InfoHub Logo

«Jomart kúz» atty erteńgilik

Merekege saı bezendirilgen zal.
Ádemi sazdy áýen oınalyp turady.
Búldirshinder tárbıeshimen birge kirip,
mýzyka yrǵaǵymen bılep turady
Balalardyń qoldarynda japyraqtar.

Tárbıeshi:
Qurmetti qonaqtar, ustazdar!
Búgin «Sýtas» mektepaldy daıarlyq tobynyń
balalary daıyndaǵan
«Jomart kúz»
atty erteńgiligine qosh keldińizder.

Bulttar tónip jerge shógip
Dymqyl tuman basady
Shóp sarǵaıyp óńi taıyp
Dala sury qashady
Boı jaza almaı
Oınaı almaı
Deneń muzdap tonady
Bóbekterim aıtyńdarshy
Bul qaı kezde bolady?

Balalar hormen - kúzde

Armysyzdar, halaıyq,
Barmysyzdar halaıyq!
Kúzgi toıdy jup jazbaı,
Kelińder qarsy alaıyq!
(Syrttan bir dybys estiledi, jeldiń shýy)

- Balalar, tyńdańyzdarshy bul ne shý?
(Osy kezde ádemi áýenmen Kúz hanshaıymy keledi)
Kúz hanshaıymy:
Sálemetsizder me, balalar!

Balalar:
Sálemetsiz be!
Kúz hanshaıymy:
Ýa, halaıyq, darhan dalam armysyń,
Tabıǵatym jany jaısań tal músin
Hanshaıymy kúzdiń búgin kelip tur,
Almaq bolyp bar halqymnyń alǵysyn.
Men – Kúz hanshaıymymyn.
Senderdi kórgenime qýanyshtymyn!

Tárbıeshi: Qosh keldiń, Kúz hanshaıymy! Tórlet!

Kúz hanshaıymy:
Balalar, men senderge bir jumbaq jasyraıyn.

Aǵaıyndy bári,
Shyqsa – jasyl,
Tússe – sary. Bul ne?
Balalar:
Japyraq

Kúz hanshaıymy:
Durys taptyńdar, jaraısyńdar! Men ózimmen altyn japyraqtarymdy ala keldim.
Ár japyraǵymda tapsyrmalar. Eger de tapsyrmamdy oryndasańdar, meniń de senderge degen syılyǵym bar.
Tárbıeshi: Árıne, qymbatty Kúz hanshaıymy!
Bizdiń balalar kúz týraly óleń, taqpaq, jumbaqtar sheshe alady.
Siz jaılanyp otyryp, balalardyń ónerin tamashalańyz.
Án: «Kúz jomart»