Rahmet sizge, endi siz qonaqqa kelińiz. Saý bolyńyz!
Áje: - Senderge rahmet, sender bolmasańdar qaıter edim. Taǵy aýylǵa kelip turyndar. Bárine sálem aıtyńdar.

Balalar avtobýsqa otyryp qalaǵa qaıtady.