Júregim, júıkem, bar tulǵam,
Bul kúnde symdaı tartylǵan.
Lúp etip samal soqsa da,
Yzyńdap qalar anturǵan.
İzyńdap, názik ún shyǵar,
Ún shyǵar-daǵy tunshyǵar.
Shegine jetken sym-ishekter,
Úzileıin dep tur. shyǵar...
Aldyma óziń kelgesin,
Aıanam endi men nesin.
Úzilse, meıli, úzilsin,
Basyp bir kórshi pernesin.
Baıaǵy sazy bar ma eken,
Qýanysh pa eken, zar ma eken.
Syńǵyrap turǵan sym-ishekter,
Bul kúnde qandaı halde eken?!
Saýsaǵyń salyp perneme,
Sazdy úniń shyǵar terbele.
Tynshyp bir turǵan tulparym,
Tyqyrshyp qalsyn kermede.
Bul kúnde symdaı tartylǵan,
Júregim, júıkem,bar tulǵam,
Aınyma osy qalpyńnan!
Aınyma osy qalpyńnan!!!

---