InfoHub Logo

“Juldyz” jýrnalynyń 2021 jylǵy qańtar aıyndaǵy 1 nómirinde Ramazan Tileýhannyń “Jaqsydan-sharapat” degen áńgimesin oqydym. Onda naǵashy atasy Kádirkeı Sádýaqasuly men Sáken Seıfýllınniń áńgimesi jarıalanǵan. Kádirkeı Sádýaqasulyna aryz jazylǵandaǵy ol kisiniń kómek surap, aqyl surap Sáken Seıfýllınge barǵandyǵy, Sáken Seıfýllınniń ony qushaq jaıyp qarsy alyp, qalany aralatyp, dastarhanyn jaıǵandyǵy, kelip otyrǵan sharýasyn tez arada sheship bergendigin aıtady. Sońynda “Sákendeı suńqardyń sharapatyn kórip, bir páleden aman qalyp em. Alaıda arada az jyl ótken soń, qaıran azamatty jazyqsydan-jazyqsyz atyp tastady ǵoı. Shirkin-aı, Sákendeı erler aman bolyp, eline qyzmet etkende áldeqandaı zaman bolar ma edi?!. Ókinishi men úmiti qatar júrgen Ómir osylaı ótedi de ketedi eken ǵoı...”  dep aıaqtalady. Meniń bul sózderden túıgenim jaqsy adamnyń jaqsylyǵy adam esinde máńgi qalady eken. Jaqsy adamnyń adamgershiligi men úlgi bolar isteri kópke úlgi. 

“Juldyz” jýrnalynyń 2021 jylǵy 1 nómirindegi taǵy bir sanynda Álibek Asqardyń “Qarataı men Anna-Lıza” derekti áńgimesi aıtylady. Bul áńgime kimniń de bolsyn júregine jetip, erekshe bir kúı kesheri anyq. Qandaı ana bolý kerek, qandaı er azamat bolý kerek osy bir áńgimede jazylǵan da sekildi. Áńgimeniń basy Baqtygúl esimdi anamyzdyń er minezimen, qaısarlyǵymen eki birdeı balasyn ósirip jetkizedi. Sonyń bir balasy el ishinde aty ańyzǵa aınalǵan qaıratker-Qarataı Kóshkinov bolǵan. Qarataıdyń jary bolǵan Anna-Lıza Lıýkkonnen ulty jaǵynan fın qyzy bolǵan. Anna-Lızanyń jary jer aýdarylyp ońtústikke kelgende artynan osy jaqa izdep kelgen eken, ókinishke oraı ol óziniń jarynan aıyrylady.  Óz elinde júrip Anna-Lıza qyzymen birge qıynshylyq kórip, Maqtaaralǵa  keledi. Muǵalim bolyp júrip osy bir Qarataımen tanysady. Ekeýi qosylyp úı bolyp, óz eńbekterimen syıly bolady. Óz jumystaryna adal bolyp, el úshin qyzmet qylǵan Qarataı men Anna-Lıza bir-birine adal jar, ómirleriniń sońyna deıin birge ótkizedi. Anna-Lıza aýyl-aımaqtyń  abyz anasyna aınalady, Qarataı Kóshkinovta qurmetke laıyq, ulaǵat eter tulǵa bolǵan. Bul ekeýinen kirshiksiz mahabbaty, qol ustasyp birge jetken qıynshylyǵy men baqyty kópke úlgi dep oılaımyn. Baqtygúl ana men Anna-Lızanyń boıyndaǵy qasıetter qyz-kelinshekterge úlgi bolary anyq. Ónegeli ómir men jastarǵa, ıaǵnı bizge bul áńgimeden alarymyz kóp. 

2021 jylǵy naýryz aıyndaǵy 3 sanynda Rahym Balabıevtiń “Aqsaq qyz taǵdyry” degen óleń joldary berilgen. Munda Gúlsim atty bir aıaǵy joq qyzdyń aǵasymen, súıgenime sóılesken muńzary men óleńderi berilgen. Qyzdyń taǵdyry oılamaǵan jerde, kúl talqany shyǵyp, armandary tas talqan bolǵandyǵy, óte aıanyshty. Aǵasyna aıtqan muńy, óziniń ómirine degen nazy adamnyń kóńiline eriksiz jas keltiredi. Aǵasy men súıgeniniń qoldaýy oǵan kúsh qaırat beredi. Súıgeniniń osyndaı jaǵdaıǵa qaramastan ony qabyldap, sheksiz súıgendigi meniń oıymsha erlik. Qazirde mundaı erlik kimniń de bolsyn qolynan kelmeıtini anyq. Pák sezim men qos ǵashyqtyń osy bir mahabbaty, aǵasy men qaryndasynyń bir-birine degen qoldaýy men jyly sezimderiniń ózi adamǵa jylýlyq syılaıdy. 

Zınadýllaqyzy Nuraı

---