Shaıqalyp nur,
Maýjyraǵan mamyrdan maı tamyp tur.
Jaıqalyp qyr,
Taýǵa soqqan boz saǵym qaıta aǵyp tur.
Aıtalyq syr,
Serýendep, júr qalqam, qaıtalyq bir.
Syrlasaıyq,
Qyzǵaldaqty ıiskep, bir jasaıyq,
Qyr basaıyq,
Ómse bulaı mamyrdyń turmas aıy.
Muńdasaıyq.
Qos kóńildiń pernesin bir basaıyq.
Tanysaıyq,
Sende - mamyr, al mende - aǵus aıy.
Tabysaıyq,
Sende - shyryn, mende - dán, aýysaıyq?
Aýysaıyq,
Shyrynyn da, dánin de taýysaıyq.
Qulaq talyp,
Myna dańnan ketti ǵoı qulaq talyp,
Jyraq baryp,
Serýendep qaıtaıyq syr aqtaryp.
...Bara jatyr janymdy bir ot qaryp,
Jastyǵym ba, tirilgen qulap baryp?..

---