InfoHub Logo

Armansyz pende bolmasy anyq. Sol sekildi árbir jas jetkinshek bala shaǵynda bolashaǵynda kim bolatynyn armandaıdy. Men de oıyn balasy shaǵymda ár qıaldyń jeteginde júretinmin. Armanda shek bar ma?!  Árıne, bolashaq mamandyqty tańdaý ońaı sharýa emes. Adam ómirde eki nárseni tańdaǵanda qatelikke jol bermegeni jón: biri-ómirlik serik bolar jar tańdaǵanda,ekinshisi- ómirine kórik bolar mamandyq tańdaǵanda. Men óz bolashaq mamandyǵym retinde uly kemeńger, dana Abaı atamyzdyń: «Bolmasań da uqsap baq» -degen sózin  máıek etip, óńirimnen túlep shyqqan jýrnalıserdiń salǵan sara jolymen ult jandy, kózi ashyq, kókiregi oıaý qazaqtyń azamaty bolyp, elime - adal qyzmet etip eldiń úkilegen úmitin aqtar, halyq sózin sóıler jýrnalıs bolýǵa bekindim. Jáne de durys sheshim qabyldydym degen oıdamyn. Jýrnalısıka - qyzyǵy men qıyndyǵy qatar júretin, kóp izdenis pen mol bilimdi qajet etetin sala. Jazǵan maqalańnyń myqtylyǵyna áriptesterińmen ujym basshylarynyń kózi jetýi úshin, oqyrmannyń oıynan shyǵýy úshin jazǵan shyǵarmalaryńnyń qozǵar ózekti taqyryby qandaı bolýy shart? Qalam ustaǵannyń bári derlik el jadynda qalarlyqtaı jaqsy jýrnalıs atana bermeıtini de, osy atalmysh mamandyqtyń qıyndyǵyn áıgileri aqıqat. Endeshe jaqsy jýrnalıske qandaı qasıet tán? Nendeı talaptyń údesi qajet? Eń aldymen adaldyq jáne de «Bal tamǵan ótirikten, qan tamǵan shyndyq kerek»,- demekshi shynaıylyq kerek. Qazirgi zaman talabyna saı qazaq jýrnalıserine tán eń basty qasıetti ǵalym N.Omashev «...Eń áýeli aldyndaǵy aq qaǵazǵa ,qalamǵa  adaldyq kerek: qaraqan basynyń  qamynan góri el múddesi, halyq taǵdyry, Otannyń búgini men keleshegi qashanda birinshi turýy basty talap»,-deıdi. El jurttyń jaıyn ótkir shynshyldyqpen aıta bilýde jetkiliksiz, degenmen jýrnalısiń qaıyǵyn jaǵaǵa jetkizýge ushqarlylyq, bilimi,ómir tájirebıesi, daryn kerek. Osynyń bári bir arnaǵa toǵysqan da ǵana jýrnalısiń jazǵany barsha oqyrmannyń nazaryna eriksiz shalynady, oqylady. Bul mamandyqty tańdaýdaǵy basty maqsatym: oı erkindigi men sóz bostandyǵyna qol jetkizip, búgingideı máńgúrttik derti sanalardy ýlap jatqan qoǵamda, buqara júregine jylý syılap, jýrnalısıkanyń jiligin shaǵyp, maıyn ishetin naǵyz «tórtinshi bılik» ıesi, bilikti maman bolý. Sonymen qosa qazaq jýrnalısıkasynyń álemdik deńgeıge kóterilip, ózgelermen «terezesi teń dárejege» jetýine tamshydaı bolsa da óz úlesimdi qosý. Árıne, qalamy qarymdy, jan-jaqty, daryndy jýrnalıs bolý ońaı emesi anyq. Olaı bolsa shyryldap shyndyqty aıtyp, jaqsylyqqa jarshy, habarshy bolý - búgingi kúnniń tilshisiniń basty mindeti dep paıymdaımyn.

---