JOO bilim grantyna úmitkerler qujatty Egov.kz portalynda tapsyrýy tıis
Karantın jaǵdaıynda talapkerlerge yńǵaıly bolýy úshin bilim grantyn taǵaıyndaý konkýrsyna qatysý úshin ótinish qabyldaý merzimi uzardy.
Bilim jáne ǵylym mınıstrligi bul jaıynda Instagram paraqshasynda málimet taratty.
Memlekettik bilim grantyn taǵaıyndaý konkýrsyna qatysý úshin talapker Egov.kz elektrondy úkimet portaly arqyly myna qujattardy tapsyrýy qajet:⠀
— ótinish;
— bilimi týraly qujat (atestat);
— jeke kýálik kóshirmesi.
Ázirge medısınalyq anyqtamalar talap etilmeıdi.
UBT sertıfıkaty júıede avtomatty túrde paıda bolady, sondyqtan ony Egov.kz-ke júkteýdiń qajeti joq. UBT sertıfıkattary elektrondy formatta berilgen bolatyn.
Konkýrs nátıjesi boıynsha memlekettik granttyń berilgeni týraly elektrondy sertıfıkat usynylady. Talapkerlerge qaǵaz sertıfıkatty alý úshin eshqaıda barýdyń qajeti joq.
Grant taǵaıyndaý formaty ózgergen joq, ıaǵnı maýsym aıynda ótken UBT qorytyndysy boıynsha úmitkerler memlekettik bilim grantyn taǵaıyndaý konkýrsyna qatysady. Osy jyly granttar oqý tiline baılanysty bolmaıdy.
Joǵary oqý oryndary talapkerlerdi tamyzdyń 10-25 aralyǵynda oqýǵa qabyldaıdy.
Joǵary oqý oryndarynda bilim qashyqtan beriledi. Dástúrli format jeke keste boıynsha zerthanalyq jumystar, óndiristik oqytý jáne kásibı praktıka úshin ótkiziledi.
Eske sala keteıik, biz buǵan deıin JOO men kolejderge qujat qabyldaý 25 shildege deıin sozylǵanyn habarlaǵan bolatynbyz.
You Might Also Like
-
Ál-Farabı atyndaǵy Qazaq Ulttyq Ýnıversıteti Fılosofıa jáne saıasattaný fakúltetiniń Mádenıettaný mamandyǵynyń 3 kýrs stýdenti Bazarbaı Jasmınnyń
-
QR Bilim jáne ǵylym mınıstrligi epıdemıalyq ahýal jaqsarǵan jaǵdaıda dástúrli oqytý formatyna kezeń-kezeńimen kóshedi. Bul týraly QR Bilim jáne ǵylym vıse-mınıstri Sholpan Qarınova aıtyp berdi.
