Kúmiljip, kúıiń kelmeı tur ma, janym?..
Qoıaıyn bir sapyryp jyr qazanyn.
Bile me jurt, bilmeı me, bımaǵulym,
Tarǵyl tasty taýlardyń bir qazaǵyn.
Báribir, sensin meıli, senbesin kóp,
(Meniń oıym menimen jerge sińbek...)
Jyr-oshaqtyń ótemin otyn úrlep,
Qara eleńi qazaqtyń sónbesin dep.
Batar, keter kelmeske kúnim meniń,
Qalar biraq kıeli tilim meniń.
Qasiretti shaqtardan túńilgende,
Qasıetti tilimnen túńilmedim...

---