InfoHub Logo

5 synypqa arnalǵan "Qazaqstan tarıhy" oqýlyǵyndaǵy ejelgi adamnyń tym ashyq sýreti ata-analardy shoshytty.

Qazaqstandyq oqýshylardyń biriniń ata-anasy 5 synypqa arnalǵan tarıh kitabyndaǵy kórneki beıneni sýretke túsirip alǵan.  Oqýlyqta ejelgi adamnyń dene múshelerin tym ashyq sýrettegen.

"Myna ejelgi adamnyń bir jerin jaýyp qoıýǵa ne jetpedi eken?!", - dep tańdanǵan sýret avtory.

Ata-analardyń aıtýynsha, atalmysh sýret besinshi synyp oqýshylaryn yńǵaısyz jaǵdaıǵa qaldyrǵan.

«Iá, mundaı sýret bar. Ulym aıtty, synybyndaǵy oqýshy muǵalimnen ejelgi adamnyń eki aıaǵynyń ortasyndaǵy jer nege jabylmaǵan dep suraǵanda, "múmkin olar sol zamanda osylaı júrgen shyǵar" dep jaýap bergen», - deıdi taǵy bir jetkinshektiń anasy.

Úlkenderdiń keıbiri mundaı sýretti besinshi synyp oqýshysy úshin tym dóreki dep eseptese, keıbiri bul sýretke qarap kúlip alǵan.

Sondaı-aq, «Eger meniń qyzym 4 synyp bitirgenshe sýrettiń kózin qurtpasa, men kitaptyń bul betin jyrtyp tastaımyn», - dep narazylyq bildirdi jas áke.

«Ejelgi adam júgiris kezinde butyndaǵy matasyn joǵaltyp ap, fotograf sol sátti túsirip alǵan shyǵar», - dep sarkazmmen jaýap qatqandar da bar.

---